تويوتا

[yara2006]

أرجو الغاء عضويتى نظرا لما شاهدته من ردود غير مهذبة على المشاركات وخصوصا الأعضاء السنيور

---------------------------------------------------

تم غلق الموضوع لمنع تطور النقاش للأسوأ وللحكم بين العضوين المختلفين
الإدارة4

[Islam_galal]

فين المشاركات الغير مهذبة في أي موضوع؟
في علامة في أعلي أي موضوع شمال عبارة عن مثلث أحمر به علامة تعجب للإبلاغ عن أي تجاوز للإدارة

[yara2006]

الرجاء من القائمين على المنتدى الغاء ومسح عضويتى نهائيا من المنتدى ولا أريد أن أرى عضويتى بعد الآن بعد ما رأيت من الردود غير المهذبة ومن بعض الأعضاء السنيوروشكرا

[yara2006]

يعنى ينفع عضو سنيور يرد يكتب كلمة مشش

[yara2006]

اشكركم وهذه آخر مشاراكاتى

[mido777]

اهدى شويه ,,,
وايه بس اللى مزعلك

وملحوظة صغيرة - المفرض التوبك دة كان يبقى موجه لللإدارة فى القسم المخصص لذلك- قسم شكاوى الأعضاء-
او من البداية اصلا كنتى تقولى للسادة المشرفين على الردود"الغير مهذبة" على حد تعبيرك وهما يتخذوا القرار ويجبولك حقك

[Islam_galal]

هو ده الموضوع

http://www.nilemotors.net/Nile/showthread.php?t=20385&page=3

و متروك للإدارة التصرف

بس رأيي الشخصي الموضوع ميستاهلش

[Sharky]

أنا شايف إن الموضع برضه مايستاهلش و مافيهوش ردود غير مهذبة

[mido777]

انا قرأت الموضوع اللى فى اللينك ومش شايف فيه حاجة تضايق
لو كلمة صغيرة هى اللى مزعالكى اعتبريها دعابة

[Mustafa_Farouk]

أنا مش حاسس إن الموضوع دة فظيع أوي، مشش، الراجل بيهزر باحترام جداً . الكلمة عادية جداً .
مشش جية من المش ودة نوع من الاكل على ما أعتقد.

[ows212]

لأ معلش بأه أنا راكبة أكورد 94 ومعايا لدلواتى والأكورد مفيش ليها مثيل ولا ف عربيات تويوتا كلها دانا كفاية انى مغيرتش تيل الفرامل ليا 7 سنين ولا بتاخد غير زيت وبنزين لغاية النهاردة وتؤلى تويوتا كنت شفت التويوتا كامرى 2008ف السعودية عملت ايه العربية اتألبت مرتين كل حتة طارت لوحدها الرفرف والعجل والكبوت متبآش ف العربية حاجة خالص وبعدين تؤلى تويوتا وياريت اللى يتكلم يتكلم على العربية اللى هوه مجربها بس

يار 2006 ... ده رد حضرتك فى الموضوع .... واعتقد انه مستفز اكتر من كلمة مشش ...

[M_HaFeZ]

بجد موضوع غريب اوى اوى ومش مكانه خالص
الموضوع زى ماقال الاخوه يبقى ابلاغ بمشاركه سيئه وفى غرفه الشكاوى مش فى منتدى التويوتا
وممكن ابسط حاجه اللى زعلان من مكان ميدخلوش بدل مايعمل موضوع ويقول لا انا ماشى علشان الناس تقوله لا خليك قاعد !!!

[wawoo]

يعنى ينفع عضو سنيور يرد يكتب كلمة مشش

هوة المش بقى سبة ولا قلة ادب و احنا منعرفش ولا اية , دة حتى المش اكلة شعبية جدا و منتشرة فى عند الفلاح يعنى دة نعمة من نعم ربنا ,
انا مش شايف اى تجاوز فى كلمة مش , حتى و ان كانت على تيل الفرامل , الا اذا كان حضرتك "مش "عجبك دة موضوع تانى .
عموما حضرتك حرة طبعا فى اللى تحبى تعملية , انما انا مش شايف اى تجاوز لا من السينيور ولا حتى من باقى المشركات , دة حوار عادى جدا و ممكن يحصل شوية تعليقات طريفة كد, لكن كلة فى حدود اللائق او المقبلو اعتقد .
انتى بس مكبرة الموضوع شوية او فهمتى انها تريقة , هى اقرب ما تكون للاستغراب او الدهشة مش اكتر , و ياريت يوصلك الموضوع كدة .

[Hossam_Hassan]

ردود مش مهذبة؟ ايه اللى انتى بتقوليه ده؟ و ردود غير محترمة كمان؟

بصراحة انا كان نفسى اكون ديبلوماسى و اقولك انى مش هرد عليكى علشان انتى بنت، بس حظك جه معايا فى اليوم الغلط.

مش هقولك ان ردودك مش مهذبة و مش محترمة

ببساطة انتى نفسك مش مهذبة و غير محترمة

[hazem_khidr]

براحه يا جماعه و هدوا نفسكم في ايه علشان دا كله.
الاستاذ حسام ما يقصدش حاجه يا اخت يارا
و بعدين الكلمه عاميه و منتشره جدا
و هو معناها ان اي حاجه بتقعد لفتره طويله بتقي مش زي الجبنه كده
يعني الراجل ما قصدش حاجه