صيانة الـ 20 الف للياريس ....بـ 711 جنية

[hero]

الحمد لله اول امبارح عملت صيانة الـ20 الف من مركز صيانة معتمد من تويوتا لاني لسة في الضمان وكانت كالآتي:

1- زيت موبيل 1 ( 230 جنية )

2-فلتر هواء (140 جنية )

3- بوجيهات (72 جنية )

4- فلتر زيت (50 جنية )

5- طبة زيت (7 جنية )

6- مواد اخري (20 جنية )

7- مصنعية (175 جنية )


طبعا كل الآسعار ايلي فوق دي قبل ما تضاف الضريبة .....10% علي كل حاجة حتي الخدمات والمصنعيات

الحساب بعد الضريبة كان 711 جنية ...والصيانة اخدت ساعتين بالتمام والكمال وبصراحة الصيانة ممتازة والمركزسلمني قطع الغيار الاصلية ايلي تم تغيرها ما عدا فلتر الزيت لانة طبعا هايبقي غرقان زيت...

بس انا حاسس ان فلتر الهواء والبوجيهات كان ممكن تعمل 10 آلاف كم كمان ....!!!؟

هل فعلا تغيير فلتر الهوا والبوجيهات ضروري ولا ممكن بعد كدة اغيرهم علي 30 الف كم....


مع تحياتي..

[myself112]

و الله الاسعار كويسة جدااااا , تقريبا نفس الاسعار الى بشترى بيها الحاجة من بره ........ ربنا يباركلك فى العربية , و بالنسبة لحوار ان البوجيهات والفلتر ممكن تقعد كمان شوية هو الحوار نسبى على حسب ... بس الافضل انهم يتغيروا احسن لانهم بيفوقوا العربية عن الاول ... و مش غالين اوى للدرجة انى اقعدهم ..

[slim_shika]

فلتر هوا وبوجهات على العشرين! ده كده طبيعي ولا إيه؟

[BLOODY_STONE]

اوووووووووووووووووووووف 175 مصنعية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[slim_shika]

175 مش كتير, في السيريون كانت 211 .

[ahmedbndk]

ممكن أعرف حضرتك علمتها في اى مركز بالمبلغ ده لاى لسه عاملها من كام يوم ب 911

[asemx1]

هههههههههههه بضحك اوى لما اشوف حد حاطط التفاصيل بتاعت الصيانه

تغيير بوجيهات على 20 الف ؟؟؟؟؟؟؟ دا الفيات مش كدا يا راجل البوجيهات اقل حاجه فى تويوتا 50 الف وبتوصل ل 80 الف مستريح ويبقى فيها كمان
فلتر هوا على 20 برضو ؟ ؟ يعنى كان ممكن على 30 الف
طبه زيت ليه ؟؟؟
175 جنيه على ايه ؟؟ تغيير زيت وفلتر هوا وبوجيهات ؟"؟؟ يا ررااااااااااااااااجل ؟؟ عند اى حد بره ب 20 جنيه بالكتييييييييييييير

[asemx1]

هههههههه انا خلاص هفتح مركز صيانه بقى

[pharonicking]

غالى قوى المصنعية وكان ممكن تستنى شوية عالبوجيهات والفلتر

[tamim]

اسعار غالية جدا فى حاجات كنت ممكن تعملها بنفسك

[hero]

هههههههههههه بضحك اوى لما اشوف حد حاطط التفاصيل بتاعت الصيانه

ياسيدي ربنا يضحكك كمان وكمان...

وجود تفاصيل الصيانة مفيدة لناس تانية معاها نفس العربية وبتبقي عايزة تعرف اية ايلي هايتعمل في العربية وتكلفتة قد اية في التوكيل.

تغيير بوجيهات على 20 الف ؟؟؟؟؟؟؟ دا الفيات مش كدا يا راجل البوجيهات اقل حاجه فى تويوتا 50 الف وبتوصل ل 80 الف مستريح ويبقى فيها كمان
فلتر هوا على 20 برضو ؟ ؟ يعنى كان ممكن على 30 الف

اولا دة برنامج صيانة موضوع من التوكيل و الالتزام بية جزء من الضمان ...

حكاية الـ 50 الف والـ 80 الف علي بوجيهات عادية لا اعتقد انها صحيحة ...ممكن لو بوجيهات ايريديم ودة الطقم منة بثمن 4 اطقم عادية علي الاقل...

انا ما زال عندي سيارة لادا وباغير بوجيهاتها بالكتير علي 30 الف كم ...

