كورولا 2003 ولا 206 زيرو؟؟؟؟؟؟؟؟؟؟؟

[jonaldo]

بسم الله الرحمن الرحيم

يا جماعة قدامي كورولا 2003 فابريكة برة و جوة موتور نضيف جدا عاملة 80 الف كيلو ب 75 الف

و قدامي اني اجيب البيجو ال 206 زيرو

ايه رأيكم يا جماعة عشان انا محتار جدااااااا

[omar-saad]

انتا بتقارن عربيتين مختلفين عن بعض تماما
انا كان عندى الكورولا
وسوقت ال206 كتييييييير
ال206 عربية شابية من الدرجة الاولى
صغيرة يدوبك على اد 4 افراد
ثباتها ممتاز على جميع السرعات وحسن من الكورولا
وخصوصا فى الملفات
وكمان الاداء اعلى بحكم ان العربية 1400
على حجم صغير زى دة
قطع الغيار فى الموديل البلس دة مش هتلاقيها غير فى التوكيل وخصوصا الاكسسورات
التويوتا
عربية واسعة جدا ومريحة والعزل بتاعها رهيب خصوصا ان الموتور اصلا مالوش صوت
الثبات مش اد كدة بعد ال120
العربية اعتمادية من الدلرجة الاولى وسهلة اوى فى الصيانة وقطع الغيار
لان ال206 حوضها ضيق اخر حاجة
وغير قطع الغيار هتلاقيها فى كل حتة
شوف انتا احتياجاتك ايه وحد انهى عربية مناسبالك وربنا يوفقك للخير

[party_0000]

انا ارشح الكورولا وعن تجربه بس السعر ممكن يتهز شويه يعني 70 كويس عليها والله اعلم

[ramy01011]

كورولا و انت مغمض عن تجربة 206 و 307 زيرو و كورولا 2003 الكورولا تقريبا ملهاش مشاكل

[sab3aawy]

ولا دى ولا دى، مدفعش 75 ألف جنيه فى عربية غالبا 1300 سى سى ومانيوال وفى خلال سنة هيكون عمرها 10 سنوات وفى خلال سنتين او تلاته بالكتير هيكون مكسور عليها شكلين

والبيجو عربية محترمة جدا لكن توكيلها اجاد ذبحها والتمثيل بجثتها فى السوق المصرى

انا ادفع الفلوس دى فى مستعمل موديل قريب او عربية زيرو لها دعم يرتقى لدرجة آدمى، باختصار هدور فى الماركات دى: بالنسبة للزيرو نيسان، كيا ، هيونداى، رينو ،شيفروليه (تويوتا وهوندا طبعا معندهمش حاجة فى رينج الفلوس ده)
لو مستعمل قريب هبص على:تويوتا، ميتسوبيشى، نيسان، كيا،هيونداى بشرط مانزلش عن 2006

[maskeen]

السعر مش غالى قوى لو الحاله ممتازه..لانى لسه بايع عربيتى ولتاجر عامله 240 الف كيلو ب 66 الف جنيه
بس انا عربيتى كان بحاله فوق الممتازه...كنت ناقص ابيتها معايا فى البيت
نصيحه اكشف الاول فى التوكيل او اسأل عليها كويس هناك لان غالبا عدادها ملعوب فيه

[maskeen]

حبيبى سبعاوى واحشنى فينك من زمان لك وحشه ولله

اسمحللى اختلف معاك..لو العربيه فعلا عامله 80 الف بس تبقى لقطه...العربيه دى جنيه دهب وليس لها مثيل..انا عربيتى نفس السنه عامل بها 240 الف وعمرها ما قلت اصلها معايا وكانت ممتازه وقت البيع والتاجر كان هيموت عليها
لو فعلا عامله 80 الف يبقى لسه قدامها 150 الف كمان مع صيانه دوريه من غير اى مصاريف كبيره..وهى اصلا قطع غيارها مش غاليه..يعنى مساعدين امامى ب 900 جنيه اصلى, تيل اصلى ب 300, ومعمره جدا جدا زى مانت عارف
العربيه دى يابانى 100% وفى منتهى الاعتماديه مش زى الجنوب افريقى اللى دمرت سمعة الكورولا ف مصر

[party_0000]

حبيبى سبعاوى واحشنى فينك من زمان لك وحشه ولله

اسمحللى اختلف معاك..لو العربيه فعلا عامله 80 الف بس تبقى لقطه...العربيه دى جنيه دهب وليس لها مثيل..انا عربيتى نفس السنه عامل بها 240 الف وعمرها ما قلت اصلها معايا وكانت ممتازه وقت البيع والتاجر كان هيموت عليها
لو فعلا عامله 80 الف يبقى لسه قدامها 150 الف كمان مع صيانه دوريه من غير اى مصاريف كبيره..وهى اصلا قطع غيارها مش غاليه..يعنى مساعدين امامى ب 900 جنيه اصلى, تيل اصلى ب 300, ومعمره جدا جدا زى مانت عارف
العربيه دى يابانى 100% وفى منتهى الاعتماديه مش زى الجنوب افريقى اللى دمرت سمعة الكورولا ف مصر

+111