افيدونى يرحمكم الله

[learner13]

السلام عليكم ورحمة الله جميعا بجد انا بشكر الجميع على المنتدى الرائع الشيك دة انا اشتركت مخصوص عشان اعرف اخر اخبار السيارات لانى نويت اشترى واحدة ان شاء الله بس محتار جدا بين
الهوندا(سيتى او سيفيك) واللانسر (الشكل القديم) والتويوتا (ياريس ومش عارف اقدر اوصل بالفلوس للكرولا ولا لاْ. المهم الله يكرمكم العربية هتكون فى حدود 120 او 140 الف
ناوى ادفع 80 الف واقسط الباقى فى المصرية جرين بلازا الاسكندرية انا الحمد لله دخلى الشهرى كويس واقدر ادفع القسط واكفى باقى احتياجاتى لحد ملتجينى فرصة خلال سنة كمان كدة واكيشها واخلص ارجوكم بكل حيادية وبخبرتكم رشحولى عربية حلال فيها الفلوس وماحسش انى تعبى راح فى الهوا انا حاسس انى بتكلم فى برنامج اعترافات ليلية او برنامج حياتى بس بجد الموضوع مهم قوى بالنسبة لى وهل الهوندا لها نفس مميزات اللانسر مثلا فى مصر من حيث الخدمة والصيانة وسعر اعادة البيع وانهى اللى ركوبها احسن انا استعمالى هيكون عادى داخل المدينة الاسكندرية او السفر احيانا الى المنصورة او الساحل الشمالى استخدام عادى لا سباقات ولا تسارع ولا حاجات من دى انا فى انتظار مشورتكم ايها الاعزاء ودايما معا الى الافضل

تم التصحيح بمعرفتي
الادارة (1)

[3llamy]

بصراحه من خبرتي المحدوده قبل ما اشتري السياره اللي معايا
بتقول الاتي

السيفيك افضلهم بس عليك وقطع الغيار العاليه ودا سبب بعدي عنها

الكورولا انسبهم ليك سعر وقطع غيار متوسطه في الثمن واتساع ومعمره واقتصاديه بكل المقاييس بس اللي نازل منها في التوكيل جنوب افريقي مش ياباني

بعد كدا عندك الياريس واللي هيا معايا مميزاتها انها تيوتا دا اولا ... ارتفاعها عن الارض عشان المطبات وبما انك من المنصوره عارف المطبات اكيد ...مريحه عن اللانسر وعن تجربه
بس الياريس حساسه شويه يعني عاوزه محافظه ..ارخص قطع غيار هيا قطع غيار الياريس


نيجي للانسر
مش عارف انت تقصد الشكل القديم ولا الجديد
بس لو القديم هقولك هات ياريس لان القديم اضيق شويه من الياريس وم عاليه عن الارض
يعني لو العربيه محمله شويه هتاكل كل مطب يقابلك
وطبعا قطع الغيار في اليارس ارخص زي ماقلت لسيادتك
بالنسبه للشكل الجديد من اللانسر فانا معرفش عنه حاجه


دي الاختلافات والمميزات
وتقدر تشوف ايه الاصلح ليك

[mahamedaraby]

الكورولا انسبهم ليك سعر وقطع غيار متوسطه في الثمن واتساع ومعمره واقتصاديه بكل المقاييس بس اللي نازل منها في التوكيل جنوب افريقي مش ياباني

انا راى المتواضع بردوا ان التويوتا الكورولا احسنهم بس لو مش هتسبب ليك ضغط فى الماديات ففى الاخر كلهم عربيات وكلهم بيمشوا على الارض فانا من راى ان الكورولا احسنهم وكمان انا شايف ان جنوب افريقى دى مش عيب ابدا ده عامله عربيه تحفه متفوقه على العربيه اليابانى فى الموتور والامكانيات

ده راى

[hero]

