تصفير الياريس ! ! ونصب الميكانيكيا !

[Ahmod]

السلام عليكم ورحمة الله وبركاته

يا جماعة عندي مشكلة في الياريس انها بتصفر

بتطلع صوت صفارة هوا زي بالظبط صوت تنفيث الهوا نفس الصوت اللى بيطلع مثلا لما تبقى حاجة فيها هوا وتتخرم

الصوت بيطلع مع السرعة وبيزيد بزيادة السرعة ! وجاي من نحية الشمال

رحت عند ميكانيكي في المنطقة قلتله بيحصل عندي صوت صفارة هوا مع زيادة السرعة وبحس سعات ان العربية بتكلبش لما بسيب رجلي من على البنزين

قالي ده تيل الفرامل يا باشا << قلتله انا عارف صوت تزييق تيل الفرامل وده بيطلع مع الفرملة ومش زي الصوت اللى انا بسمعه

قالي هو التيل بس محتاج يتصنفر وحل عجلة وبص على التيل وقالي زي ماقلتلك محتاج يتصنفر وكل حاجة هتبقى تمام

قلتله يعني الصوت ده من تيل الفرامل ؟ ؟ قالي ايوة

قلتله طب والصنفرة دي هتكلف كام لقيته بيقولي 150 جنيه ! قلتله نعم ؟ كام ؟

قالي 150 جنيه وخلي عنك خالص قلتله ليه هو التيل بكام جديد اساسا ؟

قلتله طب ربنا يسهل وهبقى اعدي عليك تاني

طبعا حسيته بيفتي لان تيل الفرامل التزييق بتاعه صوته معروف والصوت اللى بسمعه مجرد صوت صفارة هوا فمقتنعتش بكلامه وكبرت دماغي منه

رحت لميكانيكي تاني معرفة كنت اتعاملت معاه قبل كدة

قلتله بيحصل معايا كذا كذا قالي تعالى نطلع نجرب العربية قلتله ماشي

جرب العربية وسمع الصوت قلتله سامع الصوت ؟ قالي اه قلتله من ايه ده ؟ سكت كدة وحسيت انه مش عارف الصوت من ايه وراح مغير الموضوع

في الاخر قالي بص يا باشا العربية محتاجة نغير سير الدينامو والبوجيهات وطقم تيل

قلتله كل ده ؟ بس الصوت من ايه بالظبط قالي هنغير الحجات دي والدنيا كلها هتتظبط والامور هتبقى تمام

قالي اشتريها من محلات قطع الغيار وهاتهملي اركبهملك والعربية هتبقى 10/10 ان شاء الله قلتله طب الحجات دي هتكلف كام تقريبا

قالي يمكن في حدود 600-700 جنيه

قلتله ماشي وقلت استنى لاول الشهر واشتري الحجات وامري لله

بعدها بحوالي كم يوم كان راكب معايا واحد زميلي عنده شركة صيانة تكييفات وغسلات وكلام من ده

سمع الصوت قالي ايه الصوت ده ؟ قلتله والله معرف وعاملي قلق وحاسس ان العربية فيها مشاكل

قالي ده صوت هوا قلتله مانا واخد بالي انا رحت عند ميكانيكي وقالي محتاج تغيير بوجيهات وطقم تيل وقصة

قالي طب خليني اجرب العربية كدة قلتله تعالى

وهو بيجرب العربية راح قافل الازجاج لقى الصوت بيقل قالي ده من برا قلتله اه وجاي من نحية الشمال قلتله اه مانا عارف

راح حط ايده على المرايا والقايم الشمال لقيت الصوت اختفى تقريبا !

قفل المرايا الشمال لقينا الصوت راح خالص

قالي الصوت من المرايا ! ! طبعا انا كنت مزهول ! قلتله من المرايا ؟ ؟ ؟ ازاي من المرايا ؟ قالي مانت شفت اهو اول ماقفلنا المرايا الصوت راح

قام فاتح المرايا الصوت رجع تاني

قالي يمكن مخرومة ولا فيها حاجة بيدخل فيها الهوا فبيعمل الصوت ده

طبعا انا قعدت ادعي على الميكانيكيا وقلت لا حول ولا قوة الا بالله كان هيكلفني 700 جنيه اغير حجات على الفاضي ! !

