كيف يتم تعلية الملكة

[mishmish1]

الأخوة الأفاضل فى المنتدى
لدى سيارة تويوتا الملكة موديل 96 ولكن المطبات الغبية غالبا تحك فى السيارة
هل من طريقة لتعلية السيارة وكيف؟
وهل يؤثر هذا على ثبات السيارة أو حدوث خلل ما بها؟
شكرا لكل من سيبدى رأيه فى هذا الموضوع

[yaserbasha2000]

انا كنت دورت في الموضوع ده و لقيت اغلب اللي بيعلوا بيستخدموا عليات كاوتش -بيسموها حوايه- تحت المساعدين الخلفيين ودي طبعا بتأثر علي ثبات العربيه خصوصا في السرعات العاليه

و لقيت ان الحك في الشكمان من تحت وبسيط و كمان الشكمان تثبيه بكاوتشات فقلت ملوش لزمه التعليه و اللعب في اتزان العربيه

[Ahmed Galal]

علايات خلفية و فاشلة و مالهاش لزمة و الحك تحت مش جامد اوى و طبعا العلايات بتاثر فى الثبات فيه حل تانى انت عندك نوعين من السوست 7 لفة و 6 لفة فى الكورولا من 93 ل 98 ممكن تغير كل السوست اللى عندك بال 7 لفة و العربية تعلا شوية بس وطيان العربية ديه ميزة فيها مش عيب

[mishmish1]

متشكر جدا لحضراتكم
ولم أكن اتصور أن يأتى ردكم بهذه السرعة جزاكم الله خير
ولكن سؤالى للأستاذ أحمد جلال
ما هى الأماكن التى تحك غالبا فى المطبات وتكون شديدة الخطورة على السيارة وكيف يمكن تفاديها؟
وكيف أن وطيان العربية ميزه وليس عيبا ؟
تحياتى

[Ahmed Galal]

اكتر حاجة ممكن هاتضايق هو الخبط فى علبتين الشاسيه و دول اوطى حتة فى بطن العربية و ممكن يتتنوا و يتجرحوا و تتشال طبقة بوية حماية المصنع و قدام يبقا فيه بارومة بس الكلام ده لواحد مقضيها سباقات طول النهار و ما بتفرقش معاه المطبات و بياكل كل حاجة فى طريقه فمعتقضش سيادتك هاتعمل كده و طبعا و طيان العربية ميزة بيديها ثبات ممتاز كل ما العربية وطيت كل ما كانت اثبت على الطريق و ديه حاجة حلوة فى الملكة تصميمها مراعيين فيه النقطة ديه يعنى باحس ثباتها محترم على السرعات العالية العربية ديه ركبت منها موديلات محترمة و مشينا بيها ل 180 كيلو فى الساعة و لمدة طويلة و لا تحس فيها باى حاجة و لا تخاف حتى و طبعا عشان تتلاشى بقا التخبيط و الحك راعى زاوية دخولك على المطب و سرعتك و خده على اقل من مهلك و ان شاء الله مش هاتحس باى مشاكل

[mishmish1]

شكرا

شكرا جزيلا يا أستاذ أحمد وربنا يبارك فى حضرتك ويزيد من خبراتك

[yaserbasha2000]

علايات خلفية و فاشلة و مالهاش لزمة و الحك تحت مش جامد اوى و طبعا العلايات بتاثر فى الثبات فيه حل تانى انت عندك نوعين من السوست 7 لفة و 6 لفة فى الكورولا من 93 ل 98 ممكن تغير كل السوست اللى عندك بال 7 لفة و العربية تعلا شوية بس وطيان العربية ديه ميزة فيها مش عيب

احمد باشا
كنت عايز اعرف السوست 7 لفه تقريبا بكام و موجوده جديده و لا استعمال بس
لاني باعاني دلوقتي من المطبات اللي الناس بتعملها بطريقه بشعه

[Ahmed Galal]

احمد باشا
كنت عايز اعرف السوست 7 لفه تقريبا بكام و موجوده جديده و لا استعمال بس
لاني باعاني دلوقتي من المطبات اللي الناس بتعملها بطريقه بشعه

المساعد الاستيراد بالبطاحة بالسوستة بيعمل حوالى 400 جنيه يعنى السوستة لوحدها هاتكون بحوالى 200 جنيه مثلا اما لو جديدة بتعمل حوالى 1000 جنيه للوحدة كنت سالت عليها مرة بس استيراد احسن طبعا

[mr_sameh]

بلاش تلعب في ارتفاع العربيه وتاقلم بيها علي كده

[asemx1]

مع احترامى للى بيعلوا العربيه

العربيات بتاعتنا دى جر امامى كلها والشركه مش غبيه علشان تنزل لمصر عربيات لو اتحكت من تحت تبوظ فى المطبات الجهنميه بتاعتنا

خلاصه الحوار انها مصممه للحك من تحت والدليل على كدا بيكون فى اى عربيه اوطى حتتين او حته فى الشاسيه علشان لو اتحكت من تحت الحتتين دول يرفعوا العربيه ويحموا الشاسيه او العتب او او .....

وتانى حاجه مافيش حاجه تقلق منها تحت العربيه تستاهل انك تعليها ( شويه حديد ) يعنى حك براحتك يا عم بس براحه لان الحك بسرعه عامل زى الطرق ( بيحدث التواء للمعادن ) انما براحه شويه الخرابيش تحت مش هتاثر على اى حاجه

هههههههه ماتبقاش منفسن كدا انا كنت زيك منفسن بالظبط وبعد ما درست الحوارات دى عرفت ان الى بيصمموا العربيات مش اغبياء

تحياتى لك

م/ عاصم جاد