طبه زيت ليه ؟؟؟

مش طبة الزيت بس ايلي لو اتفكت بتتغير...في جلب وقطع تانية كتيرة لما بتتفك تويوتا بتوصي بعدم استخدامها بعد الفك واستخدام قطعة جديدة بعد الصيانة....ممكن تراجعها في كتيب الصيانة بتاع اي عربية من تويوتا

175 جنيه على ايه ؟؟ تغيير زيت وفلتر هوا وبوجيهات ؟"؟؟ يا ررااااااااااااااااجل ؟؟ عند اى حد بره ب 20 جنيه بالكتييييييييييييير

ياريت حضرتك تفيد اعضاء المنتدي المقيمين في المنصورة وتعرفنا كام ورشة من ايلي ممكن يعملوا كل الحجات دي بـ 20 جنية بس...بالاضافة لمهارتهم في التعامل مع السيارة وفك تركيب قطع الغيار بالطريقة التي أوصت بها تويوتا..

[sab3aawy]

هههههههههههه بضحك اوى لما اشوف حد حاطط التفاصيل بتاعت الصيانه

تغيير بوجيهات على 20 الف ؟؟؟؟؟؟؟ دا الفيات مش كدا يا راجل البوجيهات اقل حاجه فى تويوتا 50 الف وبتوصل ل 80 الف مستريح ويبقى فيها كمان
فلتر هوا على 20 برضو ؟ ؟ يعنى كان ممكن على 30 الف
طبه زيت ليه ؟؟؟
175 جنيه على ايه ؟؟ تغيير زيت وفلتر هوا وبوجيهات ؟"؟؟ يا ررااااااااااااااااجل ؟؟ عند اى حد بره ب 20 جنيه بالكتييييييييييييير

البوجيهات مافيهاش فيات وتويوتا ، البوجيهات العادية ذات السن المصنوع من الصلب بتتغير من 20 الى 25 ألف كيلومتر فى جميع الماركات وممكن تتغير أقل من كدة كمان لو المحرك بيشغل طوال الوقت على عدد لفات عالية
البوجيهات اللى بتقعد 80 و 100 ألف كيلومتر هى البوجيهات البلاتين (وأحيانا يطلق عليها إيريديوم ) والتى يكون طرفها مصنع من سبيكة البلاتين إيريديوم وتقاوم التأكل بفعل الشرارة ودى نازلة ستاندرد فى الكورولا علشان كدة تعليمات كتيب السيارة الكورولا بتغييرها كل 100 ألف كيلومتر والتوكيل بينفذ ده بالفعل لكن اعتقد الياريس مزودة ببوجيهات صلب عادية علشان كدة بتتغير كل 20 ألف حسب تعليمات الصانع
لكن هو مش علشان اسم السيارة تويوتا البوجيه هيقعد فيها أكتر ما بيقعد فى السيارة اللى اسمها فيات

فلتر الهواء برضه بيتغير على 20 ألف دون النظر لاسم السيارة لان هواء بلدنا المحمل بالغبار مش بيدخل بترابه فى الفيات ولما يلافى عربية تويوتا بيستحمى قبل ما يدخلها، الغبار هو هو فى الحالتين والفلتر بيتسد فى الحالتين، وعندى فى العربية الكورولا لسة معملتش 20 ألف وفكيت الفلتر نضقته مرتين لحد ديلوقتى وفى المرتين منزل بلاوى

ال 175 جنيه تشمل مصنعيات تغيير زيوت وفلاتر وتربيط عفشة ومراجعة بنود الصيانة وغسيل السيارة، وهو رقم عادى بالنسبة لأى توكيل، لو شايف ان فيه ميكانيكى فى مصر هيعمل الحاجات دى لعربية تويوتا وياخد 20 جنيه ياريت تدلنا عليه، انا شخصيا بدل ما اروح لميكانيكى اديله 50-60 جنيه فى تربيط العفشة وغيار الزيت جنيه ويستخدم عدة تعبانة ويببوظ لى مسامير العفشة ويربط مسمار ويسيب التانى ادفع ال 175 بضمير مستريح وانا عارف ان عربيتى بتتربط بمفاتيح عزم بتربط بالعزم المطلوب بالظبط (شفتها بعينى، مش بفتى) ودون اتلاف للمسامير، بالاضافة للغسيل وتزييت مفصلات الأبواب والكبوت والشنطة وإكمال اى سوائل ناقصة فى السيارة

لو حضرتك بعد ده كله شايف ان تفاصيل الصيانة لازالت تثير الضحك استمر فى الضحك براحتك

[asemx1]

ياسيدي ربنا يضحكك كمان وكمان...

وجود تفاصيل الصيانة مفيدة لناس تانية معاها نفس العربية وبتبقي عايزة تعرف اية ايلي هايتعمل في العربية وتكلفتة قد اية في التوكيل.



اولا دة برنامج صيانة موضوع من التوكيل و الالتزام بية جزء من الضمان ...

حكاية الـ 50 الف والـ 80 الف علي بوجيهات عادية لا اعتقد انها صحيحة ...ممكن لو بوجيهات ايريديم ودة الطقم منة بثمن 4 اطقم عادية علي الاقل...