الحمد لله اطمنت واكتشفت ان الصوت اللى كان عاملي قلق طلع من المرايا

بس دلوقتي يا جماعة الصوت بقى فعلا عاملي ازعاج وبيعمل ازعاج ليا ولكل اللى راكبين في العربية خاصا لو الازجاج مفتوح وماشي على سرعة فوق 80 بيبقى الصوت جامد وياسلام لو فيه حبة هوا هتسمع احلى مزيكا ! !

فحد عنده اي خلفية ممكن يكون الصوت من المرايا ازاي ؟ انا لما بقفل المرايا الصوت بيختفي

والمرايا ماتخبطتش ولا حصل فيها حاجة وبصيت عليها سليمة مالاحظتش وجود اخرام او اي حاجة ! !

ياترى الصوت ده ايه سببه بالظبط ؟ ؟

وتاني مشكلة ان عندي بيحصل رجة في العربية لما بدوس على الفرامل وانا واقف

يعني لو كنت ماشي بالعربية ودوست فرامل مافيش اي مشاكل لكن واقف وخاصا لما بتكون العربية لسه باردة لسه مدورها وادوس فرامل وانا واقف بحس زي برجة او تخبيط

فده من ايه ؟

[MazdaFan]

الصوت اللي من المرايا معناه ان في زي "خلوص" او فرق او خرم او اي فروقات مابين أجزاء المرايا والعربية في أي مكان (محتاج تبص عليها كويس) ممكن الموضوع محتاج ان المرايا تتربط كويس لأنها مع الوقت والقفل والفتح في حاجة ريحت او سيبت، أو مع حرارة الصيف أجزاء المرايا برضة ريحت وعملت فروق ، أو ممكن في حاجة اتحشرت في مكان مش واضح فا مع الجري بسرعة بتعمل الصوت ده (هي فكرة الصفارة ايه بشكل عام ؟ انك تخلي الهوا يمشي في مسار ضيق وليه شكل معين هايعمل صوت الصفارة ) وعلى فكرة ممكن يكون الموضوع حتة فرق تافه يدوب يتشاف بالعين بالعافية يعمل الصوت ده ، فبص عليها كويس


بالنسبة لموضوع الفرامل ، الموتور وهو واقف بيلف على سرعة بيسموها السلانسية أو idling speed السرعة دي يدوب بتكون عشان الموتور يتغلب على قوة الاحتكاك في أجزاءه وعمود الكامات ويدي قدرة كافية للتكييف لو شغال و للدينمو و power steering ، تمام كده

فبالتالي اي احتكاك يحصل زيادة عن اللزوم او اي قوة مقاومة لحركة المحرك هاتسبب في ان الموتور سرعة دورانه تقل عن ال idling speed اللي متصمم عليها ، يعني مش هايبقى قادر يتغلب على القوة اللي بتقاوم دورانه ، وبالتالي هايبتدي يبرجل ويبقى عايز يبطل ويقف ، بس طبعا أجهزة التحكم هاتحس بالبرجلة دي و بتحاول انها تزدو سرعة ال idling شوية وقتها عشان الموتور مايبطلش ولما يرجع يتظبط تاني ، ترجع أجهزة التحكم تهدي سرعة ال idling عشان ماتسحبش وقود زيادة عن اللزوم لأن العربية أصلا واقفة، فلو مصدر المقاومة لسه موجود ترجع العربية تبرجل تاني وهكذا ...


وبالتالي ، المحرك وهو لسه بارد مقاومة الاحتكاك بتكون عالية عن لو كان سخن ، لأن الزيت بيكون لسه تقيل وبارد ومالحقش يسخن عشان يخف و يجري في كل أجزاء المحرك ، وبالتالي المحرك بيبقى عايز يتغلب على المقاومة دي فممكن مايقدرش ويبتدي يبرجل

تاني حاجة ، لما حضرتك بتدوس فرامل والعربية واقفة ، حضرتك غالبا بتدوس الفرامل وانت معشق صندوق الترووس، او لو هي مانيوال بتكون مش دايس دبرياج كفاية ففي نسبة تعشيق واصلة مع المحرك دي طبعا مصدر مقاومة لحركة المحرك ، لأن التعشيق معناه ان العربية عايزة تتحرك والفرامل منعاها ، فالموتور بيحاول يتغلب على قوة الفرامل وياخد العربية ويتحرك بيها لكن طبعا مش بيقدر فيبتدي يبرجل ،

