زيت فتيس mmt

[moosaleh]

كنت فى التوكيل اليوم للكشف المجانى ومهندس الصيانه بعد الكشف قالى يفضل تغيير زيت الجير بوكس قولتلو معلش يعنى ايه يفضل هو مش فى جدول للصيانه قالى اه فعلا انت قدماك لسه عشرين الف كيلو بس لو عاوز نعومه بين النقلات يبقى يفضل تغيره فى اقرب فرصه .
انا بقى عاوز اعرف ده اسميه ايه هل هو عنده حق ولا ده تكملة مسلسل النصب لانى اول تعامل مع تويوتا وانا بشترى العربيه حسيت انهم نصابين وبيشتغلوا اي حد حتى لو فاهم وبغابئهم بيقعوا يعنى كمثال البائع وقتها كان بيقولى العربيه دى وزنها 1800 كجم حتى بص على القايم مكتوب عليه ازاى قولتلوه اه فعلا بس ده بالركاب يا باشا هو حضرتك بتشتغلنى طبعا ابتسم وقالى والله معقوله انا بقى اللى ماكونتش واخد بالى وادعى الجهل وليس الكذب (شكرا لوكيل تويوتا المحترم) .

[midnightman_74]

كنت فى التوكيل اليوم للكشف المجانى ومهندس الصيانه بعد الكشف قالى يفضل تغيير زيت الجير بوكس قولتلو معلش يعنى ايه يفضل هو مش فى جدول للصيانه قالى اه فعلا انت قدماك لسه عشرين الف كيلو بس لو عاوز نعومه بين النقلات يبقى يفضل تغيره فى اقرب فرصه .
انا بقى عاوز اعرف ده اسميه ايه هل هو عنده حق ولا ده تكملة مسلسل النصب لانى اول تعامل مع تويوتا وانا بشترى العربيه حسيت انهم نصابين وبيشتغلوا اي حد حتى لو فاهم وبغابئهم بيقعوا يعنى كمثال البائع وقتها كان بيقولى العربيه دى وزنها 1800 كجم حتى بص على القايم مكتوب عليه ازاى قولتلوه اه فعلا بس ده بالركاب يا باشا هو حضرتك بتشتغلنى طبعا ابتسم وقالى والله معقوله انا بقى اللى ماكونتش واخد بالى وادعى الجهل وليس الكذب (شكرا لوكيل تويوتا المحترم) .

العربية عاملة كام كيلو؟؟

[moosaleh]

العربية عاملة كام كيلو؟؟

العربيه عامله 22 الف كلم

[asemx1]

ههههههههههه حراميه وهيفضلوا طول عمرهم حراميه

ماتغيرش حاجه يا عم سيب الجير بوكس كله متقفل وماتفتحش فيه غيرك فتح فيه وندم

حتى ما تغيرش الى عايزين يغيروه دا الدبرياج والكمبيوتر علشان مش بتفرق بل بالعكس بيبهدلوا العربيه جامد

[medododo]

أوعي تغير حاجة
وخصوصا مياه الراديتير

[massoh]

أوعى تغير حاجة (خصوصا مياه الردياتير) ونصيحة ارجع لكتيب السيارة فيه بعض الطرازات بيحطوا جدول الكشف والتغيير ولو مش موجود دور على النت ......اهم حاجة تبقى عارفها ان سيارات تويوتا من بعد 2004 وخصوصا الحديث منها وده بقى عندنا فى مصر بيجى بحاجات معمرة ولا تحتاج لتغيير _مجرد كشف ليس الأ_ والتوكيل يستهبل ويغيير سواء عن قصد او جهل بالحاجات الجديدة وعذرهم اصل انت فى مصر الحر والتراب هاهاها احنا مختلفين طبعا بس تويوتا مش بتنزل الحاجات دى حسب مواصفات كل بلد دى حاجات واخذة عليها اختراعات وبتنزل قيياسية فى كل موديلتها علشان تحافظ على اسم الإعتمادية وطول فترة الصيانة وبالتالى رضاء العميل وولاؤه - بس احنا فى مصر ما عرفوناش وممكن معرفوش التوكيل الكلام ده وهنا يجى دور كل واحد يعلم نفسه بنفسه واحنا هنا نتبادل الخبرات(((( ( مثال الحاجات المعمرة : البوجيهات نوعان ودلوقتى معظم اللى بينزل بلاتينيوم تقعد 100 الف كيلو - مياه الردياتير 150الف كيلو او سبع سنيين - فلتر البنزين وده مهم جدا معمر برضه بس مش فاكر قد ايه ولو حتى قالوا لك انت عارف بنزين مصر عامل ازاى : اهم حاجة انك ما تسحبش بنزين من اخر التانك يعنى مون بنزين قبل ما المؤشر ينور ويستحسن عند الثلث) واهم حاجة تسجيل فى امر التشغيل ما تريد تغييره بالضبط لضمان حقك يعنى من الآخر تروح التوكيل للتربيط وللكشف وتغيير الحاجات المعتادة حتى فلتر هوا ممكن تغيره انت بس اشتريه من عندهم . ده انا اكتشفت انى موهوم انهم بيحطوا العربية على جهاز القراءة علشان يكشف على ُeuc ويشوف مضبوط ولا لأ طبعان لا اخيرا التوكيل محتاج تكون مصحصح له وفى الآخر ما ينفعش تستغنى عنهحتى فى الحاجات الهايفة (على الأقل لغاية الضمان ما يخلص)

