اخيرا استلمت الياريس الحمد لله

[دموع الثلج]

ربنا يعطيكي خيرها ويكفي عنك شرها ان شاء الله

وقدر الله ماشاء فعل

ومتحطيش في دماغك وسيبيها لله وربنا يكرمك ان شاء الله

ربنا يكرمك يا ابو عبد الله والحمد لله على كل حال قدر الله وما شاء فعل لعله خير الحمد لله الف شكر ليك

[دموع الثلج]

الف مبررووووووووووووووك
ياااه اخيرا استلمتي الف الف مبروك.:)
و بالنسبه للفانوس ما تزعليش نفسك قدر الله و ما شاء فعل انا لسه اخويا خابطلي اكصدام الياريس الاسبوع اللي فات :).
الف مبروك تاني و ربنا يديكي خيرها و يحميكي من شرها

الله يبارك فيك يا حازم معلش متزعلش على الاكصدام قدر الله وماشاء فعل

hfarouk

الله يبارك فيك يارب
bassam nagy

الف شكر ليك وربنا يبارك فيك

[دموع الثلج]

الف مبروك يا دموع وربنا يباركلك فيها
حاسس ان التويتاوية كتروا قوي في المنتدي
ربنا يزيد ويبارك
خلى الفانوس مكسور ما تغيرهوش ياخد العين
ولازم تعتقدي في الحسد عشان هو موجود طبعا لكن
ما تبقيش موسوسه زيادة عن اللزوم
ربنا يباركلك فيها
وابقي هاتي لفة بقي

الله يبارك فيك يا كريم

متخافش انا هسيب الفانوس ده لحد ما يخلصوا بص فى العربيه :D
الحسد مذكور فى القران وطبعا كلام ربنا حق بس انا مش بحب ارجع اى حاجه تحصل الى انها حسد بقول ده قدر الله والحمد لله

بالنسبه لموضوع اللفه بئه انا وعدتك انك تلين العربيه وترجعها لى بس هتسيب الاموره كنزى واخوها رهن موااااافق لحد ما ترجع :D:D:D

[دموع الثلج]

ألف مبروووووووك للقمر
ربنا يباركلك فيها و يديكى خيرها و يكفيكى شرها ان شاء الله ؛؛؛

بس قوليلى بليز انتى اشتريتى من التوكيل و لا من معرض عادى
لان التوكيل بصراحه له نظام مريح اوى
انا لما حجزت استغربت لما قالوا فى التوكيل ان حيجى واحد معايا يرخص لى العربيه
لانى اعرف ان ده بيحصل بس للعربيات التقسيط مش الكاش
لو تفتكرى انا كنت حكيت قبل كده
كنا 3 عربيات رخصنا مع بعض
مع كل عربيه شخص مسئول عنها هو اللى ساق العربيه للمرور
بمجرد مطلعنا من ادام التوكيل دخلوا البنزينه تلقائى
الراجل و هو سايق ماسك الورق و قاعد يقولى الكاست و التكييف ووووووووو
و فى المرور بصراحه كانوا نحله
محسناش الا بالشمس كانت فعلا بشعه
لكن لا دفعنا رشاوى ولا اى شىء غير الاكراميات الطبيعيه
و ركبنا النمر جوه المرور و مشينا و الحمد لله
و بعد كده بتتصل مندوبه فى تويوتا ايجيبت الفرع الرئيسى بالقاهره تسألنا هل كنا راضيين عن الخدمه و لا فى اى مشاكل
فأنا مش عارفه هل التوكيل معملش معاكى الكلام ده و لا اشتريتى من معرض ؟

