إعـــــــلان

Collapse

.

,
See more
See less

إستشارة في دورة تبريد كورولا الملكة +الكمبروسور من خبراءها

Collapse
X
 
  • Filter
  • الوقت
  • Show
Clear All
new posts

  • إستشارة في دورة تبريد كورولا الملكة +الكمبروسور من خبراءها

    الاخوة الاعزاء خبراء كورولا الملكة

    تحياتي لكم جميعا واتمني ان تكونوا بخير وترجعوا لمواضيع الملكة وتنشط ونعمل شغل مفيد لنا جميعا ..

    السيارة كورولا 1993 -1300 -2e مانيوال
    سؤالي الاول :بخصوص قربة المياه التبريد انا بعمل الصيانة دوريا وتغسل وتغير المياه كل فترة مياه خضراء وبعدها لا انظر اليها للمتابعة لكن دايما لما اركز واتابع ازود لحد علامة الماكس في الجزء العلوي من القربة العربية ممكن تسخن اسرع والمروحة تشتغل اكتر للتبريد والمياه بعدها تنقص بسرعة لحد علامة المينيمم او تحتها من مشوار واحد او اتنين وتظل قرب قاع القربة لكن الحمد لله الحرارة تتحسن ولاتسخن كثيرا .. هل هذا هو الطبيعي ان تكون المياه قرب القاع علي المنيمم ونظرت ولم اجد اي تسريب واضح في الحوض او تحت السيارة .ولا يكون الموضوع به مشكلة اخري باي جزء لا قدر الله .

    ثانيا: عندي صوت تكتكة خفيفة في بليه كمبروسور كورولا 93 الكبروسور الاصلي لم يتغير وبالنظر للبلية المركب عليها سير التكييف بها رفة خفيفة يظهر الصوت احيانا عند عدم تشغيل التكييف في الوضع السلانسيه او السيارة مشي بطئ ع التاني مثلا وتختفي عند تشغيل التكييف تماما . ويتعدل وضع البليه مع العلم ان السيارة قريبا عملت صيانة تكييف وتنظيف وتزويد فريون والنتيجة تكييف بارد جدا لكن... الصوت موجود من البليه عند عدم تشغيل التكييف ..

    ثالثا: هل عند تشغيل التكييف الموتور يبرد احسن نتيجة لعمل مروحة سربنتينة التكييف وتبريدها للردياتير والموتور ايضا.انا بلاحظ كده .
    رابعا : هل يظهر اي اثر لعدم تنظيف الكبراتير من مدة حيث لاحظت دخان قليل جدا اسود خفيف ولا الموضوع ضبط خليط الوقود والهواء بالكربراتير مع العلم ان الموتور ممتاز ويطلع مياه خفيفة متكثفة من الشكمان والاستهلاك ممتاز ولايوجد اي رائحة بنزين وبتدور بشكل جيد جدا في بدايه التشغيل .
    أخيرا اريد ان اعرف ورشة ميكانيكا متخصصة تويوتا محترمة اذا احتجنا اي شغل .. حيث ان التوكيلات زحمة جدا وغالية .
    في انتظار مشورتكم وخبراتكم وجزاكم الله خيرا ...
    Avatar سابقا

  • #2
    بسم الله باختصار عندي ملكه 97
    1-مياه عاديه ولا يصح ان تترك المياه الي ان تصل الي الحد الادني
    2- بخصوص بليه التكيف للكومبروسر ام لشداد سير التكييف لانه لايوجد عندي طلمبه باور وسير التكييف يعمل علي شداد تقصد ده ولا لا
    3-التكييف حمل زائد لذلك يتم تشغيل المروحتين معا في البدايه ثم بعد ذلك يلاحظ واحده بتفصل وواحده بتشتغل علي حسب اشاره الحساس الخاص بها وخد في اعتبارك ان العربيه سخنه اكثر مع التكييف
    اخر حاجه الدخان الاسود خليط البنزين غني اي نسبه البنزين للهواء عاليه تقدر تقولي عربيتك بتعمل كام في الصفيحه ونوع البنزين والسلام عليكم

    Comment


    • #3
      السلام عليكم ورحمة الله وبركاته وشكرا لاهتمامك استاذ مندور..
      المشكلة في موضوع المية خضرا زي ما ذكرت اني لما بزودها لحد العلامة العليا تنقص سريعا الي الحد الادني من مشوارين في يومين وتثبت بعد ذلك عند الحد الادني او اقل بقليل
      الصوت والرفة صادر من من البلية الملحقة بجسم الكمبروسور نفسه وليس بلية الشداد
      الاستهلاك تقريبا 250-270 ك في الصفيحة داخل المدينة وحوالي 300320 علي السريع والبنزين 92
      Avatar سابقا

