اللي عاوز يشتري تويوتا يلحق قبل ماتبقى تصنيع مصري

[waelbaha]

قررت شركة تويوتا بدء تصنيع سيارات التويوتا في مصر اعتبارا من 2012
المصدر : خبر صادر عن وزارة التجارة
اللي بيفكر يشتري عربيه يشخشخ جيبه ويلحق اليومين دول قبل ما المستورد يشطب

[Bishoy.Girgis]

تعرف حضرتك اني مش من محبي شراء التويوتا كورولا بالذات من مصر
يعني لو حبيت اشتريها هجيبها من قطر لأن العربية بتبقي صنع و تجميع ياباني
جاري عامل كده و العربية ماشاء الله تحفة

[mahmoud_afifi]

طب لما تبقى تجميع محلي سعرها هيقل قد ايه ؟

[Sharky]

العربية اللى حتتجمع فى مصر هى Fortuner

http://www.toyotaegypt.com.eg/cars/new_cars/fortuner/index.asp

يعنى لا الكرولا و لا الياريس حيتجمعوا فى مصر

[أبو عبدالله]

بس فيه كلام بيقول ان فيه عربيه صغيره في الموضوع ده برضه
وبعدين تويتا اعلنت ان مصنع مصر هيبقى من اكبر استثماراتهم خارج اليابان فمظنش انها هتقف على عربيه واحده اكيد يعني

[Sharky]

هم اللى اعلنوا عنه رسمى يا ابو عبدالله الFortuner فقط و مش فى مصنع خاص بيهم دا فى خطوط تجميع الهيئة العربية للتصنيع الكلام دا نزل فى اخبار اليوم من كام اسبوع

[sab3aawy]

خبر عظيم لو كاتوا هيجمعوةا على خطوط انتاج خاصة بهم وباسم تويوتا العالمية زى نيسان ،واتمنى من قبيى ان سيارتى القادمة تكون تويوتا مصرية، يارب اوعدنا، فى صدد المقارنة بين نيسان المصرية وتويوتا جنوب افريقيا اتا مشمفتش فرق، نفس مستوى التجميع الجيد، وحتى نفس العيب وهو البطارية السائلة فى السيارتين من تصنيع دولة التجميع والتى قمت بتغييرها فى الحالتين، غير كدة مافيش فرق ولذلك لو نزلت تويوتا مصرية بنفس مستوى تجميع وضبط جودة نيسان مصر فبإذن الله سأكون من زبائنها، لكن لو تجميع على خطوط الهيئة العربية للتصنيع يبقى يشربوها، لحد النهاردة سيارات الهيئة العربية للتصنيع بتطلع فها كوارث

[أبو عبدالله]

[frame="1 80"]أعلن المهندس رشيد محمد رشيد وزير التجارة والصناعة أن شركة "تويوتا" اليابانية للسيارات قررت بدء تصنيع سياراتها لأول مرة في مصر اعتبارا من بداية عام 2012.

وأضاف رشيد في تصريح صحفي للوفد المرافق له خلال زيارته لتونس، أنه عقد الجمعة اجتماعا مع مسؤولي الشركة اليابانية أعربوا خلاله عن رغبتهم في بدء تصنيع سياراتهم في مصر، "نظرا للسوق الكبير، وتوافر الإمكانيات البشرية والفنية" حسب صحيفة "المصري اليوم" الجمعة.

وأكد وزير التجارة والصناعة أن دخول "تويوتا" السوق المصرية "سوف يفتح الباب لمزيد من شركات السيارات الكبرى للدخول إلى السوق المصرية بعد ذلك، لأن المردود الاستثماري لأي نشاط في مصر الآن يعتبر عاليا مقارنة بأي مكان آخر في العالم".

ورفض المسؤولون في "تويوتا" الإفصاح عن تفاصيل هذا المشروع مكتفين بالتأكيد أنه سوف يصبح "من أكبر مشروعات تصنيع السيارات التي تقيمها الشركة خارج اليابان".[/frame]

[BLOODY_STONE]

لااااااااااااااااااااااااااااا يعني الجودة بالسلامة طبعا ...

[M.Osman]

انا عايز حتة iQ ...
عشان الركنة

[MaZaGAngeE]

ليه الصناعة المصرية فاقدة الثقة للدرجة دي
مش معنى حدوث أخطاء أو مشاكل يبقى الصناعة ضايعة في مصر
كام عربية صني تم تصنيعها و منهم كام عربية عملوا مشاكل ؟
نفس الكلام بي ام , مرسيدس , هونداي , نصر , لادا , ...... و حاجات تانية كتير

[fiat128man]

ولذلك لو نزلت تويوتا مصرية بنفس مستوى تجميع وضبط جودة نيسان مصر

هو تجميع نيسان في مصر مستواه يقارن بالتجميع الكوري مثلا (زي الماتركس )؟

[Sharky]

انا قرأت الكلام دا فعلا يا ابو عبدالله

لكن فى اخبار اليوم كانوا من كام اسبوع مستضفين عضو مجلس الإدارة المنتدب لتويوتا ايجبت و هو اللى قال الكلام اللى قلته !!!

و الخبر دا كان نزل فى المنتدى طريق ابو وليد أو م/ وليد تقريبا و راح فى حركة السيرفر بتاع المنتدى

[sab3aawy]

هو تجميع نيسان في مصر مستواه يقارن بالتجميع الكوري مثلا (زي الماتركس )؟

عدا عليا عربيات ماتريكس مافيهاش غلطة وعدا عليا عربيات ماتريكس فيها عيوب تصنيع وتجميع لا بأس بها، يكفى ان كانت عربية ماتريكس جاية من كوريا كانت عصايه الفتيس بتاعتها ساعات بتعلق ولما اتفكت لقينا قطعة عمله كورية منسية تحت العصاية وكانت بتتحشر تحت العصاية، زى ما برضه عدا عليا عربيات صنى مافيهاش غلطة وعربيات فيها بعض الأخطاء ، وعدا عليا عربيات إلانترا وحتى سيفيك فيها مشاكل تجميع ، وبعدين مع كامل احترامى الماتريكس اللى حضرتك مش مستنضف تقارن الصنى بيها اركبها بعد ما تعمل 70 ألف كيلومتر واركب صنى عاملة 120 ألف كيلومتر والاتنين واخدين حقهم فى الصيانة وياريت نعرف رأيك بعدها، عموما انا بعد القيام بنفس التجربة ملقيتش ان الماتريكس اللى بعد 70 صوتها زى الجرار وبتشخشخ من حتت كتير ينفع تتقارن بالصنى (تجميع مصرى)اللى بعد 110 كيلومتر تقريبا متفرقهاش من الجديدة، مع العلم ان العربيتين-بكرر- كل صياناتهم كانت فى التويكل وبيستعملهم شخصين استعمالهم معقول

هو بس اصل الشيخ البعيد سره باتع

[M.Osman]

هو بس اصل الشيخ البعيد سره باتع

اه و الله