ما هي عيوب الياريس ؟؟؟؟؟؟

[miro092]

انا عايز اعرف عيوب الياريس

[دموع الثلج]

بصراحه انا لحد الان مشفتش عيوب جامده فى الياريس

بس بالنسبه ليا اكبر عيب وهو فى كل العربيات الجديده عموما

هو ضعف طبقه الدهان بيتجرح من الهوا مش عارفه الخدوش بتيجى منين

غير كده الحمد لله العربيه ممتازه جدا

[fahd_628]

ثباتها مش ممتاز بس جيد
ابعادها صعبة شوية فى الأول !
سعرها غالى
كمالياتها مش كتيير اوى بس كويسة و الهاف اوبشن فقيرة
طبعا مش حتاخد سحب و سرعة ال 1600

[waleed24ag]

انا برده بوافق علي كلام دموع التلج الدهان احيانا بحس انه ضعيف
و برده بوافق فهد علي موضوع ال 1600 بس اعتقد احتمال السحب يكون اعلي يا جماعه بلاش موضوع ال 1300 و ال 1600 كل عربيه ليها الي ينسبها الياريس خفيفه موتور ال 1300 بيخليها طلقه و علي اليوتيوب هتلاقي افلام كتير لمصريين بيجيبو سرعه 200 في ثواني معدوده و حتي الاحمال برده ال 1300 و 92 حصان كويسيين جدا الفل اوبشن موش محتاج كماليات في ايه كماليات ممكن تحطها و الهاف اوبشن (كاسيت - تكييف - ستيرينج) الفول اوبشن كل دا و معاه 2 ايرباج و ABS و eds و امبيوليزر سيستم ازاز كهربا في حاجه تانيه ممكن تتحط بصراحه موش عارف

[sa3dawy]

العربية لسة مشوفتش فيها الصراحة اى عيوب الا موضوع الثبات تحس كدا انها مش تقيلة على الطريق:(

[waleed24ag]

بص يا سعداوي باشا ممكن الطريق هو الي موش كويس و طبعا دا منتشر في مصرنا العزيزه لكن جرب مثلا طريق الاسماعيليه هتلاقي العربيه مبتتحركش منك و لو في مطب عمرها ما هتنط انا كنت سايق علي 160 بايد واحده يدوبك بعمل كوريكشن للحركه و العربيه زي الطلقه و ماسكه في الارض بس بعد ما الطريق في حته معينه حصلو زي انبعاج كده حسيت ان التقل راح شويه

[limo]

كعيوب جوهريه مااعتقدش ان فيها عيوب جوهريه
انا العيوب الثانويه ده عيوب بسيطه ممكن تفرق مع واحد وممكن متفرقش مع التانى
العيوب الثانويه هى
-صاج ضعيف +اكصدمات ضعيفه جدا سواء امامى او خلفى .


-فى عيوب توصلت ليها من واحد صديقى معاه ياريس
1-العربيه خفيفه بعد 130 كم على حد قوله عايزه سواق شاطر علشان يجيب او يعدى السرعه ده
2-عدم توافر قطع الغيار خارج التوكيل بالرغم من ان العربيه بقالها اكثر من سنتن فى السوق المصرى
لو وجد قطع غيار خارج التوكيل بتكون بنفس سعر الوكيل او اقل حاجه بسيطه.
غير كده العربيه تحفه

[sa3dawy]

كلام مظبوووط

يبقى كدا اعتقد مفيييش عيووووووب!!!!!!!!!
الا شوية عيوب هبلين كدا
زى الابعاد ودى بتاخد عليها
ومكان العددات ودى بتاخد عليها بردة
غير كدا العربية تماااااااااااااااااااااااااام

[hazem_khidr]

بصراحه ثباتها حلو مش وحش للدرجه.
عيبها بالنسبالي
ان وضعيه القياده مرتفعه و انا بفضل العربيات ذات وضعيه قياده منخفضه.
و مرتين بالضبط بعد سواقه فتره حسيت ان دراعي واجعني
اكصدامها ضعيف جدا.

[mohamed ibiza]

عيبها الثبات بس العربية وزنها تقريبا 1010 كيلو و 92 حصان بيخلوها طلقة بعد 140 مش مأمونة مبتبقاش مكلبشة في الارض بتبقي زي طير مرفرف في السما.........:)

[miro092]

shokra begad 3ala rodod el mofeda deh