خبر سار وغريب لكن مش متأكد منه

[Sindibad]

قال لى اليوم احد أصدقائى فى العمل يملك كورولا جنوب أفريقى ان شركة تويوتا تعرض ان تأخد سيارته بسعر ممتاز وتعطيه 2011 اليابانى مع دفع الفرق وذلك لتعويض ملاك هذه السيارة والتى نزل سعرها فى السوق بسبب الجير بوكس

وهناك خبر أخر لست متأكدا منه ولو أستطاع أحد من الوحوش هنا انه يأكده أبقى شاكر ليه وهو أن تويوتا هتسحب كل السيارات التى بفتيس أم أم تى

أريد منكم التأكد من ذلك لمن عنده علم

[MohssenRashed]

متابع لواحد صاحبي ههه

[wwaeel]

الكلام ده غير صحيح انا عندي العربيه المنيله دي وواقع مع التوكيل في مشاكل وهما مش معبرين حد يا ريت تبعتلي رقم صديقه الي قالك الكلام ده وجاب المعلومه دي منين؟

[Sindibad]

رقمه ياسيدي الفاضل هو 0106699266 واسمه محمد عباس
قل له انك كلمتنى على النت وانا اسمى طارق منصور

[Sindibad]

الكلام ده غير صحيح انا عندي العربيه المنيله دي وواقع مع التوكيل في مشاكل وهما مش معبرين حد يا ريت تبعتلي رقم صديقه الي قالك الكلام ده وجاب المعلومه دي منين؟

]اخى دى مشاركة منك قبل كده بتأكد اللى أنا قولته والغريب انك بتسألنى المعلومة دى جبتها منين!!!

بالفعل تم تبديل العربيه باتوماتك عادي لبعض الناس وفي 2 انا اعرفهم شخصيا خدو ثمن العربيه بس مخصوم 1 جنيه عن كل كيلو مشيوه وطبعا دول جري وري حقهم وكان معاهم واسطه في جهاز حمايه المستهلك اما باقي الناس مخدوش غير كلمه جربو القطع الجديده الاول وبعدين نبقي نشوف انا جالي ان ايرور بعد القطع الجديده واعرف 3 كمان جالهم الان ايرور بعد القطع الجديده افضل حل نجمع نفسنا تاني(الناس الي جالها ايرور بعد تركيب القطع الجديده) كلنا ونروح مع بعض ونعمل شكوىجماعيه في جهاز حمايه المستهلك ونقفلهم منسكتش عشان ناخد حقنا لان جهاز حمايه المستهلك متضامن مع شركه تويوتا لان جهاز حمايه المستهلك حكم علي ابو الفتوح بالغرامه وحكم علي شركه سيت بالغرامه لعيبو اتفه بكتير من الموجوده في تويوتا ولحد دلوقت مش عاوز يغرم تويوتا

مش ده كلامك؟؟؟؟؟

[feras_elngar]

جنيه عن كل كيلو يعنى انا اخسر 90000 جنيه من العربية

[محمد ابراهيم 1]

جنيه عن كل كيلو يعنى انا اخسر 90000 جنيه من العربية

هههههههههههههههه

يعنى لو واحد عمل 200 ألف كيلو يدفع لهم 55 ألف فوق العربية

[wwaeel]

يا سيدي الفاضل الناس دي اخدت فلوسها عشان معاهم واسطه كبيره وضغطو علي تويوتا انما مش هتعمل كده مع كل الناس وفي كمان معلومه عرفتها مؤخرا ان في 150 عربيه تم تبديلهم بالموديل الاحدث الي بفتيس اوتماتيك عادي من غير ما يدفعو مليم وده لانهم كلهم قضاه

اما باقي الناس للاسف مش هيخدو حق مع تويوتا وشركه تويوتا هتفضل تغير القطع كل ما يحدث بها عطل علي حسابها لحد الخروج من الضمان بعد كده الناس هتدفع عادي

[Sindibad]

انا شايف ان كلامك متحامل على تويوتا جامد - التوكسل طول عمره سمعته ممتازه - ده سبب نجاح تويوتا فى مصر - وفى العالم كمان لأن تويوتا اليابان بتعمل دعم جامد لعملائها
انا هعطيك مثال حى عندى فى العمل :- ايه رايك فى الأوبل ألامانى؟ السيارة كانت فتيس ايزى ترونيك - حاجه شبه الفتيس بتاعنا - تعرف ان فيه نفس المشاكل - وبالأضافه لذلك خد عندك - تغيير طرمبه البنزين 3 مرات فى خلال 130 الف ( 1500 جنيه) - تغيير الدينامو مرتين - تغيير سكاترا مره - عفشه كاملة مره - كلاكس مره!! - تيل فرامل حدث ولا حرج - تكاليف التشغيل فى خلال الفترة دى (2009-2011) حوالى 25000 جنيه أو أكتر - ده غير صيانتها الطبيعيه والتمن كام !!!!!!!!! المنوال 150000 و الاتوماتيك حوالى 200 الف ودلوقتى بتتباع بكام!!! المانوال 85-90 الف (ياخرابى) والاتوماتيك ب 130-125 الف ولو لقيت مشترى ؟ ده ليه كل ده لأن قطع الغيار نار وبعضها مش معمر ولأان التوكيل مس تمام و حرام عليه اللى بيعمله فى الناس
الحاجه الوحيده اللى تمام فيها الموتور