انما لو حضرتك متأكد انك بتكون فاصل تماما التعشيق مع صندوق الترووس ، يبقى غالبا دورة الفرامل مرتبطة بحركة الموتور وبتالي لما بتدوس فرامل بتعمل حمل زيادة عليه بتأدي لنفس الفكرة والنتيجة

غالبا حضرتك محتاج تظبيط وتنضيف بوابة فتحة الخانق وتظبيط وتنضيف حساسات الخانق throttle & throttle sensor for idling speed ، وحاول تستنى 5 دقايق على العربية قبل ماتتحرك بيها عشان الموتور والزيت يلحقوا يسخنوا

ولما تيجي تغير زيت المحرك ، هات زيت يكون مكتوب عليه 5w-XX أو 10w-xx

يعني الرقم اللي على شمال حرف ال w كل مايكون قليل يكون أحسن ، لأن دمعناه ان الزيت بيقدر يجري ويقوم بأدائه كويس مع درجات حرارة منخفضة جدا
والرقم اللي على يمين ال w كل مايزيد يكون أحسن لأن معناه انه بيقدر يأدي كويس ويستحمل مع درجات الحرارة العالية


أرجوا أكون أفدت حضرتك

[asemx1]

الصوت اللي من المرايا معناه ان في زي "خلوص" او فرق او خرم او اي فروقات مابين أجزاء المرايا والعربية في أي مكان (محتاج تبص عليها كويس) ممكن الموضوع محتاج ان المرايا تتربط كويس لأنها مع الوقت والقفل والفتح في حاجة ريحت او سيبت، أو مع حرارة الصيف أجزاء المرايا برضة ريحت وعملت فروق ، أو ممكن في حاجة اتحشرت في مكان مش واضح فا مع الجري بسرعة بتعمل الصوت ده (هي فكرة الصفارة ايه بشكل عام ؟ انك تخلي الهوا يمشي في مسار ضيق وليه شكل معين هايعمل صوت الصفارة ) وعلى فكرة ممكن يكون الموضوع حتة فرق تافه يدوب يتشاف بالعين بالعافية يعمل الصوت ده ، فبص عليها كويس





بالنسبة لموضوع الفرامل ، الموتور وهو واقف بيلف على سرعة بيسموها السلانسية أو idling speed السرعة دي يدوب بتكون عشان الموتور يتغلب على قوة الاحتكاك في أجزاءه وعمود الكامات ويدي قدرة كافية للتكييف لو شغال و للدينمو و power steering ، تمام كده

فبالتالي اي احتكاك يحصل زيادة عن اللزوم او اي قوة مقاومة لحركة المحرك هاتسبب في ان الموتور سرعة دورانه تقل عن ال idling speed اللي متصمم عليها ، يعني مش هايبقى قادر يتغلب على القوة اللي بتقاوم دورانه ، وبالتالي هايبتدي يبرجل ويبقى عايز يبطل ويقف ، بس طبعا أجهزة التحكم هاتحس بالبرجلة دي و بتحاول انها تزدو سرعة ال idling شوية وقتها عشان الموتور مايبطلش ولما يرجع يتظبط تاني ، ترجع أجهزة التحكم تهدي سرعة ال idling عشان ماتسحبش وقود زيادة عن اللزوم لأن العربية أصلا واقفة، فلو مصدر المقاومة لسه موجود ترجع العربية تبرجل تاني وهكذا ...


وبالتالي ، المحرك وهو لسه بارد مقاومة الاحتكاك بتكون عالية عن لو كان سخن ، لأن الزيت بيكون لسه تقيل وبارد ومالحقش يسخن عشان يخف و يجري في كل أجزاء المحرك ، وبالتالي المحرك بيبقى عايز يتغلب على المقاومة دي فممكن مايقدرش ويبتدي يبرجل

تاني حاجة ، لما حضرتك بتدوس فرامل والعربية واقفة ، حضرتك غالبا بتدوس الفرامل وانت معشق صندوق الترووس، او لو هي مانيوال بتكون مش دايس دبرياج كفاية ففي نسبة تعشيق واصلة مع المحرك دي طبعا مصدر مقاومة لحركة المحرك ، لأن التعشيق معناه ان العربية عايزة تتحرك والفرامل منعاها ، فالموتور بيحاول يتغلب على قوة الفرامل وياخد العربية ويتحرك بيها لكن طبعا مش بيقدر فيبتدي يبرجل ،

