تيل الفرامل الخلفى لكرولا 2010

[sas5]

السلام عليكم ورحمه الله
انا منذ ايام قليله ذهبت الى التوكيل لعمل صيانه العشره الاف كيلو فكشفو على تيل الفرامل واخبرونى ان تيل الفرامل الخلفى محتاج يتغير.
واخبرنى ان التيل سوف يستمر فقط من 1000 الى 2000 كيلو فقط
يعنى محتاج اذهب لهم مره ثانيه بعد فتره قصيره لتغيير الفرامل
ولما تناقشت مع المهندس اخبرنى ان عمر التيل 15000 كم
وكل فكره انا سواقتى عاديه و السياره ماشيه 11000 كيلو فقط واستلمتها فى يناير 2010 اتوماتيك
قبل ذلك كان معى نيسان صنى ومشيت بها 27000 كم ولم اغير تيل الفرامل
وطول عمر السيارات معى التيل بيعيش مش اقل من 30000كم

اين ذهبت مقوله ان قطع غيار اليابانى تعيش فتره اطول

[hermoine]

لأ مش مش عامة عشان أعرف ناس وصلوا ال 45 من غير تغيير التيل الخلفي
أنا حاليا عامل 21 ألف و لسة فاضل فيه 10-15 مستريح

[Ahmed Tarek]

انا معايا كورولا 2010 وغيرت التيل الخلفي عند 25000 كم تقريبا وانا بعمل صيانة ال 45000 كم قالولي لازم نغيير تيل امامي و خلفي و لما سألت المهندس قال الخلفي يوم ما يعمل 20000 كم ده يبقي كويس جدااا

[Sindibad]

ايه الكلام الفارغ ده - انا عشت 130 الف كيلو وبقول مائه وتلاتين الف كيلو بسيارتى السيتى ولم أغير التيل الى الان وكل مره بكشف عليه فى التوكيل يقولوا ممتاز

الرقم ده غريب - ممكن اصدقه لو التيل الامامي - لكن الخلفى معروف بيعيش

أبحث عن نوع اخر يكون من شركة محترمة لتيل الفرامل وجرب

[sas5]

التيل عندما غيرته كان لسه به تقريبا نصف التيل
بس يوجد زاويه حديد اسمها حساس فى جانب التيل
وقمت يتغيير التيل خوفا من ان ان الحساس او قطه الحديد هذه تخبط فى الطنبوره وندخل فى مشكله اخرى
اما لو الحساس هذا مش موجود فانى اعتقد ان التيل سوف يستمر فتره اخرى من الزمن

[sas5]

هذه صوره للتيل الخلفى


Uploaded with ImageShack.us

[sas5]

ايه الكلام الفارغ ده - انا عشت 130 الف كيلو وبقول مائه وتلاتين الف كيلو بسيارتى السيتى ولم أغير التيل الى الان وكل مره بكشف عليه فى التوكيل يقولوا ممتاز

الرقم ده غريب - ممكن اصدقه لو التيل الامامي - لكن الخلفى معروف بيعيش

أبحث عن نوع اخر يكون من شركة محترمة لتيل الفرامل وجرب

الله ينور عليك هو هذا الذى اقصده - انا طبعا غيرت التيل فى التوكيل وليس هذا بيت القصيده
الذى ا اعنيه ان تيل الفرامل المفروض لو السواقه سيئه يعيش على الاقل 20000 الى 30000 كم وليس 11000 كم
شكلها المره القادمه لو ربنا اعطانا طوله العمر سوف اذهب الى الهوندا انشاء الله برغم العيب الرئيسى بتاعها فى الارتفاع عن الارض

[أحمد علاء]

فعلا موضوع غريب من تويوتا وانا فاكر انه حصل ما عربية أخي نفس الموضوع وغيره عند 10 او 15 ألف لا أذكر.
الفرامل الخلفة في الكورولا سكاكين disk brake وديه عمرها أقصر بكثير من الفرامل الطبلة drub brake بس طبعا الفرامل السكاكين أفضل وأقوى.

عموما اعتقد هما بيعملوا كده علشان ضمان الطنابير للعربيات الكرولا الزيرو 15000 كم وبيخافوا للتيل يخلف ياكل في الطنابير فيغيروها علي حسابهم طبعا خيبة تقيلة.

[محمد محمد]

فعلا موضوع غريب من تويوتا وانا فاكر انه حصل ما عربية أخي نفس الموضوع وغيره عند 10 او 15 ألف لا أذكر.
الفرامل الخلفة في الكورولا سكاكين disk brake وديه عمرها أقصر بكثير من الفرامل الطبلة drub brake بس طبعا الفرامل السكاكين أفضل وأقوى.

