دينامو كورولا 2008 جنوب افريقى

[hanosh]

السلام عليكم
الدينامو عندى ابتدى يدى صوت حكة سألت قالولى البلية الداخلية عايزه تتغير سألت عند موزع لتويوتا قالى الدينامو كله يتغير مع انه مفيهوش حاجة مجرد البلية عايزة تتغير رحت لكذا كهربائى بس للاسف الدينامو محتاج مفتاح مسنن زى النجمة بس سنون كتيرة جدا ومش لاقيه عند حد كهربائى هنا فكنت بسأل عن حاجتين
1- ارقام تليفونات وعناوين اللى بيبيعوا قطع الغيار زى الدينامو بس يكون اصلى لانة التوكيل مبالغ جدا فى سعره فوق ال 4 الاف جنيه!!!!!!!!!!!!!!!!!!!!!!!
2- هل مكن الاقى فى الحرفيين حد يعرف يفك الدينامو ويغير البلية المشكلة كلها فى المفتاح وشكرا ليكم

[moosaleh]

ممكن حضرتك لخراط يكون شاطر يعملك مفتاح بالمقاس المطلوب ودى عمليه سهله جدا

[mahamedaraby]

بص حضرتك اختصار للوقت
مشكله المفكات بتاع العربيات دى اغلبها بتقى فى الاوروبى يعنى هتلاقيها عند الناس اللى شغاله فى الاوروبى
فهو حل ممكن ينفع وانك تشوف ماركه الدينمو ده ايه وتقريبا هيطلع تقريبا اوروبى يعنى بوش او ماركه زى دى وتشوف بينزل فى انى عربيه من العربيات الاوروبى زى الفولكس فاجن مثلا وتخليه هو اللى يصلحه وهيبقى فاهم اكتر فيه

[hanosh]

بص حضرتك اختصار للوقت
مشكله المفكات بتاع العربيات دى اغلبها بتقى فى الاوروبى يعنى هتلاقيها عند الناس اللى شغاله فى الاوروبى
فهو حل ممكن ينفع وانك تشوف ماركه الدينمو ده ايه وتقريبا هيطلع تقريبا اوروبى يعنى بوش او ماركه زى دى وتشوف بينزل فى انى عربيه من العربيات الاوروبى زى الفولكس فاجن مثلا وتخليه هو اللى يصلحه وهيبقى فاهم اكتر فيه

شكرا للرد هو فعلا ماركة دنزو وهو صناعة ايطالى
بس محدش فى التوكيلات بيصلح كله يقلك نركب واحد جديد
فبسأل اذا فيه حد ممتاز فى الحرفيين او حد واجهته نفس المشكلة وشكرا

[midnightman_74]

معلش سؤال برة الموضوع
هى العربية عاملة كام كيلو ؟

[hanosh]

معلش سؤال برة الموضوع
هى العربية عاملة كام كيلو ؟

95000 كيلو
ولو حنبدأ موضوع الجنوب واليابانى بلاش احسن والدينامو شغال زى الفل المشكلة فى البلية الداخلية وديه متعملش 20 جنيه وده عادى بيحصل المشكلة كلها فى فك الدينامو لانه محتاج مفتاح مشرشر وده غير متوافر عندى فى الغردقة وبفكر انزل الحرفيين
هو الحرفيين بيبدأو شغل الساعة كام بيفتحوا امتى يعنى؟؟؟؟؟؟
وشكرا

[Unendlich]

95000 كيلو
ولو حنبدأ موضوع الجنوب واليابانى بلاش احسن والدينامو شغال زى الفل المشكلة فى البلية الداخلية وديه متعملش 20 جنيه وده عادى بيحصل المشكلة كلها فى فك الدينامو لانه محتاج مفتاح مشرشر وده غير متوافر عندى فى الغردقة وبفكر انزل الحرفيين
هو الحرفيين بيبدأو شغل الساعة كام بيفتحوا امتى يعنى؟؟؟؟؟؟
وشكرا

