هناك فرق فى مواصفات الخليجى والجنوب افريقى

[khaledmekawy2008]

صدقونى يا جماعة الكلام ده حقيقى الكورولا اللى نزله مصر تقفيل جنوب افريقى وبتتصر لالمانيا وفرنسا ودول اوروبية تانية محركها 1.6 قوته 142 حصان لكن الخليجى 110 حصان صدقونى والجنوب افريقى فيها السمارت كى لكن الخليجى لا انا سالت كتير ولقيت كده

[tmrbaset]

يا ريت على قد كده الفروق كتي

1- مفيش سمارت كى
2- تابلوه عادى أوى
3- كاسيت قديم زي الموديل القديم انما التوكيل كاسيت ديجيتال 6 سي دي
4- 110 حصان و اللى هنا 142
5- نكييف بكر و اللى هنا تتش
6- الجنوب أفريقي برضه تويوتا مش أم اسماعيل :) يعنى أكيد كويسه
7- الخليجي تقريبا نفس سعر اللى هنا و كماااان بدون ضمان. إزاى يعنىى
8- مفيهاش رشاش الفوانيس و كمان كتير مفيهاش جنوط


مش فاهم الناس بتجيبها ليه

[magnooon]

+1000000000000000000

[tmrbaset]

أضحككم؟

أنا لما كنت باشتري لسه رحت أسأل على الخليجي لمجرد العلم بالشيء الراجل قعد يحكى و يوصف و أنا عارف مواصفاتها أصلا و مواصفات الجنوب أفريقي و فى الأخر قاللى ب 168,000 قلتله ده أغلى من التوكيل قاللى أه بس إستلام فوري يا بيه. كان أيامها التوكيل ب 155,000 يعنى فرق 13,000 من الوكيل

المهم أسأله عن الضمان، يقولى العربيات الغاليه دي مابتبظش :) قلتله هو أنا اول مره أركب عربيه؟ و بعدين بلاش باظت فرضا عملت حادثه و عايز صيانه نضيفه قاللي ساعتها حاتلاقى صدقنى. شغل بقالين :)

سبته و سألت عند موزع و إشتريتها فوري ب 167,000 الفول أوبشن و برقبة الخليجى

[khaledmekawy2008]

ده اكيد طبعا الجنوب افريقى احسن اصل كله يقولك الخليجى افضل لما تشوف وتقارن هتحكم وساعتها هتلاقى الفرق بس انا سالت عن الجنوب افريقى لقيتها ب 155 الف مش 167 وقولى برضه وجهه نظك مع انها فول ابشن كامل على فكرة واتوماتيك

[tmrbaset]

انا سالت عن الجنوب افريقى لقيتها ب 155 الف مش 167

ده كان سعر التسليم بعد سعر ال 6 شهور و السعر يحدد ساعة التسليم. دلوقتى بقت ب 160 و لسه

167,000 ده سعر الفوري + التأمين كمان يعنى حوالى 165000 فورى

[khaledmekawy2008]

طيب انت كنت شاريها منين

[tmrbaset]

تويوتا الوطنيه اللى عند الكليه الحربيه

بس الكلام ده من شهر. إنسى السعر ده أصلا. حسب كلامهم دى كانت أخر واحده عندهم ساعتها. أكيد الجديد حاييجى بالسعر الجديد

النصر كانو بيقولولى 172,000 من غير تأمين كمان

[CryptonX]

علي فكرة بس مفيش حاجة اسمها 142 حصان ده لعب بالكلام ... الموتور قوته 122 حصان مثل معظم ال 1600 الجديد .

[tmrbaset]

142 حصان ده الموتور لوحده و الخليجى 110 حصان برضه الموتور لوحده (ولو انها تبقى قليله أوى)

[khaledmekawy2008]

علي فكرة بس مفيش حاجة اسمها 142 حصان ده لعب بالكلام ... الموتور قوته 122 حصان مثل معظم ال 1600 الجديد .

لا الكلام ده اكيد ولو انت سألت فى المعارض هتلاقى الناس تقولك ان الجنوب افريقى هو الاكمل من الكماليات وقوة الموتور عارف ليه لان الخليجى vvt بس لكن الجنوب افريقى dual vvt لو مش مصدق شوف صور الموتور بتاع الكورولا المختلفه وهتلاقى كل حاجة

[tmrbaset]

فى الفطيم ، توكيل تويوتا فى الامارات البروشور بيقول 1600 سي سي 107 حصان عند 6000 RPM

http://213.42.27.171/resources/en-GB/Corolla_Brochure_17961e00-7a5d-4761-92de-ecee8933716a.PDF

فى تويوتا جنوب أفريقيا بيقول 1600 سي سي 91 كيلو وات يعنى 122 حصان عند 6000 RPM

http://www.toyota.co.za/models/features.aspx?id=1

بغض النظر تويوتا ايجبت بيقولوا ايه. الخليجي أضعف

[tmrbaset]

لا الكلام ده اكيد ولو انت سألت فى المعارض هتلاقى الناس تقولك ان الجنوب افريقى هو الاكمل من الكماليات وقوة الموتور عارف ليه لان الخليجى vvt بس لكن الجنوب افريقى dual vvt لو مش مصدق شوف صور الموتور بتاع الكورولا المختلفه وهتلاقى كل حاجة

فعلا VVT و dual VVT دى موجوده برضه في المواصفات اللى فى اللينكات اللي فوق

[mohamad]

يا جما عه اي horse power بيتكتب في كتالوج او بروشور السياره بيكون بتاع الموتور لوحده, مفيش حاجه اسمها باور العربيه, بدليل انه بيبقي مكتوب engine power

[CryptonX]

معلش انا اكيد 100% 142 حصان ده كذب و كلام اي كلام و لا تقولي Dual ولا Quad
هما 122 حصان و ممكن تشوف الموقع بتاع تويوتا جنوب افريقيا نفسهم ..