عموما اعتقد هما بيعملوا كده علشان ضمان الطنابير للعربيات الكرولا الزيرو 15000 كم وبيخافوا للتيل يخلف ياكل في الطنابير فيغيروها علي حسابهم طبعا خيبة تقيلة.

ضمان الطنابير 100000كم وانا مغير الطنابير الخلفية علي 60000كم في الضمان
بالنسبة لتيل الفرامل عربيتي ركب فيها 3اطقم امامي و4 خلفي والعربية ماشية دلوقتي في 85000كم
التيل الأمامي بتاع الفبريكة قعد 28000ك واللى بعده قعد 18000كم واللى بعده لغاية دلوقتي شغال
الخلفي برضه قعد بتاع الفابريكة زي الأمامي كده بس رابع طقم اتركب عند 60000كم لما غيرت الطنابير وشغالى لغاية دلوقتي
عايزك تبص علي الطنابير الخلفي كويس ممن تكون هي سبب المشكلة لأن عندي مغيروهاش غير لما انا قلتلتهم.

[sas5]

ضمان الطنابير 100000كم وانا مغير الطنابير الخلفية علي 60000كم في الضمان
بالنسبة لتيل الفرامل عربيتي ركب فيها 3اطقم امامي و4 خلفي والعربية ماشية دلوقتي في 85000كم
التيل الأمامي بتاع الفبريكة قعد 28000ك واللى بعده قعد 18000كم واللى بعده لغاية دلوقتي شغال
الخلفي برضه قعد بتاع الفابريكة زي الأمامي كده بس رابع طقم اتركب عند 60000كم لما غيرت الطنابير وشغالى لغاية دلوقتي
عايزك تبص علي الطنابير الخلفي كويس ممن تكون هي سبب المشكلة لأن عندي مغيروهاش غير لما انا قلتلتهم.

اخى العزيز زى مانت عارف اننى لم اشاهد الطنابير لان السياره كانت داخل الورشه فى التوكيل
وانا طبعا شايفها من الخارج ولم اكن قريب من السياره لاتحقق من حاله الطنابير

[محمد محمد]

اخى العزيز زى مانت عارف اننى لم اشاهد الطنابير لان السياره كانت داخل الورشه فى التوكيل
وانا طبعا شايفها من الخارج ولم اكن قريب من السياره لاتحقق من حاله الطنابير

ياباشا انت ممكن تعرفها بنفسك لو بصيت علي الطنابير هتلاقي فيها ريجة ومش حتة واحدة لو عندك جنوط اسبور هتشوفها كويس مش هتحتاج تفكها او تعمل اي حاجة.

[sas5]

ياباشا انت ممكن تعرفها بنفسك لو بصيت علي الطنابير هتلاقي فيها ريجة ومش حتة واحدة لو عندك جنوط اسبور هتشوفها كويس مش هتحتاج تفكها او تعمل اي حاجة.

انا فاهم قصد حضرتك بس السياره بتاعتى اتوماتيك بس الجنوط عاديه مش اسبور
بس فى اول فرصه سوف افك العجله لاشوف الطنابير
شكرا لك اخى العزيز

[sab3aawy]

عملوا معايا نفس الحركة على 15 ألف ورفضت، ولما فكيت التيل لقيت لسة فيه حوالى 5 مم ، مشيت بيه 3 آلاف كمان وبعدين غيرته

[sas5]

عملوا معايا نفس الحركة على 15 ألف ورفضت، ولما فكيت التيل لقيت لسة فيه حوالى 5 مم ، مشيت بيه 3 آلاف كمان وبعدين غيرته

كتن يوجد بالتيل مابين 4 الى 5 مم يعنى ممكن امشى بيه 2000 او 3000 كم
ولكنى كنت عايز اخلص ولا ارجع لهم مره ثانيه لتغيير التيل

[أحمد علاء]

ضمان الطنابير 100000كم------------

انا اقصد ضمان الطنابير 15000 كم حتى لو التيل انتهي وبوظ الطنابير.لأنه مش من الطبيعي ان تيل الفرامل خاصة الخلفي ينتهي تماما قبل 15000 كم ! الوضع دده انا سمعته من زميل لنا على علاقة قوية بأحد مراكز تويوتا مصر وواضح ده السبب انهم بيدفعوا الناس لتغيره في صيانة ال 10.

لكن لو التيل بيتغير عند الحاجة إلى التغيير فعلا وحصل ريجة في الطنابير او شفه او خلافه ساعتها يبقى عيب صناعة ولو توكيل محترم هيغير الطنابير طبعا كل ده في ظروف الإستخدام العادية.