طب الجماعة اياهم هيقولوا إيه على الجنوب افريقي إذا كان الدينامو نفسه ايطالي ؟؟؟
عامة الحرفيين دول بشوات و بيفتحوا مش قبل 11-12 و ممكن بعد كده كمان, بس طبعا بتختلف من محل للتاني

[midnightman_74]

95000 كيلو
ولو حنبدأ موضوع الجنوب واليابانى بلاش احسن والدينامو شغال زى الفل المشكلة فى البلية الداخلية وديه متعملش 20 جنيه وده عادى بيحصل المشكلة كلها فى فك الدينامو لانه محتاج مفتاح مشرشر وده غير متوافر عندى فى الغردقة وبفكر انزل الحرفيين
هو الحرفيين بيبدأو شغل الساعة كام بيفتحوا امتى يعنى؟؟؟؟؟؟
وشكرا

ياعم بالراحة علينا شوية
انا معايا نفس العربية موديل 2009 وبسالك عشان اعرف مش اكتر

[mahamedaraby]

بص زى ما قوتلك هو اكيد هتلاقيه فى عربيه اوروبى تانيه حاول تعرف ايه وتروح لحد فى الحرفين يكون متخصص فى العربيه الاوروبى وده هيختصر عليك كتير وهتلاقه معاه مفكتها وكل حاجه
اصل انا برضوا عندى كده فى الاوبل والمفك بتاع العربيه موجود عند اى حد متخصص فى اوبل

[hanosh]

طب الجماعة اياهم هيقولوا إيه على الجنوب افريقي إذا كان الدينامو نفسه ايطالي ؟؟؟ :oc_sun1[1]:
عامة الحرفيين دول بشوات و بيفتحوا مش قبل 11-12 و ممكن بعد كده كمان, بس طبعا بتختلف من محل للتاني

شكرا ليك انا فعلا ناوى اروح فى الميعاد ده

[wwaeel]

انا عندي الدنمو عمل صوت خشونه وانا كنت عامل 95 الف كم والتوكيل قالي بليه وغيرلي الدينمو كله في الضمان علي حسابهم واضح ان البلي بتاع الدينمو ده عمره الافترادي لحد 100 الف كم

[egyptiandiver]

100 / 100 Mr. Mohamed Badry

[hanosh]

انا عندي الدنمو عمل صوت خشونه وانا كنت عامل 95 الف كم والتوكيل قالي بليه وغيرلي الدينمو كله في الضمان علي حسابهم واضح ان البلي بتاع الدينمو ده عمره الافترادي لحد 100 الف كم

اظاهر كده بس انا اصلى كنت خلصت الضمان بمرور 3 سنوات انا الحمد لله نزلت الحرفيين عند حد كنت سالت عليه قبل كده وفك الدينامو وكانت البلية الداخلية هيه اللى باظت وغيرت الداخلية والخارجية بالمرة بدل ما تعملها الخارجية كمان رحت اشتريتهم من توكيل البلى skf وركبتهم واخد من الراجل حوالى 6 ساعات علشان الفك كام مقرف جدا والحمد لله ركبته تانى وزى الفل بقى
الصنايعى اخد 50 جنيه والبليتين الداخلية والخارجية كلفوا حوالى 70 جنيه يعنى كله على بعضه حوالى 120 جنيه والتوكيل كان عايز اغيره بجديد بحوالى 4500 جنيه مع انى سعره بره وهو هو الدينامو وجديد بحوالى 600 جنيه!!!!!!!!!!!!!!!!!!!!!!!!!!!!!!!!!!!!!!!!!!!!
ولا تعليق
وكمان كان عندى الكرتيرة اليمين اللى بتلم التراب والطينة فوق الكاوتش عايزه تتغير التوكيل كان قايل 500 جنيه اشتريتها من التوفيقية ب 80 جنيه جديدة وهيه هيه ديه اخرتها بتلم تراب وطين وبلاستك اصلا
ولا تعليق على التوكيل!!!!!!!!!!!!!!!!!!!!!!!!!!!!!!!!!!!!!!
وشكرا

