ارجو المساعدة - عايز عربية ياريس

[lolypop]

يا جماعة او سمحتم ساعدونى ان عشمى فيكم كبير.
لو عايز اشتري ياريس مستعملة
1- ادور عليها فين (فى الجرائد - سوق السيارات - الnet)
2- لو لقيت عربيى اتأكد اذى انها حلوة (اجيب معايا حد بيفهم فى العربيات - اروح بيها التوكيل - اروح بيها بنزينة)
3- ايه هى حدود الاسعار (انا سمعت ان واحدة 2007 عاملى 29 الف كيلو AT & FO
ب 80 الف ) (واحدة تانية زيها بس عملى 7الف كيلو ب 81 الف )هل دة الرنج الطبيعى
بس هما خلاص اتباعم

يعنى دة معناة ان ال manual & FO تقريبا ب 75-76 الف , half option & manual ب 70-72 الف
مش كدة ولا اية
و نبى حد يرود عليا :)

[medo_msmsa]

معلش والله مقدرش أفيدك في الموضوع بس حبيت اضيفلك رد وياريت الناس ترد على الاستفسار

[lolypop]

شكرا جزيلا
على الاقل انت الوحيد اللى عبرتنى :(

[hazem_khidr]

يا اخي الحبيب ما تستعجلش ممكن يكون مفيش حد عنده رد عليك.
الياريس لسه حديثه العهد و مفيش ناس كتير عندها علم بالمستعمل بتاعها .
بالنسبه للاسعار معقوله جدا.
اما بالنسبه للحاله فلازم تكون فابريكه بره و جوه بالكامل لانها اول موديلها 2006 و لو كانت رشه بره يبقي بسبب خبطه لا قدر الله.
ممكن تكشف عليها في اي بنزينه او التوكيل حسب راحتك بس الكشف علي حساب المشتري مش البايع.

[funnylolo]

الوسيط احسن طريقة

https://www.ewaseet.com

خد حد معاك بيفهم و لو عجبتكم خدها التوكل او بنزينة
و معلش معرفش حدود سعر المستعمل كام

[hero]

يا اخي الحبيب ما تستعجلش ممكن يكون مفيش حد عنده رد عليك.
الياريس لسه حديثه العهد و مفيش ناس كتير عندها علم بالمستعمل بتاعها .
بالنسبه للاسعار معقوله جدا.
اما بالنسبه للحاله فلازم تكون فابريكه بره و جوه بالكامل لانها اول موديلها 2006 و لو كانت رشه بره يبقي بسبب خبطه لا قدر الله.
ممكن تكشف عليها في اي بنزينه او التوكيل حسب راحتك بس الكشف علي حساب المشتري مش البايع.

بالظبط زي ما حازم قالك....وفي حاجة كمان مهمة قوي....اتأكد ان العربية بضمان من تويوتا ايجيبت ...لان في ياريس كتير قوي في السوق خليجي ...مالوش ضمان وصيانتة غالية...
ولو تعرف تكشف علي العربية في التوكيل يبقي احسن...علشان لو طلع فيها حاجة بعد كدة ...تبقي بتاعتهم..خصوصا انها لازم هاتكون في الضمان...لسة ما عداش عليها 3 سنين ما جابتش الـ 100 الف كم...

[lolypop]

شكرا يا جماعة , جزاكم الله خير

[Hossam_Hassan]

معلش والله مقدرش أفيدك في الموضوع بس حبيت اضيفلك رد وياريت الناس ترد على الاستفسار

واضافة الرد افادت بايه؟ و ايه لازمة المزايدة على الناس؟

[lolypop]

الى اخوانى الاعزاء و خاصة للاخ العزيز هيرو
ارجو المساعدة
انا دلوقتى معروض عليا ياريس خليجى 2006 عاملة 37000 كيلو و ب 72 الف جنية (بعد 75 الف ؟؟؟؟؟؟).
فيها عتب و فوجات و فرش جلد بتاع العربية بس هالف اوبشن و مركبلها زجاج كهربا لكل باب لوحدة و معروضة فى معرض .
و هكشف عليها فى التوكيل.
اية رأيكم كويسة ولا لأ و اية عيوب الخليجى و هل هى ارخص من المصرى

[hero]

بص يا باشا...
هو طبعا سعرها كويس مش وحش...
بس طبعا لازم تكشف علي العربية كويس قوي...ويستحسن التوكيل او مركز خدمة معتمد...علشان الميكانيكي ايلي في ورشة سهل قوي يبيعك ويقولك العربية زي الفول ويبقي فيها مشاكل..

الحاجة المهمة : اتأكد من وجود مراكز صيانة تقدر تعمل فيها صيانة العربية ...او كلم التوكيل وقولهم انا عندي عربية خليجي وكنت عايز اعرف تكاليف صيانات العربية وممكن تستقبلوها ولا لا...
علشان الخليجي مالوض ضمان ولا صيانة في تويوتا ايجيبت...

بالنسبة للضمان..فتويوتا معروفة الحمد لله ...وقطع غيارها معمرة...وان شاء الله ما تحتاجش تغير اي شيء غير الصيانات...بس ما شوف مراكز صيانة معتمدة وشوف التكلفة هاتزيد قد اية..

انت عندك غير تويوتا العباسية وابو رواش..
تويوتا العبور..دة مركز صيانة معتمد...يعني واحد فانحة ومعتمد من تويوتا
وبرضة عرفة جابر ...وفي واحد تبع النصر في المنصورة...وواحد اسمة العدوي علي طريق المحلة..
اتصل بيهم وشوف صيانة الـ 40 الف (اول صيانة ليك هاتبقي بكام وقارنها بالجدول ايلي كاتبة شاركي..هاتلاقية موضوع ثابت هنا واعرف منهم برضة باقي الصيانات تكلفتها قد اية )
لو مش فاررقة كتير....والعربية كويسة (بعد الكشف عليها ) يبقي توكل علي الله...وربنا يباركلك فيها ان شاء الله...