استهلاك البنزين للكورولا الجديدة

[eidthe4th]

السلام عليكم.....
أنا معايا كورولا موديل 2009 جنوب أفريقى موتور 1600 سى سى ، أنا عارف إن اليابانى عموما وتويوتا خصوصا أستاذة توفير فى استهلاك البنزين ، فكرت من أسبوعين أحسب استهلاكها من باب العلم بالأرقام ، أنا كنت متوقع 250 كم/الصفيحة جوة البلد و 350 كم/الصفيحة على الطرق السريعة .... يعنى حاجة زى كدة ، المفاجأة كانت إنى استهلكت حوالى 36 لتر فى حوال 270كم يعنى تقريبا 150 كم/الصفيحة ، ممكن أقول إن نص المسافة داخل المدينة و النص التانى طرق سريعة ، وبما إن التكييف عندى كان فيه مشكلة فكنت أحيانا أشغله و أحيانا لأ ، طبعا 150 كم/الصفيحة ده رقم قليل جدا ، السؤال بقى لكل من يمتلك التويوتا و حسب استهلاك عربيته يقوللى استهلاكها معاه أد ايه ؟؟؟؟؟؟؟؟، ولو عندى الاستهلاك عالى المفروض أعمل ايه؟؟؟؟؟؟؟؟؟؟ آه ...نوع البنزين اللى باستخدمه 92.

[sas5]

كرولا 2010 اتوماتيك جنوب افريقى 165 - 170كم فى العشرين ليتر - التكييف شغال - داخل البلد

[Unendlich]

340-350 في الصفيحة في سفرية الساحل
290-300 من مصر الجديدة للتجمع الخامس

[eidthe4th]

340-350 في الصفيحة في سفرية الساحل
290-300 من مصر الجديدة للتجمع الخامس


هى العربية دى نوعها ايه و كام سى سى؟؟؟؟؟؟

[eidthe4th]

كرولا 2010 اتوماتيك جنوب افريقى 165 - 170كم فى العشرين ليتر - التكييف شغال - داخل البلد

طيب و حضرتك شايف كده طبيعى ولّا الاستهلاك عالى؟؟؟؟؟

[sas5]

طيب و حضرتك شايف كده طبيعى ولّا الاستهلاك عالى؟؟؟؟؟

عالى شويه بسبب التكييف فى الصيف
فى الشتاء 190 - 200كم داخل البلد

كان معى سابقا نيسان صنى 2007 انوماتيك استهلاك البنزين فى داخل البلد فى الصيف بالمكيف 150 - 160 كم فى العشرين ليتر

[Unendlich]

هى العربية دى نوعها ايه و كام سى سى؟؟؟؟؟؟

كورولا 1600 mmt موديل 2008

[eidthe4th]

كورولا 1600 mmt موديل 2008

يعنى نفس عربيتى تقريبا بس فرق الموديل ، طيب هو حضرتك حسبتها إزاى لأنك بتقول 340 - 350 يعنى مش بالضبط ، و ايه نوع البنزين و هل ده بالتكييف و لا من غيره و هل العربية كده من يوم ما اشتراتها و لا عملت فيها حاجة......؟ ، أنا آسف للأسئلة الكتيرة بس أنا عايز أعرف أنا كده عندى حاجة غلط و لا لأ.

[hn_kamal]

فى التابلوه حتلاقى الزرار بتاع درجة الحرارة ممكن تدوس عليه يديلك معدل استهلاك البنزين كام كيلو للتر

[eidthe4th]

فى التابلوه حتلاقى الزرار بتاع درجة الحرارة ممكن تدوس عليه يديلك معدل استهلاك البنزين كام كيلو للتر

هو فعلا بيكتب انت بتستهلك كام لتر فى ال 100 كم و ده حسب دوستك على البنزين و السرعة و الغيار اللى انت ماشى عليه. بس ده مش هو الاستهلاك الفعلى بتاع العربية ، أنا عايز حد يكون حسبها بنفسه زى ما أنا عملت ، يعنى يفول العربية و يصفر عداد ال Trip-A أو Trip-B و يمشى مثلا لحد نص التانك و يفول تانى و يقسم المسافة اللى قطعها على عدد اللترات و يضرب فى 20.