انما لو حضرتك متأكد انك بتكون فاصل تماما التعشيق مع صندوق الترووس ، يبقى غالبا دورة الفرامل مرتبطة بحركة الموتور وبتالي لما بتدوس فرامل بتعمل حمل زيادة عليه بتأدي لنفس الفكرة والنتيجة

غالبا حضرتك محتاج تظبيط وتنضيف بوابة فتحة الخانق وتظبيط وتنضيف حساسات الخانق throttle & throttle sensor for idling speed ، وحاول تستنى 5 دقايق على العربية قبل ماتتحرك بيها عشان الموتور والزيت يلحقوا يسخنوا

ولما تيجي تغير زيت المحرك ، هات زيت يكون مكتوب عليه 5w-XX أو 10w-xx

يعني الرقم اللي على شمال حرف ال w كل مايكون قليل يكون أحسن ، لأن دمعناه ان الزيت بيقدر يجري ويقوم بأدائه كويس مع درجات حرارة منخفضة جدا
والرقم اللي على يمين ال w كل مايزيد يكون أحسن لأن معناه انه بيقدر يأدي كويس ويستحمل مع درجات الحرارة العالية


أرجوا أكون أفدت حضرتك

كلام صحيح جدا

وفى حاله انك جيت المنصوره كلمنى اظبطلك العربيه كلها

[yasserelsayad]

الصوت اللي من المرايا معناه ان في زي "خلوص" او فرق او خرم او اي فروقات مابين أجزاء المرايا والعربية في أي مكان (محتاج تبص عليها كويس) ممكن الموضوع محتاج ان المرايا تتربط كويس لأنها مع الوقت والقفل والفتح في حاجة ريحت او سيبت، أو مع حرارة الصيف أجزاء المرايا برضة ريحت وعملت فروق ، أو ممكن في حاجة اتحشرت في مكان مش واضح فا مع الجري بسرعة بتعمل الصوت ده (هي فكرة الصفارة ايه بشكل عام ؟ انك تخلي الهوا يمشي في مسار ضيق وليه شكل معين هايعمل صوت الصفارة ) وعلى فكرة ممكن يكون الموضوع حتة فرق تافه يدوب يتشاف بالعين بالعافية يعمل الصوت ده ، فبص عليها كويس

نفس موضوع المرايا دا حصل معايا باردوا فى العربية البى ام وروحت التوكيل فكوا المرايا وعدلوها وركبوها تانى والصوت راح .. تقريبا المسامير بتاعتها كانت ريحت او حاجة زى كدا يعنى

[ahmedamr]

لو تيل يا باشا هتلاقي الجنط والطنابير سخنة اووووووى لدرجة لوحطيت عليها مية تعمل تششششششششش

[BLOODY_STONE]

جديد موضوع المرايا ده اول مرة اسمع عنه ....
متااابع

[ahmedyaris]

بسيطه الحمد لله

[rompo10]

كل الصنايعيه كده ومش المرايا بس اي حاجه سايبه هاتعمل صوت

[Ahmod]

الصوت اللي من المرايا معناه ان في زي "خلوص" او فرق او خرم او اي فروقات مابين أجزاء المرايا والعربية في أي مكان (محتاج تبص عليها كويس) ممكن الموضوع محتاج ان المرايا تتربط كويس لأنها مع الوقت والقفل والفتح في حاجة ريحت او سيبت، أو مع حرارة الصيف أجزاء المرايا برضة ريحت وعملت فروق ، أو ممكن في حاجة اتحشرت في مكان مش واضح فا مع الجري بسرعة بتعمل الصوت ده (هي فكرة الصفارة ايه بشكل عام ؟ انك تخلي الهوا يمشي في مسار ضيق وليه شكل معين هايعمل صوت الصفارة ) وعلى فكرة ممكن يكون الموضوع حتة فرق تافه يدوب يتشاف بالعين بالعافية يعمل الصوت ده ، فبص عليها كويس


