مشكلة بتكييف الياريس...

[swimmer25]

السلام عليكم

يا جماعة انا عندي مشكلة ان التكييف بيبرد في بداية التشغيل في الجو الغير حار جدا
في الجو الحار جدا مش بيبرد وخاصة لما اكون واقف بالعربية
العربية 1500 سي سي وعاملة 70 الف وقست الفريون لاقيته تمام

لو حد يعرف ثلاجة التكييف موجودة فين ونوصل ليها ازاي وبتتنضف ازاي يقولي..

[gebreel]

جرب تغسل سبنتينة التكييف في اي بنزينة و شوف

[swimmer25]

جرب تغسل سبنتينة التكييف في اي بنزينة و شوف

انا عايز كمان انضف الثلاجة

[M.FOUAD]

نظف الفلتر الاول لو تبريد التكييف بيزيد على الطريق مع السرعة

[swimmer25]

نظف الفلتر الاول لو تبريد التكييف بيزيد على الطريق مع السرعة

انا شاري العربية مستعملة والفلتر مش موجود
بتزيد البرودة بسيط جدا مع السرعة بس مش زي المتوقع

[ابوشريف]

الافضل انك تكشف عليها فى التوكيل

[swimmer25]

الافضل انك تكشف عليها فى التوكيل

بصراحة بحب اشتغل بايدي في الاول يمكن اوصل لحاجة او افهم حاجة جديدة
صحيح ممكن ابوظ حاجة وبكون زعلان اني هدفع بس ببقي فهمت

المهم لسه محدش يعرف ثلاجة التكييف في الياريس فين واوصلها ازاي......هو قسم التويوتا صحراء كده ليه لو محدش يعرف ياريت مشرف القسم ينقل موضوعي للورشة

[magedtiti]

انا شارى عربيه يارس مستعمله وعندى نفس المشكله فكيت درج الطبله علاشان اشوف فلتر التكييف ملقتش الفلتر موجود بس لقت كيس بلستك مزنوق خلف درج الطبلوه لما شلته التكييف اتحسن اكتر من الاول

[samehkadous]

تكييف الياريس

بصراحة بحب اشتغل بايدي في الاول يمكن اوصل لحاجة او افهم حاجة جديدة
صحيح ممكن ابوظ حاجة وبكون زعلان اني هدفع بس ببقي فهمت

المهم لسه محدش يعرف ثلاجة التكييف في الياريس فين واوصلها ازاي......هو قسم التويوتا صحراء كده ليه لو محدش يعرف ياريت مشرف القسم ينقل موضوعي للورشة

كان عندى نفس مشكلة التكييف فى ياريس 2008 1300 اتوماتيك من اسبوع رحت لواحد فقال لى محتاج يتشحن وفعلا شحنته وبعدها بيوم فى الحر الشديد حسيت ان الوضع ذى الاول فرجعت له تانى وبعد التجربة قال ان الثلاجة محتاجة تتنظف لانك مش مركب فلتر فقلت له ماشى فقال لى ده بيحتاج فك التابلوه وبياخد شغل ووقت وبنفضى الفريون تانى فقلت مفيش مشاكل المهم يشتغل كويس المهم قالى ممكن نجرب حاجة تانية قلت جرب مفيش مشاكل قال هنفك المروحة الى وراء التابلوه وده بيحتاج فك مسامير التابلوه حاجة بسيطة علشان تطلع وبعد كدة بنضرب مسدس ميه فى المشحمة بس تعالى من بدرى بكره
اليوم الثانى
وانا رايح الشغل الصبح رحت له وسبت العربيةوكانت الساعة 1000 ورجعت له الساعة 5 لقيته بيركب فى المروحة وفيه اثار مياه الغسيل بس بسيطة جدا والارضية الموكيت مفكوكة ومسامير التابلوه مفكوكة حاجة بسيطة المهم فضلت قاعد حوالى ساعة وكان واضح ان التركيب صعب جدا وبعد التركيب كانت الفاجئة التكييف اصبح ثلاجة بمعنى الكلمة وانا راجع من دمياط الى بورسعيد مذودتش المروحة عن 1+وكانت العربية ثلج

ارجو انى اكون افدت الزملاء الى عندهم نفس المشكلة فى الياريس المصنعية كانت 50 جنيه فقط بس اكيد هو عمل حساب انه شحن فريون قبل كدة بدون لزمة

[Ahmod]

انا كان عندي المشكلة دي وكان التكييف مش بيسقع خالص في الجو الحر

ولما عملت ضبط الهوا انه يجيب من جوة العربية ومايجبش من الهوا اللى برة

+ خليت الهوا يجي من فوق بس بمعنى اني لغيت الهوا اللى بيطلع من عند الدواسات

حسيت بفرق فظييييييييييييييع !

