عاوز اعمل كاركير للعربيه الياريس

[mohamed1992]

السلام عليكم
انا كنت عاوز انضف العربيه بتاعتي و اظبطها شويه كده
اول حاجه انا من سكان الهرم
هي العربيه عاوز بس رش اكصدام خلفي و سمكره بسيطه و في حته كده عاوز لحام ضغيره كنت عاوز اعرف فين اعملها رش و بكام و يكون مكان نضيف و كنت عاوز انضف العربيه و اخليها كده بتلمع و اعمل كار كير ... فين بقي احسن مكان قريب من الهرم و بكام تقريبا
و كنت عاوز اشتري طاسات منين بردو و بكام تقريبا كده
و كنت عاوز اركب فاميه للأزاز بس يكون درجه مش كبيره فين بردو و بكام
معلش اصلي لسه مش عارف الاماكن و الاسعار و عشان محدش يعني يستغلني

[BLOODY_STONE]

مش حقدر افيدك في القاهرة ... بس هو حضرتك لو عايز تعمل كار كير بنفسك قولي و انا اساعدك ان شاء الله (انا بعمل للعربية كار كير بنفسي كل شهر مرة)

[mohamed1992]

طيب ممكن تديني فكره و الادوات ... طبعا انك تعمل بنفسك افضل ... بس انا بخاف في مثلا الكايست السماعات ... ممكن حضرتك تفيدني

[hossamyehia]

الطاسات لاقيتهم فى الحرفيين بـــ 110 ج الأربعة وممكن تاخد بالواحدة عند واحد بتاع اكسسوارات فى شارع يطلق عليه شارع الألمانى

[zegzaag]

هو فالهرم في شارع المطبعه كلو محلات اكسسورات , وادريان الي فاول الشارع اشهرهم وارخصهم واحسنهم ( هتلاقي عندو الطاسات والفاميه )

بالنسبه للمسكره والذي منو انا زيك بردو كل الي اتعاملت معاهم معجبونيش شغل اي كلام , لكن لما تروح المطبعه حاول تسأل الي هتجيب من عندو الحاجات يمكن يدلك على حد قريب من المطبعه

او حاول تروح وتسأل فالمكان ده , هتخش فيصل وتدخل العشرين وتخش عند المساكن شمال هتلاقي كام محلات وورش كتير جمب بعضهم كل واحد بيعمل حاجه ( واحد سمكره وواحد رش وواحد بيصلح اكصدامات ) حاول تروح وتشوف نظامهم ايه لو عجبوك يعني ولقيت الجو نظيف عندهم

[mohamed1992]

متشكرا جدا لحضرتك
انا بردو في ناس كتير قالتلي شارع العشرين ... ان شاء الله هروح قريب

[mahmoudselim]

عندك برضوا ورشة نايل موتورز بتاعت الاستاذ كريم منير في الحرفيين

[Dr/ P.K.Sh]

fe wa7ed kwayes esmoh karem el masry fi share3 kamal hewedy from khatem el morsalen street 3and banzent el rayan,da beta3 samkara we dahan nedef

[mohamed1992]

الطاسات لاقيتهم فى الحرفيين بـــ 110 ج الأربعة وممكن تاخد بالواحدة عند واحد بتاع اكسسوارات فى شارع يطلق عليه شارع الألمانى

هو شارع الالماني ده في انهي منطقه في مصر الجديده ولا عند الحرفين ولا فين اصل انا معرفوش

[mohamed1992]

عندك برضوا ورشة نايل موتورز بتاعت الاستاذ كريم منير في الحرفيين

متشكر لحضرتك بس انا مكسل اروح الحرفين عشان كده عاوز حد قريب مني و يكون نضيف

fe wa7ed kwayes esmoh karem el masry fi share3 kamal hewedy from khatem el morsalen street 3and banzent el rayan,da beta3 samkara we dahan nedef

شكرا لييك هبقي اشوفو بردو

[Ahmod]

بص يا باشا الموضوع مش محتاج حرفيين

بالنسبة للفاميه روح شارع المطبعة عند محل اسمه اوسكار هتلاقيه قريب من نصية الشارع من نحية شارع الهرم

هيكلفك حوالي 70 جنيه للاربعة الابواب والازجاج من ورا

---

اما بالنسبة للتلميع فبص انت احسن حاجة تروح on the run وتشتري علبة بولش وتظبط عربيتك بيها لو رحت بنزينة هيقطمك في السعر جامد والموضوع مش مستاهل

[mohamed1992]

بص يا باشا الموضوع مش محتاج حرفيين

بالنسبة للفاميه روح شارع المطبعة عند محل اسمه اوسكار هتلاقيه قريب من نصية الشارع من نحية شارع الهرم

هيكلفك حوالي 70 جنيه للاربعة الابواب والازجاج من ورا

---

اما بالنسبة للتلميع فبص انت احسن حاجة تروح on the run وتشتري علبة بولش وتظبط عربيتك بيها لو رحت بنزينة هيقطمك في السعر جامد والموضوع مش مستاهل

ا متكر لحضرتك انا اشتريت بوليش و هنزل النهارده اعمل العربيه ان شاء الله بس بالنسبه للفرش مفيش منتج معين اشتريه عشان يشيل البقع الي علي الفرش

[Ahmod]

والله على حسب البقعة دي ايه بالظبط

بس ممكن تروح اي بنزينة تعمل غسيل الفرش بالكيماوي او البخار

الاحسن انك طبعا تكون مركب فرش فوق فرش العربية الاصلية عشان تحافظ على الفرش الاصلي

[BLOODY_STONE]

ا متكر لحضرتك انا اشتريت بوليش و هنزل النهارده اعمل العربيه ان شاء الله بس بالنسبه للفرش مفيش منتج معين اشتريه عشان يشيل البقع الي علي الفرش

Armour All carpet and upholstery cleaner
ترش عالبقعة .. و تسيبه ينشف هي حتطلع لوحدها ... لكن لو بقعة جامدة شوية حتحتاج تدعك حبتين

[mohamed1992]

بركولي انا عملت العربيه من جوه و خليتها زيرو
عملتها ازاي بقي منغير متكلف ولا ملييم .... جبت ديتول و شويه سافو علي حبه مياه و باليفه بتاعت المواعين و اشتغلت في العربيه كلها و سبتها في الشمس شويه لحد منشفت و السقف و الفرش رجعو زيروووو و ان شاء الله الخطوه الجايه البوليش ادعولي بقي