[Ahmod]

انا شايف ان استهلاك حضرتك للبنزين معقول

يعني 150 كم في الصفحية داخل البلد مع التكييف والزحمة يعتبر كويس

لان خاصا الزحمة دي بتأثر بشكل رهيب + التكييف + دوستك على البنزين عاملة ازاي هل بتدوس جامد ولا العربية بتاخد غيارتها براحتها

انا معايا ياريس 1300 اتوماتيك واستهلاك البنزين عندي يكاد يكون مقارب للاستهلاك عند حضرتك

[eidthe4th]

انا شايف ان استهلاك حضرتك للبنزين معقول

يعني 150 كم في الصفحية داخل البلد مع التكييف والزحمة يعتبر كويس

لان خاصا الزحمة دي بتأثر بشكل رهيب + التكييف + دوستك على البنزين عاملة ازاي هل بتدوس جامد ولا العربية بتاخد غيارتها براحتها

انا معايا ياريس 1300 اتوماتيك واستهلاك البنزين عندي يكاد يكون مقارب للاستهلاك عند حضرتك

ما هو المسافة كلها مش فى الزحمة و التكييف ما اشتغلش كتير و العربية أنا هادى معاها أوى ، و اللى بردو محسسنى إن استهلاكى عالى هو اللى بسمعه عن استهلاك العربيات التانية اللى هى بردو 1600 سى سى ، فبقول يمكن يكون عندى حاجة عايزة تظبيط.

[Ahmod]

ما هو المسافة كلها مش فى الزحمة و التكييف ما اشتغلش كتير و العربية أنا هادى معاها أوى ، و اللى بردو محسسنى إن استهلاكى عالى هو اللى بسمعه عن استهلاك العربيات التانية اللى هى بردو 1600 سى سى ، فبقول يمكن يكون عندى حاجة عايزة تظبيط.

انا مش عارف صراحة ده استهلاك يعتبر عالي ولا معقول

خاصا لان عربيتي 1300 فصعب اقارن بالاستهلاك عندي لانه طبيعي لازم يكون احسن

انا رايي حضرتك استنى لحد ماعلامة البنزين تنورك بعدين حط 20 لتر

وشوف عداد الكيلو متر انت ماشي بيه قد ايه

ولما تيجي العلامة تنور مرة تانية شوف قطعت كام كيلو

وحاول انك في الفترة دي ماتشغلش التكييف وبمى ان العربية عندك MMT يبقى تنقل بدري يعني مثلا ممكن تديها رابع وانت لسه على سرعة 70

اول 20 تاني 40 وهكذا يعني تنقل مابين 2-3 Rpm ماتعلاش عن كدة

واعمل التجربة دي مثلا مرتين وشوف وان شاء الله هيبقى مافيش حاجة وابقى طمنى طلع معاك الاستهلاك قد ايه

[Unendlich]

يعنى نفس عربيتى تقريبا بس فرق الموديل ، طيب هو حضرتك حسبتها إزاى لأنك بتقول 340 - 350 يعنى مش بالضبط ، و ايه نوع البنزين و هل ده بالتكييف و لا من غيره و هل العربية كده من يوم ما اشتراتها و لا عملت فيها حاجة......؟ ، أنا آسف للأسئلة الكتيرة بس أنا عايز أعرف أنا كده عندى حاجة غلط و لا لأ.

ماهو أكيد مش كل سفرية هيبقى هو هو نفس الرقم بالملي
بنزين 92
تكييف ساعات ساعات
و بحسبه باني اصفر العداد أثناء التفويل و لما آجي أفول تاني بضرب عدد الكيلومترات في 20 و اقسم على عدد الليترات

[eidthe4th]

انا مش عارف صراحة ده استهلاك يعتبر عالي ولا معقول

خاصا لان عربيتي 1300 فصعب اقارن بالاستهلاك عندي لانه طبيعي لازم يكون احسن

انا رايي حضرتك استنى لحد ماعلامة البنزين تنورك بعدين حط 20 لتر

وشوف عداد الكيلو متر انت ماشي بيه قد ايه

ولما تيجي العلامة تنور مرة تانية شوف قطعت كام كيلو

وحاول انك في الفترة دي ماتشغلش التكييف وبمى ان العربية عندك mmt يبقى تنقل بدري يعني مثلا ممكن تديها رابع وانت لسه على سرعة 70

اول 20 تاني 40 وهكذا يعني تنقل مابين 2-3 rpm ماتعلاش عن كدة

واعمل التجربة دي مثلا مرتين وشوف وان شاء الله هيبقى مافيش حاجة وابقى طمنى طلع معاك الاستهلاك قد ايه

أنا إن شاء الله هاحسبها تانى بس بنفس الطريقة لأنى أخاف أسيب التانك لحد اللمبة ما تنور أحسن يكون فى وساخة فى التانك فيعمل مشكلة فى الرشاشات.