هل ستسطيع تويوتا فورتشينر المنافسة فى السوق المصرى بهذا السعر !!!

[Sharky]

قررت شركة تويوتا الدخول الى السوق المصرى عن طريق التجميع المحلى الذى سيتم فى مصنع الشركة المصرية الأمريكية .


سيكون باكورة الإنتاج فى بداية عام 2012 بالسيارة suv فورتشينر رغم توقعات اغلبية المصريين كانت تنحصر فى تجميع الكورولا أو الياريس الأكثر انتشارا فى مصر



الفورتشينر التى سيتم تجميعها فى مصر ستتوافر بمحرك 4 سلندر - 2700 سى سى - 157 حصان



لكن المفاجاة الاكثر من اختيار السيارة التى ستجمع فى مصر كانت فى تسعير هذه السيارة

فقد اتخذت تويوتا ايجبت قرارا بان سعر فورتشينر المجمعة محليا سيكون 350 الف جم

و خاصة اذا علمنا ان منافستها فى السوق المصرى ممن يتم تجميهم محليا هم :
1- جيب شيروكى (تجمع فى نفس المصنع) سعرها 330 الف جم

2- شيفروليه كابتيفا سعرها 280 الف جم

3- bmw x1 سعرها 330 الف جم

[BLOODY_STONE]

الفورتيونر اصلا عربية تعبانة انا كان ليا واحد صاحبي في السعودية معاه واحدة و كان بيشتكي منها علطول .. ده غير انها محققتش مبيعات في اي دولة في العالم زي البرادو او اللاند كروزر مثلا ...

[hero]

في رأيي الشخصي المتواضع السعر مبالغ فية شوية حلوين...يعني العربية كانت تبقي كويسة قوي لو نزلت 100 الف كمان..كويس قوي عليها تزيد 70 الف عن الهاي لوكس الكاملة

لانها في الاخر هاي لوكس متقفلة او هاي لوكس بـ 3 كنبات....

وفعلا في فرق شاسع بينها وبين البرادو واللاند كروزر....يمكن النقطة الي تويوتا بتستغلها هي خلو السوق المصري من السيارات اليابانية من فئة الـ SUV او الـ 4X4 باستثناء الـ X-Trail

عموما السعر سهل انة يتغير خصوصا لو ما حصلش اقبال وحجز علي العربية...

[Ahmed Selim]

مش عارف يا شاركى بس أنا حاسس أن فى ناس هتشتريها علشان هى تويوتا مش أكتر.

عموماً هى اللى شوفتها و كانت فارقة جامد هى البرادو الجديدة......شكلها بقى أحسن و خصوصاً من جوة.

و ممكن تدخل معاهم كمان النيسان الأكس ترايل.....أعتقد كانت فى حدود 250 الف يعنى ممكن تسحب البساط من تويوتا بسهولة.

كمان الكابتيفا بتطلع 223 حصان و ال x1 بتطلع 258 حصان و الأكس ترايل 180 حصان.....يعنى الفورتشنر هتكون أقل واحدة فيهم.

.. ده غير انها محققتش مبيعات في اي دولة في العالم زي البرادو او اللاند كروزر مثلا ...

تعالى شوفها فى الإمارات.......زيها زى البرادو تقريباً فى الإنتشار.

[ferrari1500]

في رأيي الشخصي المتواضع السعر مبالغ فية شوية حلوين...يعني العربية كانت تبقي كويسة قوي لو نزلت 100 الف كمان..كويس قوي عليها تزيد 70 الف عن الهاي لوكس الكاملة

لانها في الاخر هاي لوكس متقفلة او هاي لوكس بـ 3 كنبات....

وفعلا في فرق شاسع بينها وبين البرادو واللاند كروزر....يمكن النقطة الي تويوتا بتستغلها هي خلو السوق المصري من السيارات اليابانية من فئة الـ suv او الـ 4x4 باستثناء الـ x-trail

عموما السعر سهل انة يتغير خصوصا لو ما حصلش اقبال وحجز علي العربية...

فعلا هى كده هنا فى السعودية هاى لوكس مصندق وناشفة وضيقة حتى لو نزلت 100 الف غالية وكمان متجمعة طب يجمعوا الموتور 6 سلندر 4000 سي سي 270 حصان عشان ينافس الشيروكى !

[sab3aawy]

كدة يبقى يشربوها، معتقدش ان حد هيسيب البى إم دبليو ويركب نص نقل متقفلة ، وكمان على خط الهيئة العربية للتصنيع!!!!!!!!!!!!! بس السؤال ازاى 2700 سى سى و 157 حصان فقط؟ هيا ديزل؟ لو بنزين يبقى الرقم ده قليل جدا جدا

اما الرهان على اسم تويوتا وخلاص فقد اثبتت الأفانزا انه رهان خاسر ، اما كواليتى مناسبة لسعرها واما يشربوها

[feras_elngar]

toyota_fortune






ايه رايكم فى الفروق بينهم

بالظبط زى الشيفورلية frontera عربية ربع نقل ومتقفلة

وكل شركات البترول بتشترى العربية الهالوكس الدبل كبينة 4x4

[Formulator]

بالظبط زى الشيفورلية frontera عربية ربع نقل ومتقفلة
وكل شركات البترول بتشترى العربية الهالوكس الدبل كبينة 4x4

+111
منتهى الأستهبال بصراحة...!!! من تويوتا و الوكيل و العربية و اللى يشتريها

هى فعلا نص نقل متقيفة ....