بالنسبة لموضوع الفرامل ، الموتور وهو واقف بيلف على سرعة بيسموها السلانسية أو idling speed السرعة دي يدوب بتكون عشان الموتور يتغلب على قوة الاحتكاك في أجزاءه وعمود الكامات ويدي قدرة كافية للتكييف لو شغال و للدينمو و power steering ، تمام كده

فبالتالي اي احتكاك يحصل زيادة عن اللزوم او اي قوة مقاومة لحركة المحرك هاتسبب في ان الموتور سرعة دورانه تقل عن ال idling speed اللي متصمم عليها ، يعني مش هايبقى قادر يتغلب على القوة اللي بتقاوم دورانه ، وبالتالي هايبتدي يبرجل ويبقى عايز يبطل ويقف ، بس طبعا أجهزة التحكم هاتحس بالبرجلة دي و بتحاول انها تزدو سرعة ال idling شوية وقتها عشان الموتور مايبطلش ولما يرجع يتظبط تاني ، ترجع أجهزة التحكم تهدي سرعة ال idling عشان ماتسحبش وقود زيادة عن اللزوم لأن العربية أصلا واقفة، فلو مصدر المقاومة لسه موجود ترجع العربية تبرجل تاني وهكذا ...


وبالتالي ، المحرك وهو لسه بارد مقاومة الاحتكاك بتكون عالية عن لو كان سخن ، لأن الزيت بيكون لسه تقيل وبارد ومالحقش يسخن عشان يخف و يجري في كل أجزاء المحرك ، وبالتالي المحرك بيبقى عايز يتغلب على المقاومة دي فممكن مايقدرش ويبتدي يبرجل

تاني حاجة ، لما حضرتك بتدوس فرامل والعربية واقفة ، حضرتك غالبا بتدوس الفرامل وانت معشق صندوق الترووس، او لو هي مانيوال بتكون مش دايس دبرياج كفاية ففي نسبة تعشيق واصلة مع المحرك دي طبعا مصدر مقاومة لحركة المحرك ، لأن التعشيق معناه ان العربية عايزة تتحرك والفرامل منعاها ، فالموتور بيحاول يتغلب على قوة الفرامل وياخد العربية ويتحرك بيها لكن طبعا مش بيقدر فيبتدي يبرجل ،

انما لو حضرتك متأكد انك بتكون فاصل تماما التعشيق مع صندوق الترووس ، يبقى غالبا دورة الفرامل مرتبطة بحركة الموتور وبتالي لما بتدوس فرامل بتعمل حمل زيادة عليه بتأدي لنفس الفكرة والنتيجة

غالبا حضرتك محتاج تظبيط وتنضيف بوابة فتحة الخانق وتظبيط وتنضيف حساسات الخانق throttle & throttle sensor for idling speed ، وحاول تستنى 5 دقايق على العربية قبل ماتتحرك بيها عشان الموتور والزيت يلحقوا يسخنوا

ولما تيجي تغير زيت المحرك ، هات زيت يكون مكتوب عليه 5w-XX أو 10w-xx

يعني الرقم اللي على شمال حرف ال w كل مايكون قليل يكون أحسن ، لأن دمعناه ان الزيت بيقدر يجري ويقوم بأدائه كويس مع درجات حرارة منخفضة جدا
والرقم اللي على يمين ال w كل مايزيد يكون أحسن لأن معناه انه بيقدر يأدي كويس ويستحمل مع درجات الحرارة العالية


أرجوا أكون أفدت حضرتك

ربنا يخليك يا باشا وفعلا هو موضوع الرجة ده بيحصل لما بجيب العربية على وضع D وادوس فرامل اول ماببدأ اشيل رجلي من الفرامل براحة (والعربية لسه واقفة بحس بالرجة دي فكدة ده عادي يعني مافيش مشاكل ؟

وموضوع المرايا هحاول افكها واركبها تاني وغير ان شاء الله

كلام صحيح جدا

وفى حاله انك جيت المنصوره كلمنى اظبطلك العربيه كلها

ربنا يخليك كلك ذوق والله انا لو جيت المنصورة هاجي عشان اسلم عليك مش اكتر من كدة وقريب ان شاء الله هكون في المنصورة واكيد هديلك خبر قبلها

