تسقيط موتور اخر لتويوتا كارينا

[al_manara]

السلام عليكم

اخواني كل عام وانتم بخير . بمناسبة شهر رمضان . تقبل الله منا ومنكم صالح الاعمال

في واحد قريبي معارة عربية تويوتا كارينا موديل 78 هو بيفكر يغير الموتور بتاعها ويجيب واحد تاني بالتكيف والباور
هي موتورها 1600 سي سي وفيها تكيف . والموتور بالعرض وهي جر خلفي .
ياتري اية المواتير الي ممكن تركب عليها تكون احسن ومكان الشراء وسعرها التقريبي ان امكن

دة شكلها


ودة شبة الموتور بتاعها

[sonaeg]

كل عام وانتم بخير يا فندم


حضرتك انا معايا تويوتا كارينا موديل 1983 ....هيا 1600 سي سي برده وبتكييف والموتور اللي عندي شبه اللي حضرتك حاطط صورته ده جدا اللي هوا ta60 او 2t ...اللي عندي اسكترا لكن هيا كان بينزل منها باور وكل ما اروح لعفشجي عشان يركبلي لها باور يقوللي هاتلها حاجتها وانا اركبها....وطبعا حضرتك عارف العربية دي مانزلتش مصر اوي فحاجت الباور مش موجودة.....اللي اعرفه ايضا ان فيه مواتير للكارينا نفس الموديل 1800 سي سي باور وتكييف ....او ممكن تسقطلها موتور كرسيدا مثلا 2000 سي سي بالباور والتكييف بس مش عارف حينفع ولا لا


متاسف اني ما قدرتش افيد حضرتك اوي في الموضوع ده...لكن العربية دي محترمة جدا ربنا يبارك لقريبك فيها...واذا جت عالباور فانا سمعت ان فيه ناس في شارع شمبليون بيحولوا العادة لباور سواء زيت او كهربا علي حسب العربية ..بس مش عارف شغل التعديل وأوفق في العربية ده حيبقي كويس ولا لا

والسلام خير الختام وان شاء الله باقي الاعضاء يفيدوا حضرتك

[al_manara]

تسلم ايدك . هو دلوقتي بيدور علي الموتور الي ممكن يركب فيها . خصوصا ان العربية معاة من الزيرو . فهي عزيزة جدا علية

[sonaeg]

ربنا يباركله فيها يا فندم ....ويحرسهاله ان شاء الله....كذلك اللي معايا من الزيرو فمش عايز ابيعها لكن هيا بتزهق في قطع الغيار فعلا