والأفانزا دى كانت فاكسة بردو... وشكلها عربية قفا خالص

[ahmedsadek82]

قررت شركة تويوتا الدخول الى السوق المصرى عن طريق التجميع المحلى الذى سيتم فى مصنع الشركة المصرية الأمريكية .


سيكون باكورة الإنتاج فى بداية عام 2012 بالسيارة suv فورتشينر رغم توقعات اغلبية المصريين كانت تنحصر فى تجميع الكورولا أو الياريس الأكثر انتشارا فى مصر



الفورتشينر التى سيتم تجميعها فى مصر ستتوافر بمحرك 4 سلندر - 2700 سى سى - 157 حصان



لكن المفاجاة الاكثر من اختيار السيارة التى ستجمع فى مصر كانت فى تسعير هذه السيارة

فقد اتخذت تويوتا ايجبت قرارا بان سعر فورتشينر المجمعة محليا سيكون 350 الف جم

و خاصة اذا علمنا ان منافستها فى السوق المصرى ممن يتم تجميهم محليا هم :
1- جيب شيروكى (تجمع فى نفس المصنع) سعرها 330 الف جم

2- شيفروليه كابتيفا سعرها 280 الف جم

3- bmw x1 سعرها 330 الف جم

قمة الاستهبال اللي فلدنيا ، العربية دي ضايعة ، الشركة جابتها فلسعودية و سقتها كتير ، أولاً هي عملة زي ماتكون نص نقل متأفلة زي الفرونتيرة و خامات داخلية زفت و ميزتها الوحيدة انها كانت 7 راكب ، دا غير طبعاً الثبات الضايع ( مكنش بيخلونا نسافر بيها عل طريق السريع عشان الثبات) ، و طبعاً بالسعر دة محدش حتيفكر يجبه لإن السيارات اللي في نفس الفئة السعرية برقبتها زي الkaptiva أو ال-jeep و في ال-BMW X1 بس مقدرش ادخلها معاهم لإعتبارات تكنولوجية رهيبة لصالح ال-bmw و إن كانت صغيرة

[m_elkhishin]

هي الناس دي بتسعر العربيات على أساس ايه؟؟؟!!!!!!!!!!!!!!!!

السعر ده المفروض يكون سعر العربية المستورده اللي بتخضع ل 250% جمارك مش المنتجه محليا.

المفروض التجميع المحلي بتخضع لجمارك المكونات فقط اللي هيا 12%، زود عليها شوية ضرايب و هبل يعني يوم ما تزيد حتوصل 50%!!!!!!!!!!!!!!!!!!

السيارة ال 4 سلندر تمنها في السعودية 75000 ريال يعني 112500ر جنيه،لما نزود عليهم الجمارك اللي انا حاسبها بزياده قوي 112500*1.5 = 168750 جنيه وطبعا لما العربية تيجي مكونات حتتكلف على الوكيل اقل من كده بكتيييييير جدا.

[ahmedsadek82]

هي الناس دي بتسعر العربيات على أساس ايه؟؟؟!!!!!!!!!!!!!!!!

السعر ده المفروض يكون سعر العربية المستورده اللي بتخضع ل 250% جمارك مش المنتجه محليا.

المفروض التجميع المحلي بتخضع لجمارك المكونات فقط اللي هيا 12%، زود عليها شوية ضرايب و هبل يعني يوم ما تزيد حتوصل 50%!!!!!!!!!!!!!!!!!!

السيارة ال 4 سلندر تمنها في السعودية 75000 ريال يعني 112500ر جنيه،لما نزود عليهم الجمارك اللي انا حاسبها بزياده قوي 112500*1.5 = 168750 جنيه وطبعا لما العربية تيجي مكونات حتتكلف على الوكيل اقل من كده بكتيييييير جدا.

it doen't deserve a 200K !!! it's a crap; but the agent knows he's selling to a blind ingorant stereo-typed market unfortunately....sorry to say but that's the truth

[محمد ابراهيم 1]

أتمنى إنهم يعملوا تجميع للعربيات بتاعتنا
الياريس والكورولا ويا سلام لو البريوس

[ahmedsadek82]

أتمنى إنهم يعملوا تجميع للعربيات بتاعتنا
الياريس والكورولا ويا سلام لو البريوس

Quite reasonable ,coz these cars are popular yet overpriced so when assembled locally the price will be quite acceptable ; a yaris costing 125000 LE now will be around 80's when it's assembled locally ,

[محمد محمد]

أتمنى إنهم يعملوا تجميع للعربيات بتاعتنا
الياريس والكورولا ويا سلام لو البريوس

هو ده الكلام الصح

[أبو عبدالله]

انا ليا راي ان الموضوع عبارة عن دراسة لردود فعل السوق من الرقم اللي اعلنوه مش اكتر ولا اقل
لن مفيش شركة بتعلن عن سعر عربيه لسه امامها سنه ولا حتى شهر
ده المفروض ان السعر بيبقى حاجه من الأسرار علشان المنافسين والمنافسة
فحاجه مش طبيعية انهم يعلنوا عن الرقم ده بصراحه مش مقتنع فعلا