دركسيون اليارس

[FidoMido]

السلام عليكم

شباب عندى مشكله فى دركسيون اليارس, بقالى فتره حاسس انه تقيل مش مش زى الأول خالص يعنى كنت من فتره ممكن ادور الدركسيون كله بصباع واحد والعربيه واقفه دلوقتى حاسس انه بقى تقيل, شاكك ان المتور بتاعه فيه مشكله , اللى اعرفه انه كهربا مش زيت , ياترى ايه الحل ولو بايظ يتكلف كام الجديد

شكرا

[mohammadrashee]

اتاكد الأول من ضغط الكاوتش
انا بيحصل معابه كده واظبط كاوتش يرجع زي الأول
الضغط الصح 32 ظيط وقولي

[FidoMido]

محمد شكرا على ردك

انا على طول بظبط الهوا فى الكاوتش الأمامى , المشكله دى حصلتلى بعد موقف معين , الموقف ان البطاريه ماكانتش متثبته كويس والعربيه فصلت كهربا مرتين وانا ماشى بيها ومن ساعه الموضوع ده وانا ابتديت احس بالتقل

اتمنى الموضوع يكون فيوز او حاجه بسيطه

[asemx1]

اسباب تقل الباور الكهرباء
سخونه فى النظام نفسه ودا بيخلى الباور تقيل علشان يريح نفسه

لو الباور ساعات يبقى تقيل وساعات يبقى خفيف يبقى دا عيب فى الماتور بيسخن كتيير
لو الباور على طول تقيل ممكن تفصل البطاريه لفتره وتوصلها تانى وتشوف يمكن يكون الكمبيوتر مهنج

تحياتى لك

[Ahmod]

اسباب تقل الباور الكهرباء
سخونه فى النظام نفسه ودا بيخلى الباور تقيل علشان يريح نفسه

لو الباور ساعات يبقى تقيل وساعات يبقى خفيف يبقى دا عيب فى الماتور بيسخن كتيير
لو الباور على طول تقيل ممكن تفصل البطاريه لفتره وتوصلها تانى وتشوف يمكن يكون الكمبيوتر مهنج

تحياتى لك

طيب يا بشمهندس عاصم مش المفروض ان لو الماتور بيسخن او فيه سخونة في العربية يطلع اشارة على التبلو ؟ العلامة بتاعة مؤشر الحرارة ؟

لان انا كمان سعات بحس الدركسيون خفيف وسعات تقيل الى غير اني سعات كنت بحس (بسخونة) بهوا سخن جاي من تحت كدة عن الدواسات مش عارف مصدرها

فانا كدة بدات اربط الاحداث وبدات اقلق

[FidoMido]

مكان الفيوز

انا الدركسيون عندى تقيل على طول يادوب بس لما العربيه تتحرك بيبتدى يخف واظن ده طبيعى

فى كل الأحوال الدريكسيون الكهرباء بيفصل بعد سرعه 40 تقريبا

انا بحاول اوصل لمكان الفيوز المسؤول عن الدركسيون فى علبه الفيوزات ... شوفت كام لينك على النت لناس بتحاول تفصل المتور بتاع الدركسيون وبيقولوا ان السواقه من غير الدركسيون الكهرباء احسن كتير!!!! بيقولوا فى فيوز احمر 50 امبير بس مش قادر اوصله ... انا شاكك ان الفيوز التحرق بس المتور لسه شغال ... مش متأكد لسه

[asemx1]

طيب يا بشمهندس عاصم مش المفروض ان لو الماتور بيسخن او فيه سخونة في العربية يطلع اشارة على التبلو ؟ العلامة بتاعة مؤشر الحرارة ؟

لان انا كمان سعات بحس الدركسيون خفيف وسعات تقيل الى غير اني سعات كنت بحس (بسخونة) بهوا سخن جاي من تحت كدة عن الدواسات مش عارف مصدرها

فانا كدة بدات اربط الاحداث وبدات اقلق

سخونه ماتور الباور مش هتحس بيها وعلى فكره المبه عمرها ما بتنور الا مع وجود خلل او الماتور وصل سخونيته لدرجه انه يطفى نفسه علشان يبرد ودا مش هتحصل بازن الله

انما الباور بيتقل لما الماتور يسخن شويه بتقل كفائته عادى لكن مش معناها انه يطفى نفسه لا دا بيتقل شويه لان كفائه الماتور بتقل مع زياده السخونيه

[asemx1]

انا الدركسيون عندى تقيل على طول يادوب بس لما العربيه تتحرك بيبتدى يخف واظن ده طبيعى

فى كل الأحوال الدريكسيون الكهرباء بيفصل بعد سرعه 40 تقريبا

انا بحاول اوصل لمكان الفيوز المسؤول عن الدركسيون فى علبه الفيوزات ... شوفت كام لينك على النت لناس بتحاول تفصل المتور بتاع الدركسيون وبيقولوا ان السواقه من غير الدركسيون الكهرباء احسن كتير!!!! بيقولوا فى فيوز احمر 50 امبير بس مش قادر اوصله ... انا شاكك ان الفيوز التحرق بس المتور لسه شغال ... مش متأكد لسه

هتلاقى فى البوكس الى عند الماتور فيوز اسمه eps دا بتاع الباور الكهرباء شوفه كدا محروق ولا لا مع ان لو محروق اللمبه هتنور بس ممكن يكون اللمبه محروقه هيا كمان

وجرب زى ما قولتلك تفصل البطاريه لمده دقيقتين وتوصلها تانى

[FidoMido]

مممم للأسف مش قادر اوصله اللى موجود عندى فيوز احمر كبييييير لوحده .... لو ممكن صوره لعلبه الفيوزات هكون متشكر جدا .....

[Mody_Lancer]

ياتري ياخ ميدو وصلت لحل لموضوع تقل الباور لان مشكلتك زى مشكلتي بالظبط

[FidoMido]

ياتري ياخ ميدو وصلت لحل لموضوع تقل الباور لان مشكلتك زى مشكلتي بالظبط

لا والله لسه بس لما بظبط ضغط العجل بحس الموضوع اتظبط شويه .... بس برده مش زى الأول !!!!