ملاحظات لصيانة واداء فتيس كورولا الملكة 1993

[Mohamed.Mohsen]

انا غيرت زيت فتيس 90 مانيوال من برميل كبير وليس عبوات جراكن من محطة التعاون وليس موبيل لاني لم اجده في موبيل هل يمثل اي مشكلة ع الفتيس مع العلم بان اداءوه ممتاز بس ملاحظتي الوحيدة لفتيس الكورولا الملكة المانيوال 1993 ان لوهديت سرعة العربية وانت ع التاني وعايز تنقل الاول وتكون العربية ماشية يادوب بتتحرك بيكون صعب ييجي الاول ييجي بخشونة ومقاومة عنيفة

[BLOODY_STONE]

نفس الكلام .. بس ده عادي ولا ايه؟

[Ahmed Galal]

طبيعى جدا جدا لان الاول معمول للحركة من السكون و اصلا اللى انت بتحسه ده معمول قصد فى الترس الاول عشان انت ما تجيبوش الا اما هاتكون تقريبا واقف فماتقلقش و تمام انك جبت الزيت موبيل 90 من البراميل ده اضمن من الجراكن و العربية بتاخد حوالى 2 لتر و ربع

[Mohamed.Mohsen]

شكرا جزيلا لاستشاري وخبير الكورولا الملكة أحمد جلال بس الزيت للفتيس اللي غيرته كان 90 من التعاون لاني لم اجده في موبيل تفتكر يفرق كتير ؟؟؟

[Ahmed Galal]

شكرا جزيلا لاستشاري وخبير الكورولا الملكة أحمد جلال بس الزيت للفتيس اللي غيرته كان 90 من التعاون لاني لم اجده في موبيل تفتكر يفرق كتير ؟؟؟

جزاك الله خير و ان شاء الله ما فيش مشاكل المهم يكون زيت 90 و فى الغالب كل البنزينات بتجيب من مصدر واحد

[drmagola]

معلش يا شباب..
انا جديد فى عالم العربيات
ازاى اعرف ان الزيت بتاع الفتيس محتاج يتغير؟؟
يعنى كل اد ايه اغيره؟؟
و شكرا للاجابة على السؤال الساذج ده:))

[Mohamed.Mohsen]

معلش يا شباب..
انا جديد فى عالم العربيات
ازاى اعرف ان الزيت بتاع الفتيس محتاج يتغير؟؟
يعنى كل اد ايه اغيره؟؟
و شكرا للاجابة على السؤال الساذج ده:))

بيتغير كل 40 الف كم تقريبا او فقدان الزيت للزوجته وخواصه واحتراقه في البنزينة تقدر تكشف عليه لو ناقص او قديم اوي لازم يتغير ولو واخد عربية مستعملة يفضل تغيره عشان تتابع الصيانات زي زيت الموتور وبالتوفيق