عاوز اعرف مواصفات تويوتا 2000

[ahmedShafie]

السلام عليكم

عاوز اعرف مواصفات تويوتا 2000 اللى هى فى الصوره دى بصراحه شكلها عاجبنى وسعرها فى متناول يدى وغير كده عربيه يابانى وتستحمل




فعاوز اعرف كام سى سى فيه منها عاده اتوماتيك زجاج كهربا او منغير

استهلاكها فى البنزين الخلاصه عاوز اعرف كل حاجه عنها وياريت اللى يقول يكون مجرب العربيه قبل كده

[iwantes350]

بص يا باشا
اللى اعرفه انها عربية جامدة هى مع ابن خالى بس الكشافات متغيرة شوية
اللى هى العيون
المهم عربية استهلاكها حلو جدا التكيف حكاية بجد فى منها مانيوال واوتو وكمان ازاز كهربا بس على حسب
يعنى لو دورت هتلاقى منها موديل فى كل الكماليات دى
بس بتاعت ابن خالى مانيوال ازاز عادى موتور 1600 سي سي
اى خدمة
وعلى فكرة اللى اعرفه ان موديل 2000 عندنا فى مصر ده شكله

مش اللى فوق
اللى فوق موديل قديم 99 او 98
واللى 2000 تعمل 70 او 65 على حسب الاستخدام
اى خدمات

[ahmedShafie]

يعنى حضرتك متأكد ان الصوره اللى انا جيبها موديل 98 او 99 ومش موديل 2000

ملعش بس المعلومه ديه مهمه اوى بس برده شكلها عجبنى وعاوز اعرف معلومات عنها

وشكرا لحضرتك

[mahmoudselim]

حضرتك صح دي موديل 2000 واسمها الرموش , موديل 98 و 99 اسمها عيون
هي عربية مخترمة جدا وقطع غيارها متوفرة بكثرة وفي منها فئات كتير
بس المشكلة انها مش منتشرة كتير لانها نزلت سنة واحدة بس فا لو لاقيت
واحدة حالتها نظيفة توكل علي الله واشتري , لو ماكنش خليك في موديل الملكة 92 ل 97 او العيون

اما ال في مشاركة استاذ ايوان دي موديل 2001 ل 2004 واسمها الهضبة
وغيرو شوية في الشكل الخارجي وكملت من 2004 ل 2007

[ahmedShafie]

حضرتك صح دي موديل 2000 واسمها الرموش , موديل 98 و 99 اسمها عيون
هي عربية مخترمة جدا وقطع غيارها متوفرة بكثرة وفي منها فئات كتير
بس المشكلة انها مش منتشرة كتير لانها نزلت سنة واحدة بس فا لو لاقيت
واحدة حالتها نظيفة توكل علي الله واشتري , لو ماكنش خليك في موديل الملكة 92 ل 97 او العيون

اما ال في مشاركة استاذ ايوان دي موديل 2001 ل 2004 واسمها الهضبة
وغيرو شوية في الشكل الخارجي وكملت من 2004 ل 2007

شكرا لحضرتك فى المداخله وزيادة التاكيد لانى سالت ميكانيكى قالى انها موديل 2000 بس الاسم المنتشر لها روموش

- وهل هى بكماليات ولا منغير

لانى هدور على عربيه واشترى ولو هستنى سنه من غير عربيه لانى شوفتها عجبتنى جدا

[mahmoudselim]

شكرا لحضرتك فى المداخله وزيادة التاكيد لانى سالت ميكانيكى قالى انها موديل 2000 بس الاسم المنتشر لها روموش

- وهل هى بكماليات ولا منغير

لانى هدور على عربيه واشترى ولو هستنى سنه من غير عربيه لانى شوفتها عجبتنى جدا

للاسف انا معنديش فكرة عن كماليات العربية دي تحديدا
بس عامتا الكورولا في جميع الاحوال
بتنزل المصري والخليجي والاوروبي والامريكي والياباني
المصري اقل كماليات يعني لو فيها باور يبقي رضا وموتور 1300cc
الخليجي بيكون فيها ازاز كهرباء وباور وفي الغالب ماتور أعلي 1600cc
الامريكي والاوروبي أعلي في الاوبشن من الخليجي يعني ممكن تلاقي فتحة سقف او او
الياباني أعلي عربية بتلاقي فيها اوبشن

اما بالنسبة للمنتشر في مصر . المصري طبعا والخليجي

[M.FOUAD]

فية 4 فئات فية كل اللي نزل تبع التوكيل 1300
بس فية اقل فئة و دية مش منتشرة مانيوال و فتيس 4 سرعات و تكييف بس من غير باور و من غير اي كمالييات تانية
الفة المنتشرة هي مانيوال تكييف و باور و الفتيس 5 عادي بس ازاز ومرايات عادة
و بعد كدة فية الفل اوتو او مانيوال و بتزيد ازاز و مرايات كهرباء و rbm و تقفيل فرش الباب و احيانا ابنوس و جرايد الابواب و المرايا بنفس لون العربية و تارة الدركسيون شكلها مختلف عن الفاضية اشيك شوية
العربة الرموش اللي انت بتقول عليها عيبها انها موديل سنة واحدة بس الوش الامامي هو اللي مختلف فلو لا قدر اللة احتجت فانوس امامي او حاجة مش هتلاقية بسهولة عن تجربة

[iwantes350]

انا اسف بجد على الغلطة
انا كنت معتقد ان ال 2000 هو اللى فوق
ولكن طلع ال 2000 هى الرموش
بالتوفيق