سؤال لأحلي منتدي

[aboslma]

شباب السلام عليكم
عندي سؤال انا اشتريت سيارة تويوتا كورولا موديل 1994 1990 سي ايوة 1990 سي سي بنزين
هية كدة في الرخصة يعني الماكينة 2000 انجكشن كل الناس بيتقولي مفيش 2000 سي سي نفس حد يرد علية طيب قطع الغيار موجودة ولا اية وربنا يستر ولا يمكن الموتور دة استيراد لان صحب العربية الي اشتريتها منة كان مسافر ومعرفتش استفسر منة
شكر لاحلي منتدى واحلي باشمهندسين

[MohssenRashed]

متابع عشان بصراحه معرفش...

[mandordiab]

انا شايف انك تسال اي محل قطع غيار محترم في بعض قطع الغيار الخاصه بالموتور مثل اسطوانه الدبرياج يليه ديسك جديد وايضا تسال حد بتاع استعمال ومعلومتي ان الماكينه دي بتنزل في عربيات السفارات المواصفات الياباني لانه زي ماهو معروف يوجد 1300 سي سي 1600 سي سي 1800 سي سي

[mahmoudselim]

المحركات ال نزلت في العربية دي كالاتي:
1_ 1300cc

2_ 1500cc

3_ 1600cc

4: 1800cc
5_ 2000cc ديزل

موضوع ان ال 2000cc في منها بنزين دا وارد جدا بس معنديش معلومة مؤكدة حاليا.
قطع الغيار ان شاء الله هتلاقيها في شارع دمشق والحرفيين

[Ahmed Galal]

المحرك المتوفر للسيارات الامريكية فقط هو 7a-ef و ده 1800 سى سى اما 105 حصان او 115 حصان و ده على شاسيه ae102 و متوفر ايضا فى السيارات الاوروبية و بيوصل ل 118 حصان و ده على شاسيهات ae102 , ae103 و ال ae103 مزودة بنظام دفع رباعى بس كده المفروض عربيتك شكلها هايختلف عن شكل عربيتى مثلا اللى هيا يابانى و شاسيهها ae100 و ده الشكل المتعارف عليه فى مصر و يؤسفنى اقولك ان الموتور ال 1800 ده ما لوش قطع غيار فى مصر نهائى يمكن تلاقيله حاجات الصيانة زى الفلاتر و البوجيهات و اى حاجة تحصل للموتور لا قدر الله اكتر من كده هاتحتاج بتوع الاستيراد ده لو لقيت لان كل السوق شغال على ال 1300 و ال 1500 و ال 1600 فقط فى مصر بس ربنا يباركلك فيها و ما تشغلش بالك بالموتور و عامله كويس و مش هاتجتاج تفكر فيه الموتور ده استهلاكه للبنزين عالى شوية بس قوى و محترم جدا جدا جدا

[aboslma]

شكرا يا شباب علي الرد ولاهتمام
ازاي الواحد يعرف نوع الموتور بيبقي مكتوب علية ؟
والكتابة دي فين بالضبط

[Ahmed Galal]

شكرا يا شباب علي الرد ولاهتمام
ازاي الواحد يعرف نوع الموتور بيبقي مكتوب علية ؟
والكتابة دي فين بالضبط

الموتور هاتلاقى رقمه مكتوب على حتة حديدة موجودة فى الغالب ورا الردياتير على طول و طالعة من جسم الموتور بس مش عارف هاتعرف توصل لها و لا لا كمان عندك فى صدر العربية قطعة من الصاج مكتوب عليها الشاسيه و الموتور و تاريخ الصنع و بلد الصنع لو عايز تتاكد