عربيتى ستارليت

[ohg]

عربيتى تويوتا ستارليت 94 وموتورها بايظ . فى حل تانى لها ولا لازم يركب لها موتور ستارلت برضو . والاقى فين موتير ستارليت او البديل . لو ممكن حد يفيدنى يبقى كتر خيره . ارجو سرعة الرد الله يكرمكم

[pro_samir]

وضح بايظ ازاي ، ماهو ممكن يكون محتاج عمره كامله أو نص عمره فقط

ولو عايز تغيره بيركب موتور تويوتا كورولا شكله بالظبط وبنفس قواعد الموتور

وشوف الموضوع ده كان فيه مشاركه عن صيانة موتور الاستارليت باسعار قطع الغيار (نصف عمره)

http://www.nilemotors.net/Nile/174564-a.html

[ohg]

الميكانيكى قال انها محتاجه موتور جديد لان مش هينفع يتعمله عمره
بالنسبة لموتور كورولا عيون فى ناس بتقول ينفع وناس قالت مينفعش .
هل يوجد موديل معين من الكورولا هو اللى يركب ولا ايه ؟
والاقيه فين بالظبط . ياريت تفيدنى وشكرا جزيلا

[pro_samir]

اللي متأكد منه موتور كورولا الملكه ، مش عارف بتاع العيون زيه ولا لأ لو زيه بنفس القواعد يبقي يركب عادي

المكان ممكن تسأل الناس بتوع اسكندريه لو حضرتك من دمنهور بس تلاقيه عموما عند بتوع الاستيراد وفي القاهره الحرفيين و الوكاله

بس يا ريت تتأكد انه مش نافع من ميكانيكي كويس لأن المواتير دي معمره ما شاء الله

[ohg]

يا باشا انا من دمنهور ومفيش مشكلة لو ودتها القاهرة . لانى ممكن الاقيه واجيبه هنا ويطلع ميركبش . بس لو اكيد انه الملكة يبقى هسأل عن النوع ده بالذات وربنا يسهل الحال لانى تعبت فى شغلى ومش لاقى حل
جزاك الله خيرا

[ohg]

لو حد عنده اى معلومة عن اى موتور تانى ياريت يقولى عنه . احتياطى عشان اسال عن الاتنين
وشكرا ليكم

[ohg]

الميكانيكى قال ان فى بستم مكسور وصباب معووج والصباب ده خرم حاجه بس مش فاكر اسمها كويس .
ده اللى قاله الميكانيكى معرفش دا معناه ايه . بس هو قال انه مينفعش يتعمله عمره عشان الحاجات دى .

[pro_samir]

هو سير الكاتينه اتقطع منك ولا ايه .. ده حتي سير الكاتينه مش بيعمل كل ده :(

بص هو طقم الصبابات بيتغير .. البساتم برضو بتتغير

انما ايه اللي اتخرم ده مش عارف ! الصباب مش بيخرم حاجه هو لو اتعوج ممكن يبوظ وش الموتور لأنه بيكون راكب في الوش .. يا ريت برضو تشوف ميكانيكي تاني تتأكد منه لأن ممكن تكون محتاج نصف موتور فقط وده في الوكاله بحوالي 500 جنيه كان زميل لينا سائل عليه

لو الموضوع أكيد موتور كامل اسعاره ال1000 سي سي كان حد بيقولي اشتراه ب 3200 جنيه ، و ال1600 كنت سائل عليه في الحرفيين بحوالي 4000:4500 بالفتيس والتكييف وكل حاجته سواء مانيوال او اوتوماتيك

واتعب شويه خد جوله في المنتدي القسم التعليمي و الورشه علشان تفهم الموتور مكوناته وطريقة عمله علشان تبقي فاهم وانت بتتعامل مع الناس دي

ربنا يعينك

[ohg]

طيب سؤال تانى كنت عايز اعرف لو العربيه كاربيراتير او انجكشن دي بتفرق في الموتور

[pro_samir]

هي كاربيراتير بس ده ملوش علاقه بالموتور اللي هتشتريه انت هتغيره كله علي بعضه يبقي كابيراتير أو انجكشن مش فارقه زي ما تحب

[ataeato]

باشا انا بالصدفه لقيت واحد هيجيلوا ماتور كامل للتويوتا استارلت كمان اسبوع من دلوقتي ... ممكن تكلموا 0115090380 بس ده موجود في القاهرة