قدامي كورولا 2004

[solid_khaled]

دلوقتي لو قدمي كورولا 2004 automatic ماشية 82000 ألف للبيع بس هي مغيرة نص وراني في حادث و باب يمين في حادث تاني
هي بتاعت إبن خالتي لو هيبعهة على 60-65 ألف أخدها ؟ علما بأني أصلاً عايز أجيب عربية جتا أو civic 2008-2009 بس خايف من حل البلد
و عايز عربية فاللذيذ أمشي بيها سنة كدة و أبعها من غير مخسر لحد هما البلد تتصلح


السؤال 1- هل أكون غلطان لو اشتريت العربية ده علما بانها مفيهاش أي مشكلة بعد هما إتزبطت


2-هل لو جت بعتها كمان سنة هعرف أبعها بسهولة ؟ ولا هغلب عشان مغيرة نص وراني؟ أو هخسر جامد في بعها ؟


عامةً الفكرة بس طلعت في دماغي أنا كنت ناوي استنى السنة الجديدة لحد هما الدنيا تنضف فالبلد بعد كدة أجيب بس ده لاقتها قدمي

[hugan]

طبعا مش هاتعرف تبيعها بسهوله
اكيد هاتكون غلطان لو اشترتها
الاكيد انك هاتخسر فيها

[gomangy]

حضرتك لو هتجني العربيه يبقي اتكل علي الله لكن لو هتبيه بعد سنه ونص يبقي حرام تحط فلوسك فيها مع احترامي لابن خالته حضرتك لان العربيه اللي معيوبه بالطريقه دي يبقي طلوعها صعب شويه من العربيه السليمه ومش بعيد متعرفش تلاقي الفلوس اللي دفعتها
وده من وجه نظري واستني بقيت الاعضاء لما يفيدوك واسف عالاطاله

[party_0000]

ألعربيه دي زي الجنيه الذهب شرط الحاله
يعني مغيره نص ومتوقع تبيعها بسهوله ؟ اكيد لا
اخيرا لا انصح بشرائها لو عاوز تبيعها وتغيرها كمان سنه خصوصا ان سعرها مش لقطه

[asemx1]

لا انصح فى عربيات كتير فى رينج السعر دا وحالتها احسن منها كتييير

ولو عايز حاجه تقعد معاك 3 سنين كمان او 100 الف كيلو ضمان هات زيرو بالمبلغ دا ( اى حاجه ان شالله صينى ) بس لا تشترى حاجه عامله حادثه لان ممكن الفلوس الى تدفعها تدفع قدها مرتين تصليح وبرضو مش هتتصلح

تحياتى لك

مهندس / عاصم جاد

[M.Radwan]

65 دول يجيبو عربية زيرو أو مستعمل حالتها نضيفة جدا
ليه تجيب عربية مغيرة نص؟؟