تكييف الياريس

[حاتم سليم]

أعزائى

ماذا يمكن ان يحدث لتكييف الياريس

1 - اذا لم تستعمله للمرة الاولى الا بعد استلام السيارة ب 4 شهور ؟؟

2 - هل يحدث تسريب للغاز ؟؟

3 - هل هناك طريقة بسيطة لمعرفة حجم الغاز بداخل دورة التكييف ؟

فى انتظار أرائكم ...

[hazem_khidr]

حاتم باشا مساء الخير
ممكن تقول حصل ايه ؟؟
هو عموما طالما العربيه لسه جديده ال 4 شهور دول مش حيثرو فيها ما تقلقش.
بس برضه يا ريت تشرحلي

[fahd_628]

هوة فى الشتاء بينصح بتشغيل التكييف كل اسبوع او اتنين لمدة 5 دقائق علشان تحرك الدورة و بلاش تسيبة 4 شهور كدة شغلة كل فترة كدة 5 دقائق مش حيأثر على حاجة فى الموتور و لكن احسن للكتييف

[حاتم سليم]

حاتم باشا مساء الخير
ممكن تقول حصل ايه ؟؟
هو عموما طالما العربيه لسه جديده ال 4 شهور دول مش حيثرو فيها ما تقلقش.
بس برضه يا ريت تشرحلي

هوة فى الشتاء بينصح بتشغيل التكييف كل اسبوع او اتنين لمدة 5 دقائق علشان تحرك الدورة و بلاش تسيبة 4 شهور كدة شغلة كل فترة كدة 5 دقائق مش حيأثر على حاجة فى الموتور و لكن احسن للكتييف

أعزائى

حازم خضر
فهد يحيى

كانت اول مره اشغل التكييف بعد استلامها ب 4 شهور
عشان استلمتها فى نوفمبر 07

و كنت فى طريق طوالى و كان كويس بس مش ثلاجه
و بصراحه و لان اخوكم موسوس - الفار لعب فى ...

و قلت لازم اسأل الاخوه الاعزاء فى المنتدى
هل هناك طريقه بسيطه لمعرفة هل التكييف مشحون غاز بالكامل ؟

ام حدث شئ فى ال 4 شهور ؟ + شهرين من ساعة ما تم تصنيعها فى اليابان

ثم انا عايز اعرف بالتحديد ماذا يحدث لو لم يستعمل التكييف لمدة طويله ؟

" من باب العلم بالشئ "

شكراً اخوانى ...

[hazem_khidr]

طب حقولك حاجه
يمكن مقياس حضرتك للتكييف مختلف عن مقياسي
يعني اللي اللي مش عاجبك دا بالنسبالي تلاجه او العكس
فممكن فعلا ما يبقاش فيه مشكله
و عموما حنراجع سوا علي كام حاجه
1.اتاكد ان مؤشر الحراره علي الازرق (الداير اللي تحت خالص)
2.المؤشر اللي بينقل الهوا من بره العربيه و يغير الهوا اتاكد انه مضبط علي انه يجيب الهوا من جوه العربيه بس.
3.خلي ضبط الهوا من الهوايات الاماميه فقط
.................
نعمل كده و نجرب و شوفه حيبقي عامل ازاي.
لو كل دا معمول و مفيش نتيجه
يبقي هات خرطوم ميه و ضغطه خفيف و وجهه ورا الشبكه لان السربنتينه بتاع التكييف ورها و لو عليها تراب تقلل من التكييف.
لو كل دا ما جابش نتيجه يبقي بكده عاوز يتشحن
و يا ريت تيجي المقابله الجايه نشوفه و اقولك لو فعلا التكييف ضعيف و لا لاء :)
اسف للاطاله :)

[حاتم سليم]

عزيزى حازم

حعمل اللى قلت عليه و ارد عليك

بس ادينى كام يوم...

[hazem_khidr]

يا حاتم بيه دا كله بيتعمل في عشر دقايق يا راجل.:)
ضبط المؤشرات في نص دقيقه و الغسيل برضه ما بياخدش وقت .
ملحوظه
اوعىىىىىىىىىى تغسل السربنتينه في المشحمه لان ضغط الميه بيخلي الريش تبوظ

[hero]

في في المانيوال ايلي انت مستلمة مع السيارة...باب بعنوان قبل ان تذهب للتوكيل..
الباب دة موضحين فية طريقة تعرف بيها حجم الفريون ايلي دايرة التكييف من خلال مكان معين في كبوت العربية ...بس انا حاليا مش فاكر مكانة...بس لو رجعت للمانيوال هاتلاقية ان شاء الله...