نفس موضوع المرايا دا حصل معايا باردوا فى العربية البى ام وروحت التوكيل فكوا المرايا وعدلوها وركبوها تانى والصوت راح .. تقريبا المسامير بتاعتها كانت ريحت او حاجة زى كدا يعنى

هحاول افكها واركبها تاني وخير ان شاء الله

لو تيل يا باشا هتلاقي الجنط والطنابير سخنة اووووووى لدرجة لوحطيت عليها مية تعمل تششششششششش

وغير السخونة صوت التيل والتزييق بتاعه معروف وانا عارفه بسمعه كل ماركب مكروباصات

جديد موضوع المرايا ده اول مرة اسمع عنه ....
متااابع

اه والله مش قادر اقولك لما اكتشفت الموضوع ده كنت مستعجب ازاي ! !

بسيطه الحمد لله

الحمد لله

كل الصنايعيه كده ومش المرايا بس اي حاجه سايبه هاتعمل صوت

ماده اللى اكتشفته ان كل الميكانيكا بيفتو

[MazdaFan]

ربنا يخليك يا باشا وفعلا هو موضوع الرجة ده بيحصل لما بجيب العربية على وضع d وادوس فرامل اول ماببدأ اشيل رجلي من الفرامل براحة (والعربية لسه واقفة بحس بالرجة دي فكدة ده عادي يعني مافيش مشاكل ؟

وموضوع المرايا هحاول افكها واركبها تاني وغير ان شاء الله

اه موضوع الرجة او البرجلة لما تدوس فرامل وانت معشق على ال d والعربية واقفة ده كده طبيعي وخصوصا لما تكون العربية باردة لأن زي ماقولت لحضرتك اي حمل زيادة على الموتور وهو في وضع السلانسية بيبقى مقاومة زيادة لللحركة وأجهزة التحكم بتبقى عاملة حسابها يدوب تضخ بنزين على قد حمل السلانسية عشان توفر بنزين (مش متوقعة أحمال زيادة) ،

ياريت حضرتك كل ماتقف بالعربية تجيبها على ال N ، عشان ماتحملش على المحرك ولا على الترووس ، ولو المشكلة او الرجة زادت مع الوقت ماتخليش حد يفتيلك ويغيرلك حاجة كل اللي هاتبقى محتاجة تنضيف لبوابة الهواء (الخانق / throttle ) و حساس ال idling يتنضف بس مش أكتر ، و انك تكون متأكد ان الزيت بتاع العربية نضيف ومش محتاج تغيير، ولو هاتغيره ياريت حضرتك تجيبه بالمواصفات اللي قلت لحضرتك عليها هاترتاح جدا ساعة ماتشغل العربية وهي باردة وهاتحافظ على المحرك لو بيشتغل تحت درجات حرارة عالية او منخفضة.

بالنسبة للمرايه ممكن تفكها وتركبها تاني وتفضل الصفارة موجودة لأن مصدر الصفارة ممكن يكون اي حاجة غير أماكن التربيط بتاعتها ، فبص عليها كويس قبل ماتفكها وتركبها وحاول تدور على اي مكان في فروقات ولو بسيطة خالص قبل ماتفكها ، لو مالقتش خالص يبقى ساعتها فكها وركبها تاني عشان مايبقاش فك وتربيط على الفاضي .

[rzeiny]

الحقيقة انا كان عندي نفس الصوت اول مجبت العربية الترسيل زيرو ولما رحت التوكيل قالولي حنفك التبلوه وفتحات التكييف والصوت يروح انا طلعت على المعرض الي اشتريت منه العربية (خليجي) وداني لواح بتاع زجاج في المهندسين واتضح ان الصوت جاي من الفريم بتاع الزجاج الامامي فحط فيه انبوبة سيليكون وبقت زي الفل

[pro_samir]

زمان كان عندنا عربيه مرايتها بتصفر كده دايما بسبب الخرم بتاع المسمار .. كنت بديها لبانه في الخرم ومشي حالك :)

بس الصوت بيبقي واضح جدا انه بسبب الهوا

[AutoTycoon]

موضوع جديد عليا بصراحة ... شكراً لنقل التجربة و ان شاء الله بسيطة

اما بخصوص اللي بيقولك اصنفر التيل ب150 فعايز اقوله كلمة قبيحة والله (انا اخر مرة مشيك على التيل و مصنفره دافع 20 جنية)