[wwaeel]

اظاهر كده بس انا اصلى كنت خلصت الضمان بمرور 3 سنوات انا الحمد لله نزلت الحرفيين عند حد كنت سالت عليه قبل كده وفك الدينامو وكانت البلية الداخلية هيه اللى باظت وغيرت الداخلية والخارجية بالمرة بدل ما تعملها الخارجية كمان رحت اشتريتهم من توكيل البلى skf وركبتهم واخد من الراجل حوالى 6 ساعات علشان الفك كام مقرف جدا والحمد لله ركبته تانى وزى الفل بقى
الصنايعى اخد 50 جنيه والبليتين الداخلية والخارجية كلفوا حوالى 70 جنيه يعنى كله على بعضه حوالى 120 جنيه والتوكيل كان عايز اغيره بجديد بحوالى 4500 جنيه مع انى سعره بره وهو هو الدينامو وجديد بحوالى 600 جنيه!!!!!!!!!!!!!!!!!!!!!!!!!!!!!!!!!!!!!!!!!!!!
ولا تعليق
وكمان كان عندى الكرتيرة اليمين اللى بتلم التراب والطينة فوق الكاوتش عايزه تتغير التوكيل كان قايل 500 جنيه اشتريتها من التوفيقية ب 80 جنيه جديدة وهيه هيه ديه اخرتها بتلم تراب وطين وبلاستك اصلا
ولا تعليق على التوكيل!!!!!!!!!!!!!!!!!!!!!!!!!!!!!!!!!!!!!!
وشكرا

يا ريت تقولنا اسم الراجل وفين بالظبط في الحرفيين عنوانه ايه وتليفونه واشتريت الكاريتيره من عند مين بالظبط في التوفيقيه ولك جزيل الشكر

[Formulator]

انك تشوف ماركه الدينمو ده ايه وتقريبا هيطلع تقريبا اوروبى يعنى بوش او ماركه زى دى وتشوف بينزل فى انى عربيه من العربيات الاوروبى زى الفولكس فاجن مثلا

تويوتا مابتحطش فـ عربياتها أى حاجة من Bosch.. اللهم الا الفرامل, و برضه عشان مالقوش حد فـ اليابان يعملهم ABS زى بتاع البوش الألمانى..؟!!
كل المكونات الميكانيكية والكهربائية فى التويوتا هتلقاها من انتاج شركة Denso اليابانية (مش ايطالية , حتى لو مكتوب عـ العلبة made in italy.. ده مصنعهم فـ أوروبا)
Denso بتورد لتويوتا: injection, ECU, كنترول, طلمبات بنزين وزيت ومياه, دينامو, تكييف, بوجيهات...etc ؟؟!!!
ولو بيعرفوا يعملوا فرامل ABS كانوا جابوها من دينسو..!!

اللى بيجيب كل حاجة من Bosch هى: فولكس, أوبل, فيات, رينو, بيجو... etc!! معظم الأوروبيين.. عشان صناعة محلية عندهم, فـ بيبقى أقل فـ التكلفة.. ده غير أنه الأفضل فـ العالم (بوش طبعا).. ثقافة المكونات يافندم..!!
وأفتكر صاحب الموضوع قال انه Denso, وتقدروا تتأكدوا من بقية المكونات.. مش بوش خااااااالص.. الـBosch غالى عليهم, فـ تويوتا بتركب ماركة أقل (denso طبعا) وأرخص..؟!!

إذا كان الدينامو نفسه ايطالي ؟؟؟

الدينامو الـBosch سواء صناعة ألمانى أو ايطالى.. بيعيش بعمر العربية.. آخره يتغير له سير!!
وده مايمنعش أن الأوربيين بيجيبوا حاجات من denso برضه:
كمبريسور التكييف, ومواتير المساحات..!!!