تقييم الياريس في عواصف و امطار اسكندرية

[BLOODY_STONE]

ايييييييييييييه الاخبار يا احلى تويوتاوية ...
طبعا كلكوا سامعين عن عواصف اسكندرية و المطر و الحاجات اللي بتطير ..
المهم
قلنا نجرب بقى الياريس
عملنالها وش شمع عشان يحمي البوية من المية و العفرة و الهوا الجامد و اتكلنا على الله
الحالة : امطار شديدة جدااااا و هواء قوي جداااا و اشجار كايرة و عواميد نور واقعة

الحاجات الحلوة : السخان بتاع الازاز اللي قدام و ازاز الابواب اللي قدام ممتاااز مكنش في اي شبورة جوة العربية عالازاز مع اني قافل الازاز كله و فضلت حوالي ساعة جوة العربية ..
مرايات الابواب برضه مزيل الضباب بتاعها كويس جدا جدا ...

العزل ممتاز .. كلت شوية بلاعات ميه زي الفل غرقوا العربية كلها طين ... و كله تمام الحمد لله

العيوووووب بقى : الهواء الجامد بيخلي العربية تحدف و انت ماشي .. لو كاسر الدريكسيون و بتحود ممكن ساعات تحس ان الدريكسيون بيلعب حبتين ( بالذات لو في نقر في الارض)
محاولتش الصراحة افرمل جامد عشان مفيش ABS و الكلام ده ... بس الفرامل كانت ساعات بتلعب تحت رجلي لو الطريق غرقان جامد ...
ده اللي انا فاكره .. لو جمعت حاجة تانية حقولكم

[gebreel]

بجد يا باشا ربنا معاكم و يعدي النوة دي على خير

انا كنت في اسكندرية في شغل يوم الخميس الجو كان روعة و ناس من الشغل جايين من فرع اسكندرية النهاردة للقاهرة بيقولوا لدنيا هناك فظيعة

[M.Mekawy]

مرايات الابواب برضه مزيل الضباب بتاعها كويس جدا جدا ...

معلش يا باشا , أنا مش فاهم قصدك ايه بالجملة دى بالظبط

[ramy01011]

هي اليارس المصري ما فيهاش abs ? غريبة اليارس هنا في الامارات من اول 2007 و هي نازلة abs استندر في كل الفئات

[BLOODY_STONE]

معلش يا باشا , أنا مش فاهم قصدك ايه بالجملة دى بالظبط

المرايات فيها تسخين اوتوماتيك .. عشان متتبلش لان لو فضلت نقط مية عليها مش حتشوف حاجة

[M.Osman]

اول مرة اعرف ان فيه ياريس فيها مزيل ضباب على المرايات ..كويس

شكراً على نقل التجربة

[BLOODY_STONE]

اي خدمة

[ابوشريف]

حضرتك ذكرت ان فى سخان فى الزجاج الامامى .......هل هذا صحيح...؟؟

وهل بالفعل فى مزيل ضباب فى المرايات..............!!!!!!!!!!!

هذه المعلومات جديده بالنسبه لى .....أرجو التأكيد لو سمحت

[BLOODY_STONE]

بالنسبة لسخان الازاز الامامي .. ده بيكون زي هواء ساخن عشان الازاز ميشبرش قدامك لو قافل كل الازاز بتاع العربية و الجو تلج .. خلي البكرة بتاعة مكان خروج هوا المكيف على اخر حاجة و ظبط درجة الحرارة عالساخن و اقفل الكومبريسور و شغل المروحة عالسرعة اللي انت عايزها ...
و مزيل ضباب المرايات مال الناس مستغربة لييييه كده ؟؟؟ ده اساسا بينزل ستاندارد تقريبا في كل العربيات ! اللوجان و الفيات كله و الاسبرانزا و نيسان .. انا مشفتش عربية مفيهاش ! طريقة شغله بالظبط ازاي معرفش بس شوف مرة العربية و هي واقفة ف شبورة .. حتلاقي الازاز كله من بره شبر و المرايات لا ... كده كده هو اوتوماتيك فريح دماغك خااااالص

[egypt0777]

العربية وزنها خفيف عشان كده بتطير منك

[Ghamrawy]

انا أشك فى وجود مرايات بسخان فى الياريس و الفيات عندى مافيهاش الكلام ده برضه

[BLOODY_STONE]

مو 2009