انا ما زال عندي سيارة لادا وباغير بوجيهاتها بالكتير علي 30 الف كم ...



مش طبة الزيت بس ايلي لو اتفكت بتتغير...في جلب وقطع تانية كتيرة لما بتتفك تويوتا بتوصي بعدم استخدامها بعد الفك واستخدام قطعة جديدة بعد الصيانة....ممكن تراجعها في كتيب الصيانة بتاع اي عربية من تويوتا



ياريت حضرتك تفيد اعضاء المنتدي المقيمين في المنصورة وتعرفنا كام ورشة من ايلي ممكن يعملوا كل الحجات دي بـ 20 جنية بس...بالاضافة لمهارتهم في التعامل مع السيارة وفك تركيب قطع الغيار بالطريقة التي أوصت بها تويوتا..

اوصى بها تويوتااااااااا !!!!!!!!!!!! ياراجل انتا فى مصر يعنى الى بيتعامل مع العربيه فى التوكيل دا صدقنى بتاع الفول الى فى الشارع انضف منه بمراحل ويفهم عنه بكتير
شويه الماكينات والاجهزه الى بتشوفها عندهم هيا الى بتبهرك بس

البوجيهات مافيهاش فيات وتويوتا ، البوجيهات العادية ذات السن المصنوع من الصلب بتتغير من 20 الى 25 ألف كيلومتر فى جميع الماركات وممكن تتغير أقل من كدة كمان لو المحرك بيشغل طوال الوقت على عدد لفات عالية
البوجيهات اللى بتقعد 80 و 100 ألف كيلومتر هى البوجيهات البلاتين (وأحيانا يطلق عليها إيريديوم ) والتى يكون طرفها مصنع من سبيكة البلاتين إيريديوم وتقاوم التأكل بفعل الشرارة ودى نازلة ستاندرد فى الكورولا علشان كدة تعليمات كتيب السيارة الكورولا بتغييرها كل 100 ألف كيلومتر والتوكيل بينفذ ده بالفعل لكن اعتقد الياريس مزودة ببوجيهات صلب عادية علشان كدة بتتغير كل 20 ألف حسب تعليمات الصانع
لكن هو مش علشان اسم السيارة تويوتا البوجيه هيقعد فيها أكتر ما بيقعد فى السيارة اللى اسمها فيات

فلتر الهواء برضه بيتغير على 20 ألف دون النظر لاسم السيارة لان هواء بلدنا المحمل بالغبار مش بيدخل بترابه فى الفيات ولما يلافى عربية تويوتا بيستحمى قبل ما يدخلها، الغبار هو هو فى الحالتين والفلتر بيتسد فى الحالتين، وعندى فى العربية الكورولا لسة معملتش 20 ألف وفكيت الفلتر نضقته مرتين لحد ديلوقتى وفى المرتين منزل بلاوى

ال 175 جنيه تشمل مصنعيات تغيير زيوت وفلاتر وتربيط عفشة ومراجعة بنود الصيانة وغسيل السيارة، وهو رقم عادى بالنسبة لأى توكيل، لو شايف ان فيه ميكانيكى فى مصر هيعمل الحاجات دى لعربية تويوتا وياخد 20 جنيه ياريت تدلنا عليه، انا شخصيا بدل ما اروح لميكانيكى اديله 50-60 جنيه فى تربيط العفشة وغيار الزيت جنيه ويستخدم عدة تعبانة ويببوظ لى مسامير العفشة ويربط مسمار ويسيب التانى ادفع ال 175 بضمير مستريح وانا عارف ان عربيتى بتتربط بمفاتيح عزم بتربط بالعزم المطلوب بالظبط (شفتها بعينى، مش بفتى) ودون اتلاف للمسامير، بالاضافة للغسيل وتزييت مفصلات الأبواب والكبوت والشنطة وإكمال اى سوائل ناقصة فى السيارة

لو حضرتك بعد ده كله شايف ان تفاصيل الصيانة لازالت تثير الضحك استمر فى الضحك براحتك

يامان لمعلوماتك مافيش قطعه اصليه بتنزل مصر طبقا للاصل الى موجود فى العربيه والدليل على كدا اه مكتوب تويوتا على العلبه وكل حاجه وهيا فعلا من مصنع تويوتا بس لو جيت تشوف تمنها بره هتلاقيها اغلى بكتير من هنا ودا لجودتها
فكون انك بتركب هنا قطعه اصليه هيا فعلا اصليه ومن شركه تويوتا بس مش بنفس المواصفات الى بتنزل مع العربيه والدليل على كدا تلاقى القطع الاصليه بتاعت العربيه بتعيش اكتر من القطع الى بتشتريها اصليه من التوكيل او من بره التوكيل
وعلى العموم تحياتى لكل الى بيحب يتعامل مع التوكيلات دى حريه شخصيه وانا بضحك للفت الانتباه لكلامى