[rahmanboud]

إشتغاله طبعا إوعى تغير حاجة

[hazimtahaz88]

انا عملت الكشف المجاني امبارح......ولقيت عندي مية الرديتير ناقصه ...ومحتاجه تتزود.....وكمان مساعد شمال عايز يتغير والعربيه في الضمان......هوا المية لما بتنقص ده مش طبيعي...هيه تحت lowبشويه...مع مراعه العربيه بقلها سنه وماشية 29الف؟؟؟؟؟

[massoh]

انا عملت الكشف المجاني امبارح......ولقيت عندي مية الرديتير ناقصه ...ومحتاجه تتزود.....وكمان مساعد شمال عايز يتغير والعربيه في الضمان......هوا المية لما بتنقص ده مش طبيعي...هيه تحت lowبشويه...مع مراعه العربيه بقلها سنه وماشية 29الف؟؟؟؟؟

هى كانت تحت الlow والمحرك سخن ؟....قياس المياه لازم يكون على البارد يعنى اول حاجة على الصبح قبل ما تشغل الموتور وعلى ارض مستوية طبعا..هما كشفوا على المياه وقالوا لك ولا انت اللى كنت ملاحظ ده من الأول ؟ سؤال خبيث شوية هاهاها ..موديل 2009 يعنى مفروض فيها سائل تويوتا طويل العمر نوع SLLC ارجع إلى اللستكر ملزوق على الكبوت او دليل المستخدم عندك وده مزيج 50/50 من المياه المقطرة ومجموعة مواد كيماوية تخليقة (الخالق هو الله) ضد الصدأ والتبخر والتجمد ودرجة غليان عالية وبدون املاح وبوتاسيوم وحاجات كتير قوى للحفاظ على الموتور ودورة التبريد فى السيارات التويوتا والمادة الأساسية من ضمنها ethylene glycol من الآخر المياه دى مفروض مش بتنقص ولا تتبخر ونقطة اللغليان بتاعتها عالية وتحافظ على الجوانات وطرمبة المياة وحاجات تانية كثير....المفروض انك قبل ما تزود تفحص سبب النقصان لو فيه تسريب..جايز الطبة محتاجة تربيط مثلا او غطاء الردياتير مش مقفول حلو او بينفس!!!!...الطبيعى ان المياه دى اول سنه لا تنقص هو لونها يغمق درجة ده لانها دخلت دورة التبريد مش عيب يعنى انا قعدت 3 سنوات بكرولا 2003-2006 وكمان افنسيس 2006-2011 والاثنين ما نقصوش الهوا
ودلوقتى السؤال المهم : عملت ايه وهما فى التوكيل عملوا ايه؟؟؟؟؟
...يا رب يكونوا زودوا مياه مقطرة بس لان هو ده الحل السليم هو يقلل نسبة 50% تركيز بس ده احسن حل لان المياه دى مفروض تقعد 160 الف/7سنيين مع المتابعة والفحص الجيد خصوصا فحص ال PH لمتابعة ان السائل لم يتأكسد وفقد فاعليته ....واكرر لابد من المتابعة...اول حاجة تعملها بكرة الصبح وارجوك ارجوك تطمنا