جرب وشوف انما لو كنت ضابطه بالفعل على انه يجيب الهوا من جوة وعندك مش بيسقع يبقى روح اكشف لان المفروض ان تكييف الياريس تلاجة !

[tameraast]

انا كان عندي المشكلة دي وكان التكييف مش بيسقع خالص في الجو الحر

ولما عملت ضبط الهوا انه يجيب من جوة العربية ومايجبش من الهوا اللى برة

+ خليت الهوا يجي من فوق بس بمعنى اني لغيت الهوا اللى بيطلع من عند الدواسات

حسيت بفرق فظييييييييييييييع !

جرب وشوف انما لو كنت ضابطه بالفعل على انه يجيب الهوا من جوة وعندك مش بيسقع يبقى روح اكشف لان المفروض ان تكييف الياريس تلاجة !

تكيف اليارس تلاجه بمهنى الكلمه


اكشف على الكمبرسور

[swimmer25]

كان عندى نفس مشكلة التكييف فى ياريس 2008 1300 اتوماتيك من اسبوع رحت لواحد فقال لى محتاج يتشحن وفعلا شحنته وبعدها بيوم فى الحر الشديد حسيت ان الوضع ذى الاول فرجعت له تانى وبعد التجربة قال ان الثلاجة محتاجة تتنظف لانك مش مركب فلتر فقلت له ماشى فقال لى ده بيحتاج فك التابلوه وبياخد شغل ووقت وبنفضى الفريون تانى فقلت مفيش مشاكل المهم يشتغل كويس المهم قالى ممكن نجرب حاجة تانية قلت جرب مفيش مشاكل قال هنفك المروحة الى وراء التابلوه وده بيحتاج فك مسامير التابلوه حاجة بسيطة علشان تطلع وبعد كدة بنضرب مسدس ميه فى المشحمة بس تعالى من بدرى بكره
اليوم الثانى
وانا رايح الشغل الصبح رحت له وسبت العربيةوكانت الساعة 1000 ورجعت له الساعة 5 لقيته بيركب فى المروحة وفيه اثار مياه الغسيل بس بسيطة جدا والارضية الموكيت مفكوكة ومسامير التابلوه مفكوكة حاجة بسيطة المهم فضلت قاعد حوالى ساعة وكان واضح ان التركيب صعب جدا وبعد التركيب كانت الفاجئة التكييف اصبح ثلاجة بمعنى الكلمة وانا راجع من دمياط الى بورسعيد مذودتش المروحة عن 1+وكانت العربية ثلج

ارجو انى اكون افدت الزملاء الى عندهم نفس المشكلة فى الياريس المصنعية كانت 50 جنيه فقط بس اكيد هو عمل حساب انه شحن فريون قبل كدة بدون لزمة

شكرا ليك ولكل اللي فادوني
فعلا نا حاسس ان المشكلة ممكن تكون في تنظيف الثلاجة أو الكمبريسور

شكرا جزيلا ليك علي المعلومات

[محمد يوسف]

ياجماعة تكييف الياريس مافيهوش فلتر أصلا

[حاتم سليم]

ياجماعة تكييف الياريس مافيهوش فلتر أصلا

لكن مكان الفلتر موجود و قد قمت بتركيبه حتى احفظ الثلاجه و لا اضطر لتنظيفها

و هو موجود عند عرفه فى شارع دمشق

رقم 17 ش شريف - متفرع من شارع دمشق - مصر الجديدة

ت : 24507018

و عند البرجيسى

فى 21 شارع مراد بجانب كنيسة مارى جرجس

ت : 35733919

محمول : 0126404731

و لكن اتصل بهم قبل الذهاب لتعرف الاسعار و النوعية

بالتوفيق إن شاء الله ...

[BLOODY_STONE]

ياجماعة تكييف الياريس مافيهوش فلتر أصلا

ال 2007 فيها مكان تركيب فلتر جاهز و ال2009 نازلة بالفلتر