Tweet
السلام عليكم ورحمة الله وبركاته
بعد مشوار ورحلة طويلة من اللف والسؤال هنا وهنا وهنا
وبعد حيرة طويلة مابين الجنط ال 15 و ال 16 وانواع الكاوتشات
الحمد لله النهارده خلصت الموضوع نهائيا وركبت الجنوط والحمد لله كل حاجة عشرة على عشرة
كنت ناوي اركب جنوط من اشرفكوا لحد امبارح بليل وخلاص رتبت اموري وبالصدفة وانا بقلب في المشاركات لقيت لمشاركة لكريم منير
بيقول انه انضف انواع الجنوط التيواني هو الهايجين وان التشكيلة اللى موجودة عند ارابكوم افضل بكتير من اللى موجودة عن اشرفكوا وانه ركبه في عربيته الكورلا وبيشكر فيه
قلت اروح اشوف توكلت على الله ونزلت
لقيت جنط شدني جدا وشكله عجبني دفعت عربونه ورحت اشتريت الكاوتش من عند اشرفكو لان المقاس اللى كنت عايزه ماكنش موجود منه عند ارابكوم الا نوع الماني وكان الفردة ب 700 جنيه وده كان خارج الميزانية
جبت الكاوتش ورجعت لارابكوم ركبت وبصراحة الناس عشرة على عشرة وقمة في الذوق والاحترام والمواعيد مافيش ربع ساعة كانت العربية خلصت وشغل نظيف وكل حاجة ممتازة
جبت كاوتش اندونيسي اكسيلرا مقاس 195/50/16 الفردة عاملة 500 جنيه ونزلتها ل 450 بعد الفصال
الجنط هايجين تيواني مقاس 16 الطقم عامل 3100 وبعد الفصال بطلوع الروح اخدته على 2800
طبعا مش هقدر ادي انطباعي عن العربية سواء احساس العفشة او المطبات او غيره لاني لسه مركب الجنوط والكوتشات النهارده ويدوب ماعملتش بيهم الا مشوار الرجوع من مدينة نصر لفيصل
لكن بشكل عام حسيت الدركسيون تقل شوية عن الاول العربية بقت اثبت شوية عن الاول خاصا في الملفات والمنحنيات بقيت بحس العربية ماسكة نفسها وثابتة في الارض
محستش ان فيه اختلاف في العفشة انها نشفت او غير كدة وكنت حاسس الامور تكاد تكون طبيعية
السحب مش هقدر اتكلم عليه لاني كنت حاطط الاربع فرد القديمة في الشنطة وكان معايا 3 زمايلي فالعربية كانت تقيلة
ان شاء الله بعد كام يوم هنقل لحضراتكم الصورة الكاملة وحالة العربية واذا كان فيه فرق في نعومة العفشة والكاوتش وما الا ذلك ان شاء الله
للاسف ماقدرتش اخد الا صورتين للعربية ومش واضحة اوي لان الدنيا بليل والعربية متبهدلة عايزة تتغسل وتتظبط
ان شاء الله فيه تعديلات ناوي اعملها في العربية من برة واولها اني اشيل الاستيكر العقيم اللى انا حاطه على الباب ده
في النهار ان شاء الله وبعد ماظبط باقي الحجات اللى ناوي عليها في شكل العربية من الخارج هصورها واعرضها لحضراتكم
ودي الصورتين اللى خدتهم للعربية النهارده بعد تركيب الجنوط مباشرة وان شاء الله هيبقى فيه صور اوضح من كدة
بعد مشوار ورحلة طويلة من اللف والسؤال هنا وهنا وهنا
وبعد حيرة طويلة مابين الجنط ال 15 و ال 16 وانواع الكاوتشات
الحمد لله النهارده خلصت الموضوع نهائيا وركبت الجنوط والحمد لله كل حاجة عشرة على عشرة
كنت ناوي اركب جنوط من اشرفكوا لحد امبارح بليل وخلاص رتبت اموري وبالصدفة وانا بقلب في المشاركات لقيت لمشاركة لكريم منير
بيقول انه انضف انواع الجنوط التيواني هو الهايجين وان التشكيلة اللى موجودة عند ارابكوم افضل بكتير من اللى موجودة عن اشرفكوا وانه ركبه في عربيته الكورلا وبيشكر فيه
قلت اروح اشوف توكلت على الله ونزلت
لقيت جنط شدني جدا وشكله عجبني دفعت عربونه ورحت اشتريت الكاوتش من عند اشرفكو لان المقاس اللى كنت عايزه ماكنش موجود منه عند ارابكوم الا نوع الماني وكان الفردة ب 700 جنيه وده كان خارج الميزانية
جبت الكاوتش ورجعت لارابكوم ركبت وبصراحة الناس عشرة على عشرة وقمة في الذوق والاحترام والمواعيد مافيش ربع ساعة كانت العربية خلصت وشغل نظيف وكل حاجة ممتازة
جبت كاوتش اندونيسي اكسيلرا مقاس 195/50/16 الفردة عاملة 500 جنيه ونزلتها ل 450 بعد الفصال
الجنط هايجين تيواني مقاس 16 الطقم عامل 3100 وبعد الفصال بطلوع الروح اخدته على 2800
طبعا مش هقدر ادي انطباعي عن العربية سواء احساس العفشة او المطبات او غيره لاني لسه مركب الجنوط والكوتشات النهارده ويدوب ماعملتش بيهم الا مشوار الرجوع من مدينة نصر لفيصل
لكن بشكل عام حسيت الدركسيون تقل شوية عن الاول العربية بقت اثبت شوية عن الاول خاصا في الملفات والمنحنيات بقيت بحس العربية ماسكة نفسها وثابتة في الارض
محستش ان فيه اختلاف في العفشة انها نشفت او غير كدة وكنت حاسس الامور تكاد تكون طبيعية
السحب مش هقدر اتكلم عليه لاني كنت حاطط الاربع فرد القديمة في الشنطة وكان معايا 3 زمايلي فالعربية كانت تقيلة
ان شاء الله بعد كام يوم هنقل لحضراتكم الصورة الكاملة وحالة العربية واذا كان فيه فرق في نعومة العفشة والكاوتش وما الا ذلك ان شاء الله
للاسف ماقدرتش اخد الا صورتين للعربية ومش واضحة اوي لان الدنيا بليل والعربية متبهدلة عايزة تتغسل وتتظبط
ان شاء الله فيه تعديلات ناوي اعملها في العربية من برة واولها اني اشيل الاستيكر العقيم اللى انا حاطه على الباب ده
في النهار ان شاء الله وبعد ماظبط باقي الحجات اللى ناوي عليها في شكل العربية من الخارج هصورها واعرضها لحضراتكم
ودي الصورتين اللى خدتهم للعربية النهارده بعد تركيب الجنوط مباشرة وان شاء الله هيبقى فيه صور اوضح من كدة
Comment