Tweet
السلام عليكم
النهاردة الصبح وأنا بسخن العربية علشان كانت مركونة كام يوم قلت انظف الدواسة بسرعة ومن الدواسة قلت أمسح الفرس الجلد بتاع الأرضية .... وبمد إيدي علشان أمسح وببص تحت التابلوة عند الدواسات ومفيش تقفيل!
بمعني أخر في الدريكسيون وتحت الدريكسيون مكان تخزين صغير ولو الواحد نزل تحت شوية ممكن يشوف الدواسات كلها .... الشئ المحير إن فية بلاستيكتين (او بالبلدي ودنين ) وعليهم وردتين زي ما يكونوا مجهزين لجزأ أخر يركب عليهم!
طبعا أنا إتجنيت وإتعكننت اخر عكننة على الصبح .... وقلت حاجة من إتنين يا توكيل تويوتا في صيانة الألف إللي نسى يركب الجزأ دة بعد ما فكة ..يا إما توكيل الرزق لما روحتلهم وبهدلوا العربية!
المهم إتصلت بتويوتا مصر ورد عليا المهندس المختص بخدمة العملاء وإللي كان إستلم مني العربية والحمد لله إفتكرني علشان أنا كنت كتبت شكوى طوييييييلة في توكيل الرزق.... المهم سألتة إنتم بتعملوا إية في صيانة الألف؟ الراجل قالي كذا وكذا وكذا وبنركب فيوز الكمبيوتر تحت التابلوة! قلتله عندك! يبقى إللي كان بيركب نسى يركب الوش تاني .... قالي وش إية؟
وصفتلة بالظبط الموضوع وقالي مش متأكد إن الوش دة موجود أصلا في الياريس! قلتلة إزاي ؟ طيب ما تشوف الياريس إللي معروضوه عندكم وتتأكد! قالي والله عندك حق؟
أخد التليفون المحمول وانا معاة على الخط وراح شاف وقالي مش موجود.... ولو حضرتك مش واثق ممكن تشرفني وتشوف بنفسك!
معلش لكيت كتييير بس يا ريت إخواني او أخواتي أصحاب اليلريس يبصوا عندهم ويقولوللي لو نفس الشئ عندهم ولا لأ؟
سؤال تاني.... هو ترك الدواسات والمكان دة من غير غطاء صح ولا غلط؟
وشكرا
النهاردة الصبح وأنا بسخن العربية علشان كانت مركونة كام يوم قلت انظف الدواسة بسرعة ومن الدواسة قلت أمسح الفرس الجلد بتاع الأرضية .... وبمد إيدي علشان أمسح وببص تحت التابلوة عند الدواسات ومفيش تقفيل!
بمعني أخر في الدريكسيون وتحت الدريكسيون مكان تخزين صغير ولو الواحد نزل تحت شوية ممكن يشوف الدواسات كلها .... الشئ المحير إن فية بلاستيكتين (او بالبلدي ودنين ) وعليهم وردتين زي ما يكونوا مجهزين لجزأ أخر يركب عليهم!
طبعا أنا إتجنيت وإتعكننت اخر عكننة على الصبح .... وقلت حاجة من إتنين يا توكيل تويوتا في صيانة الألف إللي نسى يركب الجزأ دة بعد ما فكة ..يا إما توكيل الرزق لما روحتلهم وبهدلوا العربية!
المهم إتصلت بتويوتا مصر ورد عليا المهندس المختص بخدمة العملاء وإللي كان إستلم مني العربية والحمد لله إفتكرني علشان أنا كنت كتبت شكوى طوييييييلة في توكيل الرزق.... المهم سألتة إنتم بتعملوا إية في صيانة الألف؟ الراجل قالي كذا وكذا وكذا وبنركب فيوز الكمبيوتر تحت التابلوة! قلتله عندك! يبقى إللي كان بيركب نسى يركب الوش تاني .... قالي وش إية؟
وصفتلة بالظبط الموضوع وقالي مش متأكد إن الوش دة موجود أصلا في الياريس! قلتلة إزاي ؟ طيب ما تشوف الياريس إللي معروضوه عندكم وتتأكد! قالي والله عندك حق؟
أخد التليفون المحمول وانا معاة على الخط وراح شاف وقالي مش موجود.... ولو حضرتك مش واثق ممكن تشرفني وتشوف بنفسك!
معلش لكيت كتييير بس يا ريت إخواني او أخواتي أصحاب اليلريس يبصوا عندهم ويقولوللي لو نفس الشئ عندهم ولا لأ؟
سؤال تاني.... هو ترك الدواسات والمكان دة من غير غطاء صح ولا غلط؟
وشكرا
Comment