الكورولا الجديدة طلب مساعدة

[abuanas]

السلام عليكم
رزقني الله واشتريت الكورولا الجديده الـ 1600 بروفيشنال واول مرة اركب سيارة زيرو وخبرتي يعالم السيارات بسيطة لذا ارجو التكرم علي وافادتي بما هي المسموحات والممنوعات في قيادة السيارات الزيرو وكيفية التعامل معها و لحد امتى ....
بصرحة سمعت كلام كتتتتتتتتتتتتتتتيييييييييييييير في هذا الموضوع وخصوصا عدم الزيادة في السرعة (وعايز اعرف السرعة المسموح بها لحد كام كم ولحد امتى) والسؤال الثاني قالوا لي لا تشغل التكييف لحد السيارة ما تقطع 5000 كم يعنى بالعربي يخلص الصيف الحالي وندخل الشتاء القادم ولسه مشتغل هل الكلام ده معقول ..........
ارجو افادتى لو سمحتوا ....

..........................
تم النقل إلى القسم المختص
الإدارة - 3

[abuanas]

استلمت الكورولا الجديد واطلب عونكم

الحمد لله استلمت الكورولا 2008 الـ 1600 البروفشنال وناوي ارخصها غدا ان شاء الله
وانا اول مرة اركب زيرو
ياريت تساعدوني في امرين
الاول ما النصائح التى تنصحوني بها في التعامل مع الزيرو في بدايتها او ماذا يجب ان اراعيه في بدايتها وما هي مواعيد الصيانه وما شابه ذلك
ثانيا ماذا احتاج من اوراق للترخيص وايه المشاكل اللي ممكن تقابلنى في الترخيص وكيف التغلب عليها

[AOMARA]

بارك الله لك فيها.

أولاً : أسأل الله من خيرها و أسأله أن يكفيك شرها

ثانياً: المفروض في السياره الزيرو أنك بتلينها لغايت الألف كيلو و دا معناه أنك ما تزودش عن 80 كيلو في الساعه.(دا على سبيل الحذر لاكن مش قانون و لو زودت شويه مش مشكله)

ثالثا: معروف أن المكيف بيزود الحمل على المتور، بس مش لدرجة أنك ما تستعملوش خالص، فقط قنن أستعمله شويه على الأقل لغاية ما تكمل الألف كيلو.

رابعاً: لازم يكون معاك الأتي و أنت بتستلم السياره
1)

خامساً: بالنسبه لترخيص، المشكله الرئيسيه في مصر دلوقتي هو النمر لأنك ممكن تكمل كل الأجرائات بس تقف في الأخر لأن مافيش نمر، لاكن ممكن تجيب واسطه من حد معرفه لمدير المرور او أي ضابط هناك ، ممكن يدولك نمره؟!!!! .
معلش حضرتك عارف أن الكوسه بتمشي في مصر أكتر من الفيل إلي بيمشي في الهند.

[AOMARA]

بارك الله لك فيها.

أولاً: أسأل الله من خيرها و أسأله أن يكفيك شرها، و أدعي "اللهم بارك لنا فيما رزقتنا و قنا عذاب النار".

ثانيا: السياره الزيرو يفضل عدم التحميل على المتور في فتره التليين إلي هيا عادةًً الألف كيلو الأولى أو زي ما يقلك الوكيل، يعني السرعه ما تزدش عن 80 كيلو في الساعه و تقنن أستخدام المكيف، لاكن يعني لو خرجت عن كدا في بعض المواقف يبقى مافيش مشكله أن شاء الله.
ممكن تستفسر من تيوتا أيجبت على التلفون دا 16550 و ياريت تقلي قالولك أيه لأني أشتريت و رخصت يوم الأحد و رفعت السياره و سافرت الأثنين و لم تسمح الفرصه أني اسأل التوكيل علشان لو فيه حاجه زياده و لا حاجه.

ثالثا: و أنت بتستلم السياره لازم تاخد الورق الأتي:
1) شهادة بيانات للسياره بأسمك و دي ممكن المحل يعملهالك بس تديله صورة بطاقتك ودي بتبقى موجه للمرور إلى أنت تبعه و هاترخص فيه
2) صورة الأفراج الجمركي
3) شهادة المبايعه للسياره من التوكيل للمحل إلى أنت بتشتري منه.
4) شهادة المبايعه للسياره من المحل ليك
ودا كل الورق المطلوب و تاخده و تتوجه للمرور و معاك حوالي 1000 جنيه أو أقل شويه هي مصاريف الترخيص لمدة 3 سنوات.

رابعاً: في المرور مافيش مشاكل غير النمر، و دي ممكن بس بواسطه لمدير المرور أو أحد الضباط هناك، لأنك ممكن تخلص كل حاجه و تقف عليها و تنتظر كام يوم حسب الدور و على فكره دي حسب المرور إلي أنت تبعه.
معلش الكوسه ماشيه في مصر أكت من الفيل في الهند ؟!!!!

ألف ألف مبروك