غيرت كلاكس الياريس بنفسى

[asemx1]

اول امبارح لقيت الكلاكس فصل
جيت اجرب لقيت صوت تكت الكتاوت قولت يبقى الهورن نفسه بايظ

قومت شارى كلاكس ( المرسيدس ) مش بحب الاوبل علشان صوته ناعم وانتوا عارفين الكلاكس دلوقتى بقى مش مسموع خالص

رحت البلد وقومت مشغل اغانى وفكيت الاكصدام الامامى ( على فكره فكه سهل جدا ) وممكن اى حد يفكه فياريت ماتوديهوش لحد بتاع اكصدامات يفكه

فكيته من تحت الاول وبعدين من فوق

وقومت مركب الكلاكس ( فردتين هورن ) وموصلهم ببعض

النتيجه :

صوت المرسيدس اعلى طبعا من بتاع الياريس الميت

انا كنت عايز اصورلكم الى حصل بس انا بصراحه مزاجى مش حلو خالص نظرا لمشاكل كبيره
ادعولى ربنا يعديها على خير

تحياتى لكم

مهندس / عاصم جاد

[Y a r i s]

تسلم ايدك ياباش مهندس عاصم .... ويارب يفك عنك يا غالي كل مشاكلك
بس هو الواحد يجب كلكس المرسيدس منين علشان بجد البلد دي محتاجة جوز كلكسات زي بتوع النص نقل علشان الناس الي ماشية على رجليها يتحركوا شوية ويطلعوا على الرصيف

الواد من دول تيجي تزمرلوا وانورلوا ولا هو هنا. ولا كان في عربيات في الشارع اساساً .... مش عارف تحس انهم شاربين وفاكر نفسوا عربية علشان كده سايب الرصيف وماشي في نص الشارع. موضوع جميل وتسلم ايدك