بالنسبة للمساعد شمال قدم ولا ورا ؟ وانت بتحمل عليها كثير يعنى ولا ايه ونوعيه الشوارع اللى مشيت 29الف عليها اسفلت ولا مدقات ولا ايه؟ ونوع المساعد ايه (زيت ولا هوا - وهل شرح لك التوكيل سبب التغيير هل هو بيرشح زيت ولا واخذ مطب ولا عنده وعكة صحية ايه ) محتاجين حد فى المنتدى يقولنا رأيه ايه وهل دى إشتغاله من التوكيل ولا ايه؟؟؟؟

[hazimtahaz88]

اولا اشكرك على التوضيح التفصيلي المفيد ده بجد يا فندم

الحكايه بقى اني رحت اعمل الفحص المجاني بتعهم ده..وبامره كان لوك الحزام بتاع السواق عندي معلق فغيرته..(ضمان طبعا)...هوا فعلا انا شفته امبارح بليل قبل ما انزل والعربيه بارده خالص وارض مستوية ...فعلا نازل شوية عن low زي ما قلت لحضرتك يعني.....وقلي محتاج فلتر تكيف ومحتاج مساعد امامي شمال وكالبر امامي شمال برده بتاع الفارامل وتيل خلفي.....تخيل؟؟؟
ده الي طلع في الكشف يعني....بالنسبه للكالبر والمساعد الاستاذه الي هناك (طبعا مش مهندسه خالص) بتقولي انا هطلبهملك علشان مش موجودين عندنا...وهتغيرهم في الضمان (الكالبر الامامي والمساعد الشمال الامامي) بس ولما اروح ساعتها عايز اعرف من حضرتك....انا لغايه دلوقتي الحمد لله عمري ما غيرت تيل ...بس مش غريبه ان التيل الخلفي هوا الي يخلص قبل الامامي.....وبالنسبه لطبيعه الطرق....انا الى حد ما الطرق كلها ازفلت العادي...(طبع اعمل حساب الحفر والمبات الغريبه بتاعت مصر يعني :D ) وطبعا ما وضحتليش هما بيضين ملهم ولا فيهم ايه...كل الي قالتوهلي اننا هنبعت نجبهم وهنغيرهملك على الضمان..؟؟؟؟ بس انا المساعد عمري ما سمعتله صوت او حاسيت بحاجه غريبه عند المطبات او على الطريق مثلا...بس مش مشكله ادام على حسبهم يبقى يتغير طبعاا؟؟؟؟ انا عايز حضرتك بس تسعدني ...اعمل ايه في الميه دي؟؟؟؟ وثانيا التيل؟؟؟ اغيروا في التوكيل ولا في انواع بره احسن...مع العلم ان الامامي اكيد جي في السكه يعني؟؟؟

واسف للاطاله..بس انت ربنا بعتك ليا من السماء

[hazimtahaz88]

راي حضرتك اني ازود الشوية دول ميه مقطرين انا....ممكن اعملها بره طيب ؟؟؟ولا استنى لغايه ما روح وانا بغير القطع التانيه؟؟؟


بالنسبه للمساعدين..انا ما بحملش على العربيه خالص...بس ممكن يكون مطب مثلا...والله اعلم

[massoh]

اولا اشكرك على التوضيح التفصيلي المفيد ده بجد يا فندم
انا فى الخدمة....كنت كتبت لك رد كامل شامل وفى اثناء المعاينة طار يا خسارة انا حرد تانى بس بأختصار

الحكايه بقى اني رحت اعمل الفحص المجاني بتعهم ده..وبامره كان لوك الحزام بتاع السواق عندي معلق فغيرته..(ضمان طبعا)...هوا فعلا انا شفته امبارح بليل قبل ما انزل والعربيه بارده خالص وارض مستوية ...فعلا نازل شوية عن low زي ما قلت لحضرتك يعني
سيادتك تزود بنفسك بمياه مقطرة (الصبح بادرى قبل ما تدور الموتور وعلى ارض مستوية) المستوى المطلوب بين علامتى full - low لا تملئ لغاية الfull علشان تسيب المياه تتمدد براحتها داخل القربة وبعدين دور وتانى يوم اكشف ويمكن تحتاج تزود شوية كمان - لو بتستخدم التسخين فى المقصورة فى الشتاء لازم تعمل حساب المياه بتاعتها : بعد التزويد اول مرة شغل الموتور للتسخين وحول زر الحرارة فى التكييف الى السخن وشغل المروحة وزر الac لمدة 3 دقائق (افتح الشبابيك واستحمل الحر الإجبارى ده) وبعدين انظر لمستوى القربة
.....وقلي محتاج فلتر تكيف حسب نوعية الطرق اللى بتمشى عليها والجو المحيط يعنى لو مدقات او شوارع مرملة او جو مرمل يبقى غير بدرى ... بس ممكن قبل التغيير يتم التنظيف (وده كمان لفلتر الهوا بالمحرك) بهوا مضغوط كل 3 اشهر علشان جو مصر المحروسة والتلوث خصوصا مع الخماسيين الجميلة

