يا جماعه ارجوكوا عايز حد يكلمني عن اللاند كروزر,,

[Mosso]

الف شكر يا شيكو باشا,, يشرفني اهتمامك و على فكره في لاند روفر كتير معروضه و ديزل و سعرها كويس بس معرفش الحاله و مشكلتها لو اتخدشت شوف هصلحها بكام,
استاذ وليد عادل اشكرك على النصيحه و انا بجد هفكر في الايسوزو و الميتسوبيشي دول
بس هي حوار النقل دي مشكره بصراحه لان انا كل يوم طريقي محور و بيتي قدام كوبري 6 اكتوبر و هو الي بيوصلني بالبلد كلها :D
استاذ كريم منير شكرا على الافاده و هحاول اروح اتفرج عليها,
استاذ سامح شكرا لرايك,
استاذ bee طيب ايه العربيات اللوط دي و كمان ايه اخبار صيانتها و مواتيرها بتبقى ايه؟؟؟
و هل هي بتاعة شغل بجد؟؟
و شكلها هيكون قيّم يعني ؟؟
و استاذ ابو عبدالله الف شكر على الاجابه بس انا كده خلاص هبعد عن اي حاجه بنزين
اللتر بقى ب 1.85 :S
ارجوكو يا جماعه شيلو اي افكار عن البنزين خالص :D
انا نفسي اكوّن نفسي شوفولي ديزل ارجوكوا :D

[Chicco]

الف شكر يا شيكو باشا,, يشرفني اهتمامك و على فكره في لاند روفر كتير معروضه و ديزل و سعرها كويس بس معرفش الحاله و مشكلتها لو اتخدشت شوف هصلحها بكام

طبعا يا باشا الكلام بتاعي ده كان قبل الخبر المنيل بتاع البنزين .......بكل صراحة أقدر أقول لك ...انسى يا عمرو :D
مفيش حل غير الديزل النص نقل.... و يا سلام لو تعرف تتصرف في موضوع الرخصة
حكاية العربيات العمولة ديه مش مستريح ليها خالص و إنت أصلا واضح انك حتستخدمها في مدقات و طرق وعرة
Safety comes first يا سنسيه :)

[Mosso]

يا شيكو باشا انا مؤيد و بشده لكلامك زي مانا مؤيد للياباني بالظبط :d
ربنا يسهل انا كده شلت من دماغي موضوع البنزين ده بنسبة 99%
و ربنا يسهل انا ان شاء الله هروح اتفرج على الحاجات النص نقل دي
و اتنازل شويه في حوار النقل ده
و ربنا يسهل

[Chicco]

على بركة الله يا سنسيه ربنا يوفقك إن شاء الله و قولنا حترسى على إيه :)

[WalidAdel]

ياشباب اللي ليه ظهر مابضريش علي بطنه ولا ايه
و الجنيه غلب الكرنيه اصلاً

[Mosso]

صحيح هو ايه نظام الرسوم و الضرايب على الديزل
حتتحاسب برده بالسعه اللتريه (خراب ديار برده )
ولا ليها حسبة تانيه؟؟؟
و لو هجيب حاجه نقل بيك اب ايه نظامهم برده في الرسوم؟؟

[WalidAdel]

ظن لو عندك سجل تجاري تجبها باسم الشركه حيبقي الموقف احسن من ناحية المرور و مش حتبقي محتاج رخصه مهنيه علشان تسوقها الرخصه الخاصه حتؤدي الغرض غير كده انا معرفش حاجه تانيه

[Mosso]

طب انا معنديش شركه !
مش هينفع اجيب بيك اب برخصة نقل؟؟؟
و عايز اعرف كمان ايه النظام في الرسوم الجديده بالنسبه للنقل؟
و لو جبت عربيه 4x4 ديزل هتهاسب ازاي في الرسوم؟؟؟؟

[WalidAdel]

لو معندكش شركه مش عارف بس حفتي و اقولك انك لازم تطلع رخصه مهنية علشان تسوقها و بخصوص الرسوم بقي مش حفتي بس حقولك معرفش اي حاجه عن الموضوع ده أصلاً

[Chicco]

الموضوع ده أنا مستني نتايجه بفارغ الصبر .....موسو سنسيه ما تنساش تقول لأخوك الحوافريتو لو وصلت لحاجة :)

[Mosso]

يعني ايه حوافريتو يا اكسلانس :d
هو صحيح يا شيكو باشا ,
هو الاستاذ فادي فين عشان يفيدنا في الموضوع ده؟؟
اعتقد انه هيكون تعليقه كالآتي :
" ترخيص النقل هو نظام ابتكرته فيات في الحقبه الزمنيه الماضيه و كان اول تطبيق له هو في سيارتها فيات كروما حيث ابتدعتها لتقليل الرسوم و الجمارك و اقتبسته منها فيراري و طورته ثم سرقه اليابانيون و قاموا باستغلاله " :d

[Chicco]

اليابانيين عملاء الأمريكان راس حربة المؤامرة على خروج زاستافا من السوق الأمريكاني و حرمان الأمريكان من إبداع لادا

ألحوافريتو ديه نقلا عن فؤاد المهندس الله يرحمه في فيلم مطار الحب لما كان بيتكلم ياباني مع المضيفة:D:D

بس بجد أنا مهتم بالموضوع ده و عايز أعرف حيوصل لايه :)

[Mosso]

يا مسهل ادعيلي انه يخلص على خير,
متشكر جدا لاهتمامك و ان شاء الله اول ما اوصل لحاجه هقولك
و ان شاء الله هجيب حاجه من صناعة الاوغاد اليابانيين :d
احنا حلفاء :d

[Chicco]

بالتوفيق إن شاء الله ...ربنا معاك يا سنسيه :)

[hamada_eng2001]

ممكن تشتري عربية ديماكس صندوقها متقفل زي العربات الأستاشن يعني زي
شنطة عربية بس كبيرة شوية و دي هتنفعك جامد و فبريكة أنا شفت وحدة في السويس مع تاجر كبير بيشتغل في العربيات النص نقل المستوردة و كانت ملاكي السويس و كانت فول أبشن و اوتوماتيك كمان موتور 3000 جبار يطاع 135 حصان أنتركولر
بس لازم تكون الشنطة دي فبريكة عشان ترخص ملاكي و كمان تدفع الجمرك بتاعها كامل الكلام دة سمعتوا من تاجر سيارات ردا على سؤالي
بس أنا بقول كلام سمعتو
ممكن تسأل تجار النص نقل في الشرقية لأنها مليانة مزارع و محاجر و سوق العربيات الرباعية الدفع دي ماشي فيها جامد و أعتقد ممكن التاجر يرخصهالك ملاكي على السجل التجاري بتاعو و يبيعها لك باتقسيط وتتفق معاه على السعر
ياريت تنزل بلد إسمها فاقوس مركز من محافظة الشرقية ستجد ضالتك هناك إن شاء الله دا كل اللي أعرفه