      Comment


      • #4
        بسم الله

        الاجابه على استفساراتك
        1-اذا كانت دوره التبريد ليس بها تسريب ( مافيش رغوه فى الزيت بتاع المحرك ) او مافيش اى تسريب باين
        يبقى العيب عند حضرتك من غطاء القربه سواء لو قربه منفصله او الرادياتير حتى لو مش ظاهر التسرب فيهم فدول بيحتاجوا يتغيروا لانهم بيظبطوا ضغط ماء التبريد ولو الغطاء بينفد هواء يبقى الميه بتتبخر بسرعه

        2- قد يكون الطنبوره بتاعت التكيف فيها رفه نفسها وهتحتاج انها تتغير

        3- طالما ان المؤشر لا يتحرك من مكانه عند تشغيل او اطفاء التكيف فساعتها نظام التبريد يعمل بكفائه انما لو زاد او قل المؤشر يبقىى فى خلل فى احدى الثرموستات

        4- خطا الى يقول ان المحرك بينزل ميه من الشكمان يبقى الاحتراق تمام وفى احسن حالاته
        ودا مش صحيح 100% ليه بقى ؟؟
        لان الشركات الى بتصمم العربيات بتحاول تتفادى منطقه تكون الندى والميه دى لان الميه دى من بتسبب فى تاكل الشكمان بسبب دوبان الاحماض بها
        انما معنى ان الميه تتكون فى الشكمان دا معناها ان الاحتراق للوقود معمول على اكبر heating value ودا مش الى بتحبه الشركات للحفاظ على الشكمان
        هتلاحظ ان العربيات الجديده وهيا شغاله ( مش فى بدايه التشغيل ) مش بنزل ميه
        فتفادى موضوع الميه دى علشان مايتاكلش الشكمان
        انما الدخنه السوداء دى ممكن تكون من الكربراتير عايز يتظبط او من البوجيهات

        5- لا اعرف :)


        مع تحياتى ... م/ عاصم جاد

        Comment


        • #5
          المشاركة الأصلية كتبت بواسطة asemx1 مشاهدة المشاركة
          بسم الله

          الاجابه على استفساراتك
          1-اذا كانت دوره التبريد ليس بها تسريب ( مافيش رغوه فى الزيت بتاع المحرك ) او مافيش اى تسريب باين
          يبقى العيب عند حضرتك من غطاء القربه سواء لو قربه منفصله او الرادياتير حتى لو مش ظاهر التسرب فيهم فدول بيحتاجوا يتغيروا لانهم بيظبطوا ضغط ماء التبريد ولو الغطاء بينفد هواء يبقى الميه بتتبخر بسرعه

          2- قد يكون الطنبوره بتاعت التكيف فيها رفه نفسها وهتحتاج انها تتغير

          3- طالما ان المؤشر لا يتحرك من مكانه عند تشغيل او اطفاء التكيف فساعتها نظام التبريد يعمل بكفائه انما لو زاد او قل المؤشر يبقىى فى خلل فى احدى الثرموستات

          4- خطا الى يقول ان المحرك بينزل ميه من الشكمان يبقى الاحتراق تمام وفى احسن حالاته
          ودا مش صحيح 100% ليه بقى ؟؟
          لان الشركات الى بتصمم العربيات بتحاول تتفادى منطقه تكون الندى والميه دى لان الميه دى من بتسبب فى تاكل الشكمان بسبب دوبان الاحماض بها
          انما معنى ان الميه تتكون فى الشكمان دا معناها ان الاحتراق للوقود معمول على اكبر heating value ودا مش الى بتحبه الشركات للحفاظ على الشكمان
          هتلاحظ ان العربيات الجديده وهيا شغاله ( مش فى بدايه التشغيل ) مش بنزل ميه
          فتفادى موضوع الميه دى علشان مايتاكلش الشكمان
          انما الدخنه السوداء دى ممكن تكون من الكربراتير عايز يتظبط او من البوجيهات

          5- لا اعرف :)


          مع تحياتى ... م/ عاصم جاد
          شكرا م-عصام وابدي اعجابي بموضوعاتك وثقافتك ومعلوماتك في عالم السيارات .

          ساقوم بتغيير غطيان الردياتير والقربة وان شاء الله خيرا .
          ارجو ارشادي كيف يمكن ضبط الموتور لتجنب المياه المتكثفة من الشكمان
          باقي الملاحظات تمام جزاك الله خيرا
          Avatar سابقا

          Comment

          Working...
          X