ومحتاج مساعد امامي شمال وكالبر امامي شمال برده بتاع الفارامل وتيل خلفي.....تخيل؟؟؟
المساعد امامى على حسب معلوماتى المساعدين بيتغيروا سوا افضل (زى حالة تغيير الكاوتش)
سؤال خبيث شوية (ابعد يا شطان ابعد يا شطان) هما كشفوا على المساعدين ازاى بالنظر ولا اجهزة؟ والتغيير فى الضمان شامل قطع الغيار والعمالة والفك والتركيب وعمل ضبط زوايا ولا اهيه؟؟؟؟
التيل الخلفى قرأت عنه بالمنتدى عيب صناعة (عيب جودة التيل وبيبوظ الطنابير) مطلوب منك البحث عن الموضوع ده بالمنتدى للإستفادة من خبرات الأخوة بالمنتدى....مطلوب منك التأكيد على التوكيل تغيير التيل الخلفى والأمامى والكشف على الطنابير وكتابة ذلك فى امر التشغيل وتأخذ منه صورة قبل ما يأخذوه منك عند استلام سيارتك

ده الي طلع في الكشف يعني....بالنسبه للكالبر والمساعد الاستاذه الي هناك
(طبعا مش مهندسه خالص)
حضرتك قرأت مواضيعى فى تقييم اداء التوكيل / احذروا الاعيب التوكيل......هاهاهاها الهانم دى ازاى لسه قاعدة فى مكانها ده انا لو مش شخص محترم وبامسك نفسى فى تعاملاتى كان زمانى عملت عليها فرح...اكيد ماحدش قدم شكواه فيها بالطريقة السليمة (انا قدمت الشكوى لمديرها لازم بقى رماها) احسن حل نقدم شكواى مكتوبة وتسلم لإدارة العلاقات العامة (كل حسب مشكلته معاها) لان حتى الأتصال وتقديم شكوى على الرقم المختصر بتاعهم ما بتعملش حاجة....
انا رأى ان توكيل تويوتا كان من افضل ويجوز لسه برضه من افضل التوكيلات وان نسبة الشكاوى للسيارات فى الصيانة لإجمالى عدد السيارات التى تم عليها الصيانة قد تكون نسبة قليلة بس تؤثر فى درجة ثقة العميل فى السيارة ودرجة ولاءه للشركة والشركة اصلا تمر بمشكلة كبيرة جدا فى البيع وبدلا من محاولة تصليحها بتقوم بالتركيز فى زيادة الصيانة علشان الآرباح ماتقلش


بتقولي انا هطلبهملك علشان مش موجودين عندنا...وهتغيرهم في الضمان (الكالبر الامامي ما هو الكالبر؟ والمساعد الشمال الامامي الشمال واليمين + تيل الفرامل الأمامى والخلفى) مطلوب مستند او تقابل حد مدير (العباسية) بالدور الثانى يؤكد لك هذا الكلام وانه تم طلبه فعلا ومنتظر استلامه بتاريخ كذا (والتأكيد معه التغيير بالضمان شامل قطع غيار + فك وضبط وتركيب والتأكيد انك تمشى بالسيارة بهذه الحالة ام لا ) انا لا اثق فى هذه البنى ادمه بس ولما اروح ساعتها عايز اعرف من حضرتك....انا لغايه دلوقتي الحمد لله عمري ما غيرت تيل ...بس مش غريبه ان التيل الخلفي هوا الي يخلص قبل الامامي... حسب معلوماتى وتجربتى العملية 21 عام سواقة ان التيل الخلفى عمره ضعف التيل الأمامى وهى المشكلة عندك ان فيه عيب فى جودة التيل المركب فى الكورولا الجنوب افريقى طبقا لكلام الأخوة بالمنتدى ضرور ابحث عن مناقشتهم فى هذا الموضوع علشان يكون عندك خلفية كافية على الموضوع لان رأى تغير الأمامى والخلفى فى الضمان)
..وبالنسبه لطبيعه الطرق....انا الى حد ما الطرق كلها ازفلت العادي...(طبع اعمل حساب الحفر والمبات الغريبه بتاعت مصر يعني :d ) وطبعا ما وضحتليش هما بيضين ملهم ولا فيهم ايه...كل الي قالتوهلي اننا هنبعت نجبهم وهنغيرهملك على الضمان..؟؟؟؟ بس انا المساعد عمري ما سمعتله صوت او حاسيت بحاجه غريبه عند المطبات او على الطريق مثلا...بس مش مشكله ادام على حسبهم يبقى يتغير طبعاا؟؟؟؟ انا عايز حضرتك بس تسعدني ...اعمل ايه في الميه زود بمياه مقطرة مع اتباع الطرق السليمة لتزويد المياه ويفضل وهى باردة الصبح على ارض مستوية وثانيا التيل؟؟؟ اغيروا في التوكيل التيل فى التوكيل وعلى حسابهم وامامى وخلفى ولا في انواع بره احسن...مع العلم ان الامامي اكيد جي في السكه يعني؟؟؟