بص يا باشا...
كل العربيات ايلي انت ذكرتها ممتازة.....بس انا في رأي وبعد شراء سيارة ياريس..
ان افضل سيارة لمصر...سيارة لا يتعدي ثمنها 50 الف جنية ....بس طبعا علشان تركب زيرو ياباني الرقم دة مستحيل....
يبقي حاول تقرب لاقرب رقم نقدي....يعني شوف اية هي ارخص سيارة يابانية هاتحقق لك ركوبة مريحة واقتصادية في التشغيل....
الياريس ممتازة...خصوصا الاوتوماتيك (وبصراحة اي عربية اوتوماتيك ....لان زحمة الشوارع بقت ملهاش حل....الافضل تكون اوتو)....
اي فلوس هاتوفرها في ثمن السيارة ....خلية معاك كمصروفات للسيارة...(بنزين - زيوت- صيانات- كماليات- الخ)
لكن تدفع كل ايلي معاك ...وترجع تقسط جزء ...وتبقي عليك ديون ...وتقطع من دخلك حتي لو كان كبير....دة كلة مالوش اي لازمة...صدقني ...العربية بعد ما بتركبها بشهرين تلاتة ..بتفقد زهوة الجديد...وكل ايلي بتبصلة فيها انها وسيلة مواصلات محترمة....

وربنا يوفقك الي ما فية الخير...

[Karim_Monir]

السلام عليكم ورحمة الله جميعا بجد انا بشكر الجميع على المنتدى الرائع الشيك دة انا اشتركت مخصوص عشان اعرف اخر اخبار السيارات لانى نويت اشترى واحدة إن شاء الله بس محتار جدا بين
الهوندا(سيتى او سيفيك) واللانسر (الشكل القديم) والتويوتا (ياريس ومش عارف اقدر اوصل بالفلوس للكرولا ولا لاْ. المهم الله يكرمكم العربية هتكون فى حدود 120 او 140 الف
ناوى ادفع 80 الف واقسط الباقى فى المصرية جرين بلازا الاسكندرية انا الحمد للة دخلى الشهرى كويس واقدر ادفع القسط واكفى باقى احتياجاتى لحد ملتجينى فرصة خلال سنة كمان كدة واكيشها واخلص ارجوكم بكل حيادية وبخبرتكم رشحولى عربية حلال فيها الفلوس وماحسش انى تعبى راح فى الهوا انا حاسس انى بتكلم فى برنامج اعترافات ليلية او برنامج حياتى بس بجد الموضوع مهم قوى بالنسبة لى وهل الهوندا لها نفس مميزات اللانسر مثلا فى مصر من حيث الخدمة والصيانة وسعر اعادة البيع وانهى اللى ركوبها احسن انا استعمالى هيكون عادى داخل المدينة الاسكندرية او السفر احيانا الى المنصورة او الساحل الشمالى استخدام عادى لا سباقات ولا تسارع ولا حاجات من دى انا فى انتظار مشورتكم ايها الاعزاء ودايما معا الى الافضل

يا اخي الله يكرمك بعيد عن موضوع مشاركتك
اولا اهلا وسهلا بيك عضو عزيز تفيد وتستفيد ان شاء الله
كلمة الله تكتب بالهاء وليست بالتاء الله يكرمك
وان شاء الله تتكتب زي ما كتبتها كدة وليست انشاء

وفي موضوعك انا افضلك الكرولا الجديدة عشان السفر وممكن تجيبها ال 1400 مش 1600
خاصة انك مش محتاج تسارع عاللي وعربية ان شاء الله فوق الممتازة
ربنا يكرمك

رجاء من الادارة تصحيح الاخطاء الاملائية بمشاركة العضو ليرنر

[learner13]

متشكر جدا جا جدا لكل الناس الاكتر من محترمين اللى افادونى بالرد والمشورة
وجازكم الله خيرا ان شاء الله

[MM_Mohsen]

وفي موضوعك انا افضلك الكرولا الجديدة عشان السفر وممكن تجيبها ال 1400 مش 1600
خاصة انك مش محتاج تسارع عاللي وعربية ان شاء الله فوق الممتازة

صحيح ليه مفيش اقبال على ال cc 1400 مع انها مش محتاجة حجز طويل و هى نفس شكل 1600 و ارخص و بتوفر بنزين .. و مهما كان اقوى من الياريس فهى 1400 - 110 حصان فى مقابل 1300 - 93 حصان للياريس ..
يا جماعة موتور الكورولا الجديدة يابانى و تقفيل جنوب افريقيا لا يعيبها .. عكس ما البعض فاكر جنوب افريقيا ده بلد متقدمة جدا جدا مفرقش عن اوربا و ماكنش فى داعى نحرج نفسنا و ننافسها فى تنظيم المونديال !