تعال بقى على السكودا - ايه 5 - موديل 2006 عامله 100 الف كيلو - أخدها صاحبى فى سيراتو اعلى فئه شبه زيرو (130الف ج) (لأنها معجبتوش) وأخد فرق 11 ألف و هب ايه اللى حصل ياتري!!!!!! بعد حوالى شهرين جابت وحدة كنترول الجيربوكس (مجموعة الصمامات) ؟؟؟؟؟؟؟ بكام والنبى ياعم أشجينى - ب ب ب ب ب ب ب ب ب ب ب ب
قول متخافشى.
حاضر هقول أهو 11 الف لحلوح - يانهاااااااااااااااااااااااااااااااااااااار أبيييييييييييييييييييييييييض يعنى اللى أخدته من فرق السيراتو حطيته فى شهرين - أحييييييه بالأسكندرانى وتقولى عيوب صناعة ياعم - أحمد ربنا ومتكفرشى بالنعمه - ده انت معاك جوهره اسمها تويوتا - مستحملاك الى 130 الف كيلو فى 3 سنين الا شويه ومظهرشى غير عيب الجير بوكس - وأكيد انت بتتعامل معاه بعنف أو على طول حطه على الستيب ترونيك وبتسوق بيه داخل البلد فطبعا لازم يجيب الفوايش لأانك على الستيب ترونيك متجيبشى ال على n مود وانت واقف

وشكرا

[wwaeel]

يا عم انت شغال في توكيل تويتا ولا ايه يا ريت تقرأ مشاركاتي السابقه وانت تعرف معاناتي ومش انا لوحدي مع شركه تويوتا ومش معني ان توكيل اوبل وحش اقول الحمد لله علي توكيل تويوتا ومين قال ان التويوتا مفهاش عيوب غير في الفتيس بس انا مركز علي الفتيس لانه مهم وحاجته غاليا الباقي مقدور عليه

معلومه الفتيسبتاع الاوبل الاسترا ممتاز مبيجبش العيوب الي جابتها تويوتا وهو شغال بنفس السيستم بس جودته اعلي

الفلف بتاع فتيس العربيه ايهه5 مبيبوظش الا لما تهمل في تغيير زيت الفتيس لو بتغير الزيت كل 60 الف كم في التوكيل عمره ما هيبوظ ومعروف ان ده العيب الوحيد في الاوكتافيا بس مبيجيش لو حافظت علي الصيانهبس طبعا مفيش وجه مقارنه بيت التويوتا والاوكتافيا فرق شاسع لصالح الاوكتفيا طبعا

اما بالنسبه للفتيس بقي العيوب هتظهر مع الناس مع الوقت انا العيوب ظهرت معايا لانيبعمل كم كتير وسابق الناس شويه بس العيوب دي هتظهر مع كل الناس انا متاكد من ده وبكره الايام تثبت بس للاسف هيكونو خرجو من الضمان لان خلاص مر 3 سنوات علي الموديل وساعتها التوكيل هيقولك ادفع يعني العيب عيب صناعه عندهم وانت تدفع عليه كل شويه

[Sindibad]

ياعم انا لا شغال فى التوكيل ولا لى عبلقه بيه من الأصل
الحكايه انى بحاول اخفف عليك وعلى من معهم هذه السياره وانا منهم
صحيح ان عربيتى لسه مكملتش 5000 كيلو لكن انا من أشد المعجبين بالتكنولوجيا اليابانى
صحيح الأوكتافيا ركوبه حلوه لكن مازالت التويوتا نمره واحد

[Sindibad]

اضف الى ذلك الجيتا - مفيش مطب الا ماتحك فيه - وواحد صاحبى جاب الهاى لاين خليجى - وفجأه كارتة المرايات اتجننت - روحنا التوكيل قالوا نجيبها من المانيا ب 13 الف وطبعا مفيش ضمان
يعنى سياره موديل السنه وتعمل كده ؟؟ - عارف اتصرف ازاي ؟ - راح لواحد بتاع الكترونيات وحاول فيها والنتيجه انها ضربت

بص - التكنولوجيا والصناعة فى العالم فى النازل من ناحية الجوده - وفى الطالع من ناحية الرفاهيه ودى معادلة مش تمام ابدا -
انا بلاحظ ده بحكم عملى فى الصناعه - وطبعا السبب معروف وهو تحقيق ارباح على حساب الزبون اللى بيجرى ورا الكماليات والحركات

[wwaeel]

رقمه ياسيدي الفاضل هو 0106699266 واسمه محمد عباس
قل له انك كلمتنى على النت وانا اسمى طارق منصور

يا استاذ Sindibad انا اتصلت بالنمره دي وصاحبها مطلعش اسمه محمد عباس خالص وقالي انه ميعرفش اي حاجه عن موضوع تويوتا ده من اصله وانه ميعرفش طارق منصور ده خالص وواضح انك بتشتغل الناس وعيب تحط نمرهم كده علي المنتدي ويا ريت من اعضاء المنتدي عدم الاتصال بالنمره دي مره اخري لان الراجل صاحبها مضايق جدا وطلب مني التوضيح لاعضاء المنتدي وشكرا

[Sindibad]

والله والله انا صادق فيما أقول ولا اشتغل الناس ولا كلام من ده
والتليفون 0106699266
يمكن هو بيشتغلنى لأنى قلت له واحد هيتصل بيك

هو أصل بتاع حركات
وانا هعرف ايه ايه الحكايه وأقولك

[omaroof]

الغريب ان شركة التيوتا محترمه جدا واى مشكله المفروض انها بتابعها لكن فى مصر موش عارف بصراحه استنو لاستقرار الامور فى مصر وبعد كدا نشوف
بس لاى حد عنده مشاكل لازم يشتكلا لجهاز حماية المستهلك