الماستر العمومى لتويوتا 97 الملكة

[s_sherif]

المشكلة باختصار ان الزيت بيقل عندى وفية تسريب من عند الماستر العمومى روحت المكانيكى قاللى ان الماستر عاوز يتغير روحت لبتاع قطع الغيار تويوتا الاصلى بكرى اللى فى الدقى قالى مالهاش لزمة طقم الاصلاح كفاية وتمنة 275 جنية هو الماستر متصمم علشان يتغير بس طقم اصلاحة وكمان الماستر هايكون غالى حدود الف روحت للمكانيكى قالى لاء مش هايكون كويس اشترى اى ماستر حتى لو مش التويوتا الاصلى احسن000 عايز النصيحة ولو حد مرت علية الحكاية دى

وشكرا

[Ahmed Galal]

الموضوع ما عداش عليا بس انصحك بماستر كامل و لو حتى استيراد وممكن يطلع كويس و مش هايبقا غالى

[Omar.Shawki]

انا عدى عليه الموقف ده
اول حاجة عملتها غيرت الماستر بماستر تانى يابانى بس مش فاكر سعره كام بس هو معداش 300 جنيه وبرضه مش فاكر قعد معايا قد ايه بس حصلت نفس المشكلة تانى بعد وقت مش طويل
بعد كده جبت طقم اصلاح وشغال معايا لغاية دلوقتى بقاله اكتر من سنتين وكلفنى حوالى 50 جنيه بالمصنعية
ملحوظة : انا بتكلم على الجزء اللى راكب فيه القربة بتاعة زيت الفرامل
طقم الاصلاح ده عبارة عن جوانات صغيرة مطاط
دى تجربتى للاستفادة منها
رأيى الشخصى تجيب طقم الاصلاح سواء الاصلى او العادى زى اللى انا ركبته حسب المقدرة المادية الحالية
لان المشكلة كلها بتيجى من تلف هذه الجوانات وبتسرب زيت والهيكل الخارجى مالوش دعوة.

[s_sherif]

شكرا للاهتمام اولا
انا شوفت طقم الاصلاح النهاردة دة وهو عبارة عن علبة صغيرة جواها عدد 2 بيستم ( سوستتين) وكاوتشات صغيرة مش ومكتوب على العلبة bestim kit هى دى اللى قصدك عليها
بس الميكانيكى مش عايزنى اركبها مش عارف هو مكسل يفك وكدة ولا عندة حق--
وعلى فكرة اسعار الماستر كالاتى للافادة
الاصلى (البرجسى) 980 جنية -اليابانى 350 جنية السرساوى - التايوانى 160 جنية سعيد الضاهر
انا لسة مجبتوش اية رايكم علشان محتار اجيب اية فيهم انا ناوى اشوف شكل التايوانى بكرة قبل ما اقرر

[Omar.Shawki]

شكرا للاهتمام اولا
انا شوفت طقم الاصلاح النهاردة دة وهو عبارة عن علبة صغيرة جواها عدد 2 بيستم ( سوستتين) وكاوتشات صغيرة مش ومكتوب على العلبة bestim kit هى دى اللى قصدك عليها
بس الميكانيكى مش عايزنى اركبها مش عارف هو مكسل يفك وكدة ولا عندة حق--
وعلى فكرة اسعار الماستر كالاتى للافادة
الاصلى (البرجسى) 980 جنية -اليابانى 350 جنية السرساوى - التايوانى 160 جنية سعيد الضاهر
انا لسة مجبتوش اية رايكم علشان محتار اجيب اية فيهم انا ناوى اشوف شكل التايوانى بكرة قبل ما اقرر

هو ده فعلا طقم الاصلاح بس هو استخدم ال2 بيستم القدام وغير الكاوتشات كلها
اعتقد هو مكسل يفك