واسف للاطاله..بس انت ربنا بعتك ليا من السماء

انا دايمان فى الخدمة وعلى فكرة فى خبرات واراء حلوة جدا فى المنتدى واكيد احسن من رأى... بس الرأى الأول والأخير لك انت...انت اكثر واحد ادرى بموضوعك ولازم تسمع الرأى المكتوب لك وتدرسة كويس بعقلك وحكمتك انت وعندك كتيب المستخدم للسيارة والبحث بالمنتدى....وبالتوفيق وفى انتظار ردك

اسف هذه المرة لن اراجع ما كتبته احسن يضيع زى اللى قبله وبالتوفيق ان شاء الله

[hazimtahaz88]

معلش يا باشا انا تاعب حضرتك على الاخر والله )

ما اعتقدش انهم كشفوا على المسعدين باي جهازم مجرد النظر يعني....واعتقد انه لما بيكون في تغير اي حاجه تبع الضمان مابيبقاش في اي رسوم خالص..(انا غيرت الكلس وغيرت لوك الحزام ) قبل كده وماخدوش مصنعيه يعني والكلام ده


اوك انشاء الله هروح اجيب النهرده مية مقطرة واعملها انا.....
بس التيل اكيد هيعدوا يقولوا ده استهلاك مش عيب صناعه والكلام الفاضي بتعهم ده...( تخيل الانسه بقولها انا 3 مره اكلمكوا على الصفاره مع الفارمل وبتكشوفوا وتقوليلي نضفنا التيل بس وهوا كويس مش محتاج يتغير) ترد الانسه تقولي لا لا الصفاره ده شي طبيعي في العربيه...طبعا نرفزتني الكلمه دي ولما هبيت فيا راحت قلتلي حاضر حاضر هخليهم يكشفوا عليها ولو في حاجه محتاجه تتغير هنغيرهالك...وطبعا انسى

انا المشكله المره الي فاتت كنت مستعجل ومش فاضلهم...بس المرا الجيه يا انا يا هما بقى علشانا ان اتخنقت منها



انا بكرة الصبح هكلم قطع الغيار واشوف الاجات دي موجوده ولا لا...علشان الوك ده قلي المهندس قبل كده انه مش موجود عندنا ولما يجي هنكلمك...بعديها كنت رايح اشتري فلتر زيت وهوا بالصدفه بساله في الوك عندك قلي اه موجود...طيب ده بيج؟؟ قلي اه بيج ؟؟قلتله امال البني ادم الي جوا ده بيقول ما فيش ليه..وهكذا


انشاء الله افضى بس شوية وهكلم قطع الغيار وارحلهم لو الحاجات موجوده

بس ما اعتقدش انهم هغيروا المساعدين الاتين مع بعض....على فكرة انا بحافظ على العربيه على قد ما اقدر....والمطبات بالراحه خالص..بس احينا طبعا انت عارف الحفر المفجاه وانت ماشي بسرعه بقى وكده يمكن ده السبب
انشاء الله ابقى اقولك ايه الي حصل معايا
والف شكر لاهتمامك ده بجد

[hazimtahaz88]

الكالبر ده حاجه في الفرامل (تقريبا كده والله اعلم ده الي بيبقى مسؤول عند ضم التيل على الطانبير عند الفرملة) وياريت لو حد في المنتدى يفدنا اكتر لو يعرفوا ايه وظفتوا ...وبكم وكده.؟؟

[احمد فهمى]

توكيلات دول والا ورش فى الشارع؟؟