Tweet
السلام عليكم
أكيد مشكلة مش جديدة على أي حد معاة عربية جديدة او قديمة بس محافظ عليها.
حاجة من إتنين يا إما بتركن في مكان مزنوق وعاوز تطلع من العربية يقوم الباب محكوك في الحيطة او أي جدار جنبك ... طبعا الحل سهل بكاوتشة او بلاستيكة بتتركب على الباب علشان لو خبط ما يتجرحش.
العربية بتنزل بالبلاستيك ده فابريكة بس طبعا وأنا في توكيل تويوتا الرزق أخدوه والعربية طلعت من غيرة ... دلوقتي انا مركب كاوتشات صغيرة ورفيعة عند كل باب. مش نفس الكفاءة بس شغال.
الجزء الأهم وإللي هذة الكاوتشات مش بتحمية هو عندما تكون راكن جنب حد ويقوم سيادتة فاتتح الباب بمنتهى الغباء او الإستهتار ويقوم حاكك الباب بتاعك! والله حصلت وان قاعد جوة العربية في الجراج وواحد ركن جنبي وانا شايفة وقام فاتح الباب زي ال ..... وديب جرح الباب وإبتسامة غبية صفراء والسلام ومعلش! المهم لما رجعت الجراج لقيت في نفس المكان حكتين كمان زي ما يكون عملها تاني بغيظ لان بوية عربيتة كانت طالعة في الباب.
موقف تاني عند كارفور إسكندرية وتركن العربية وترجع تلاقي نفس الشئ لدرجة إني مرة طالع من الماركت لقيت واحد بيركن جنبي وديب حك الباب ولما شافني جاي فضل قاعد في العربية وإداني ظهرة ولا كأن حاجة حصلت! طب أعمل إية؟
لية بقت الامبالاة عند الناس لهذا الحد؟ لية مش بنحافظ على ممتلكات الغير ؟ لية الناس مش بتعامل الواحد زي ما هو بيعمل ؟ دة انا بكون حريييص جدا لما افتح الباب علشان لا أسبب الأذى لأحد!
المهم مش حغير الكون ولا طبيعة البشر .... سؤالي بقى أحمي نفسي وعربيتي إزاي من هذة الخرابيش المؤذية؟؟؟؟
في شريط لاصق إسود وفية خط فضي بيتباع أعتقد ب 10 جنية المتر وفي ناس بتحطة على اللإطصدامات بس هل ينفع أحطة على الأبواب كمان؟ مش حيبوظ شكل العربية ولا هي كدة كدة بايظة؟ الشريط دة في منة علية علامة لانسر ولانوس بس مفيش للياريس ... ولا إية؟
في عربيات بينزل فية العوارض دية على الأبواب زي الكليو والكورولا 2007 والأوكتافيا وأعتقد الفرنا؟ مش ممكن الواحد يشتريها ويرشها ويركبها على عربيتة؟ تمنها كام؟ وهل بتأثر على طلاء العربية؟
برجاء النصيحة يا أهل الخير.... العربية جديدة والأبواب بتتبهدل كل يوم في الجراج... طب أركنها فين ؟ في حضني او جنبي في المكتب! الرحمة يا رب.
وشكرا
أكيد مشكلة مش جديدة على أي حد معاة عربية جديدة او قديمة بس محافظ عليها.
حاجة من إتنين يا إما بتركن في مكان مزنوق وعاوز تطلع من العربية يقوم الباب محكوك في الحيطة او أي جدار جنبك ... طبعا الحل سهل بكاوتشة او بلاستيكة بتتركب على الباب علشان لو خبط ما يتجرحش.
العربية بتنزل بالبلاستيك ده فابريكة بس طبعا وأنا في توكيل تويوتا الرزق أخدوه والعربية طلعت من غيرة ... دلوقتي انا مركب كاوتشات صغيرة ورفيعة عند كل باب. مش نفس الكفاءة بس شغال.
الجزء الأهم وإللي هذة الكاوتشات مش بتحمية هو عندما تكون راكن جنب حد ويقوم سيادتة فاتتح الباب بمنتهى الغباء او الإستهتار ويقوم حاكك الباب بتاعك! والله حصلت وان قاعد جوة العربية في الجراج وواحد ركن جنبي وانا شايفة وقام فاتح الباب زي ال ..... وديب جرح الباب وإبتسامة غبية صفراء والسلام ومعلش! المهم لما رجعت الجراج لقيت في نفس المكان حكتين كمان زي ما يكون عملها تاني بغيظ لان بوية عربيتة كانت طالعة في الباب.
موقف تاني عند كارفور إسكندرية وتركن العربية وترجع تلاقي نفس الشئ لدرجة إني مرة طالع من الماركت لقيت واحد بيركن جنبي وديب حك الباب ولما شافني جاي فضل قاعد في العربية وإداني ظهرة ولا كأن حاجة حصلت! طب أعمل إية؟
لية بقت الامبالاة عند الناس لهذا الحد؟ لية مش بنحافظ على ممتلكات الغير ؟ لية الناس مش بتعامل الواحد زي ما هو بيعمل ؟ دة انا بكون حريييص جدا لما افتح الباب علشان لا أسبب الأذى لأحد!
المهم مش حغير الكون ولا طبيعة البشر .... سؤالي بقى أحمي نفسي وعربيتي إزاي من هذة الخرابيش المؤذية؟؟؟؟
في شريط لاصق إسود وفية خط فضي بيتباع أعتقد ب 10 جنية المتر وفي ناس بتحطة على اللإطصدامات بس هل ينفع أحطة على الأبواب كمان؟ مش حيبوظ شكل العربية ولا هي كدة كدة بايظة؟ الشريط دة في منة علية علامة لانسر ولانوس بس مفيش للياريس ... ولا إية؟
في عربيات بينزل فية العوارض دية على الأبواب زي الكليو والكورولا 2007 والأوكتافيا وأعتقد الفرنا؟ مش ممكن الواحد يشتريها ويرشها ويركبها على عربيتة؟ تمنها كام؟ وهل بتأثر على طلاء العربية؟
برجاء النصيحة يا أهل الخير.... العربية جديدة والأبواب بتتبهدل كل يوم في الجراج... طب أركنها فين ؟ في حضني او جنبي في المكتب! الرحمة يا رب.
وشكرا
Comment