ما هو تقييمك للسيارة كورولا 2008 الجنوب افريقى؟

[Sharky]

حضرتك الكلام دا من ملاك العربية إللى فى المنتدى و زميلنا أحمد سامى إللى جرب العربية و من واحد صاحبى مشارك فى مركز صيانة لتويوتا .

على فكرة الفتيس مش بينتش دا بيعلق كمان يعنى بيوصل إنه مابينقلش النقلة إللى بعده إلى لما تنقل للمانيوال و دا ما بيحصلش فى الميجان و الأوكتافيا و البيجو و لا فى أى عربية تيب ترونيك
على فكرة دا برضه من ملاك الكرولا لدرجة إنهم عملوا شكوى لتويوتا بره علشان يشوفوا حل للمشكلة دى لإن تويوتا مصر ماعندهومش حل ليها حتى الان

[Mustafa_Farouk]

ربنا معاكو في كل الحاجات دي وإن شاء الله يكون في حل . بس على ماعتقد إن عدم التعود على العربية
أو الفتيس يمكن بعد ١٠٠٠ تتذبت إسأل الناس اللي سيقه في الشارع عشان ممكن العيب في الكام عربية الممتللكه لرواد المنتدى ، الكلام دة من وجهت نظري. عشان نعرف دي حالة فرديه ولا عامة ؟؟

[Sharky]

دى يا مصطفى حالة عامة فى الكرولا و التوكيل عارف كده على لسان أحد ملاكها فى المنتدى

[qwertyqwerty]

طيب اخبار الكورولا النقل المانيول ايه.
سعرها 130 الف وبها كماليات كثير.....
هل سيكون سعر اعادة البيع جيد مثل الاوتوماتيك.
ما هو رأيكم................

[Omarmax]

سعر اعادة البيع للمانيويل

اعتقد ان الاتوماتيك هو الى مطلوب فى الاساس ولو عملت استطلاع حتلاقى ان اكثر من 85% من الكورولا فى مصر اتوماتيك
تحياتى......يا باشا.......وانا اتصلت بتويوتا فى مصر و قالو لى ان الحجز الان ممكن الواحد يستلم بعد شهر ونصف......ولازم أخذ القرار الان لان الوقت ضيق لحين سفرى الى مصر
عمر

[magnooon]

السلام عليكم
اولا احب اني اوضح اني من اول 20 لملاك كورولا 2008 الكاملة في مصر وده كان في الافراج الجمركي لشهر 1
اولا: بالنسبة لسحب العربية ممتاز جدا جدا ويفوق ااي العربية
ثانيا:بلنسبة لتعليق الفتيس علي الاول وعدم انتقاله للثاني بسهولة عانيت من الموضوع ده فتره لحد ما لقيت طريقة
لما بيعلق معايا علي اي غيار اديله غيار اعلي من الشفتات اللي ورا الدريكسيون وانا علي ال E الاتوماتيك يعني مش لازم احول علي مانيوال وده علي فكرة يمكن لاني اساس الفتيس مانيوال
وتغيير الغيار وانت اتوماتيك من الشفتات اللي ورا الدريكسيون مكتوبة في الكتالوج
ثالثا:في مشكلة عندي بس مش عارف اذا كانت عند حد تاني
في بعض الاحيان لما اجي ارجع R
ساعات بيجي علي طول وساعات لما اجيب الr بيعلق والشاشة عندي تكتبn وتقعد تنور وطفي وتقعد تصفر لمدة ثواني وبعدين تجيب ال R
رجاء الافادة وشكرا

[amramr]

توضيح بسيط للاخوه الكرام اللي قالو ان الكورولا 2008الخليجي مش ياباني. لأ هي ياباني 100% وانا شايفها في التوكيل بنفسي .Made in Japan

[Ahmad Allawy]

طيب هل معلومة ان اصل الفتيس مانيوال دي مؤكده يا جماعه..؟؟
انا كنت حابب اعرف معلومات اكتر..
علشان لو كده.. يبقي التعليقات اللي حاصلة دي من الناس زيها بالظبط زي التعليقات اللي اثيرت من الناس اللي جربوا الاوبل استرا الجديدة.. (واخد بالك يا مصطفي فاروق؟؟..)
وقالوا ان الفتيس بتاعها بيتأخر و بينتش و الكلام الكتير ده..
وكل الكلام ده طلع نتيجة ان الفتيس ده مش فتيس اوتوماتيك.. ده فتيس مانيوال بس اوتوماتيك في النقل بس..
لو امكن بس ممكن اي حد من الناس اللي معاهم العربية يقولي الفتيس بتاعها الاوتو الجديد ده اسمه ايه بالظبط,, و ندور علي الموضوع ع النت و نعرف القصة بتاعته ايه..

[qwertyqwerty]

The Name Is 'mmt'
Let Us Know What You Have Found.
Regards,

[qwertyqwerty]

ارجو الاطلاع على التقرير التالى حول مصنع كورولا فى جنوب افريقيا:

http://www.akhbarelyom.org.eg/sayarat/issues/122/0111.html

[Kisho]

أستاد qwertyqwerty

ياريت تقولى قصدك ايه ؟؟؟؟؟؟

[qwertyqwerty]

ناقل الحركة فى الكورولا

Mr. Kisho,
The name of the new Auto gear in the Corolla is:
MMT gear.

اسم ناقل الحركة الجديد فى الكورولا هو MMT
لمن يهمه الامر

[ramyayash]

صحبي معاه خليجي كامله ب155 الف
اداء عالي وثبات
انما خامات ودواخل عاديه
التكييف قوي
الاستهلاك عالي
عربيه حلوه
بس لو معايا تمنها هجيب مازدا 3

[ramyayash]

او اجيب سيفيك الجديده
ب153

[Ahmad Allawy]

qwertyqwerty بك..
بخصوص موضوع الفتيس ام ام تي..
انا ملقيتش حاجة رسمي بتتكلم عن طريقة عمل الفتيس ده..
ولا حتي علي ويكيبيديا ولا حاجة..
المهم لقيت في اكتر من منتدي لمالكي السيارة تويوتا عموما باكتر من موديل فيهم فتيس من النوع ده..
ان في ناس منهم سألت في توكيلات تويوتا.. و كانت النتيجة كالتالي..
ان الفتيس ده مش فتيس اوتوماتيك..
ده فتيس مانيوال عادل و لكن النقل نفسه بيتم بطريقة اليكترونية بيتحكم فيها الكومبيوتر بتاع العربية او الكونترول يونيت يعني.. (الموضوع مشابه جدا او تنفيذ لنفس فكرة الفتيس الايزيترونيك اللي موجود في عربيات جنرال موتورز.. اوبل استرا و اوبل كورسا في اوروبا.. و بعض موديلات شيفروليه..)
و المشكلة دي في طريقها للحل عن طريق تعديل بسيط في السوفت وير ..(ده نقلا عن عضو المنتدي نقلا علي لسان المهندس المختص في فرع التوكيل)
واكيد لو وصلت لمعلومات اكتر هاقول لحضراتكم..