عموما الحمد لله الاستلام
و ألف مبروووووووووك
لوووون جميل ؛؛؛؛؛

الله يبارك فيكى يا سندريلا ربنا يخليكى

انا يا ستى اشتريت من موزع معتمد لتويوتا على اساس الاستلام الفورى واريح دماغى من الحجز ومن مشوار التوكيل
اشتريت من عند ابو سمره موزع تويوتا بالامانه معاملتهم زفت زفت التوكيل ارحم منهم بمليون مره منصحش حد يشترى من عندهم توكتوك حتى انا اختارت الفول اوبشن الاتوماتيك اللون البترولى ومكنش موجود عنده قالى اسبوع هيطلبه فى الدفعه الجايه ويسلمنى دفعت له نص المبلغ لحد ما يجيب العربيه وبعد يومين قعد يطلب باقى المبلغ وهو لسا مجبش العربيه اصلا المهم عشان موجعش دماغى دفعت كامل الثمن وقعدت منتظره 22 يوم عشان يجيب لى اللون ويسلمنى طبعا انا كل يوم اتصل بيهم هما مش بيتصلوا بحد :(
وموضوع الترخيص يا ستى مفيهوش مشاكل غير حاجه صغننه خالص ان المرور فى القاهره مفيهوش لوحات بس
انا رخصت 3 سنين ودفعت المصاريف كلها بتاع المعرض عاوز 500 جنيه بس عشان يجيب لى لوحات اوعى تفتكرى انه هيجيب رقم مميز ولا حاجه لا يا ستى

[دموع الثلج]

100002000000003000004000001 مبرووووووووووك وفداكي الفانوس لو قابلتي توك توك في الشارع بعد كده مديه علي رجليه :p :p

ربنا يخليك يا كيموووووووو ولو اى توك توك ضايقه ادينى نمرته بس:D:D:D هعلقهولك من رجليه

[دموع الثلج]

ياااا اخيرا قررتي....
الف الف مبروك علي العربية...
ربنا يديكي خيرها ويكفيكي شرها.....

ولا يهمك علي الفانوس ....قدر الله وما شاء فعل....

حكاية العين دي حق....وربنا ذكرها في القرآن ..."من شر حاسد اذا حسد"....وربنا وصف الحسد بالشر والعياذ بالله....ايمانك بالعين مش هايخليكي موسوسة...بس استعملي الوقاية من العين...يعني اذكري الله قبل ما تركبي العربية....واقري دعاء ركوب الدابة...وسمي ...واذكري برضة دعاء الخروج من المنزل...

واهم شيء ....تصدقي بالي تقدري علية...الصدقة تكف الاذي وتطفيء غضب الرب....

ربنا يتقبل منا جميعا.....

والف مبروك علي تويوتا....

الله يبارك فيك ياهيرووووو

انا كنت مستنيه بصراحه لما انت تشترى واشوف رائيك والحمد لله جبت ياريس ذيك

بص يا هيرو انا مش عارفه موضوع الصدقه ده انا بصراحه عاوزه اتصدق والناس كلها بتقولى برضوه لازم تدبحى اى حاجه مش فاهمه بئه هو لو اتصدقت بفلوس مينفعش لازم ادبح والحاجات دى ؟

[دموع الثلج]

ألف ألف مبرووووووك ربنا يبارك لك فيها ويكفيكى شرها وتستخدميها فى الخير دايما بإذن الله
ومعلش الفانوس
وعادى البنزين 90 مش فارق كتير عن 92
وعلى فكره الموتور ده هو نفس بتاع الكورولا ومتعود على ال 90 من 2001
لغايه البنزين ما زاد قى 2005 فمفيش مشكله من البنزين

الله يبارك فيك يا استاذ محمد

بالنسبه لموضوع البنزين الناس فى البنزينه لما شافوا الراجل بيحط لى 90 قعدوا يزعقوا لى حرام عليكى العربيه زيرو حد يعمل كده
وكانى كنت بحط فيها كلور
ولا كان فيه 92 وانا محطيتش خوفونى عشان كده مش هكررها واحد قالى ده بيسد الفلاتر متعلمش كده تانى :( واحد قالى سيبى العربيه دايره لحد الصبح تخلص البنزين اللى فيها

[محمد ابراهيم 1]

الله يبارك فيك يا استاذ محمد

بالنسبه لموضوع البنزين الناس فى البنزينه لما شافوا الراجل بيحط لى 90 قعدوا يزعقوا لى حرام عليكى العربيه زيرو حد يعمل كده
وكانى كنت بحط فيها كلور

ولا كان فيه 92 وانا محطيتش خوفونى عشان كده مش هكررها واحد قالى ده بيسد الفلاتر متعلمش كده تانى :( واحد قالى سيبى العربيه دايره لحد الصبح تخلص البنزين اللى فيها

أهى الناس بتقول أى كلام
بس عادى والله مفيش مشكله
ولو زعلانه قوى لما التنك يوصل لنصه إمليها بنزين 95

[mohamed ibiza]

الف مبرووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووك









Ibiiiiiiiiiiiiiiiiiiiiiiiiiiiiiizzzzzzzzzzzzzzzzzz zzzzaaaaaaaaaaaaaaaaaaaaaa For Ever