تحدى الافيو واليارس

[flymido]

كان قدامى عربييتين وكنت محتار بينهم بس فى الاخر النصيب لعب لعبته وخت واحده منهم
بس عايز اخد رايكم فيهم وفى اخر الموضوع هقلكم انا خت مين
1- ياريس 2008 هاف اوبشن مانول عامله 55 الف كيلو اللون اسود فابريكه دواخل راشه بالكامل نظافه وفى معرض انا اثق فيه لانه جنب بيتى مطلوب نهائى 65 الف
2- افيو 2009 هاف اوبشن مانول ومركب ازاز كهرباء رباعى فابريكه بالكامل عامله 19 الف كيلو صاحبها محافظ عليها وعلى حالتها ومطلوب نهائى 62.500 الف
ايه رايكم لو مكانى تختار ايه ؟؟؟؟؟؟؟؟

[Dr/ P.K.Sh]

aveo tab3an

[charming]

الافيو لا طبعا حتى لو زيرو و دى لاسباب معروفة
الياريس لا بردو مينفعش اشترى عربية رشة السقف و الكبوت والشنطة و صاحبها يقول نضافة

[ramy01011]

لو بتقارن بين اليارس و الافيو عموما يبقي اليارس طبعا و بدون اي تردد لاكن اليارس اللي انت بتقول عليها دي لا خالص

[Ahmod]

فرق الحالة يا باشا

المستعمل لما تيجي تقارن مابين عربيتين اول حاجة لازم تحطها في اعتبارك فرق الحالة حتى لو عربية افضل من التانية كزيرو

لكن هنا الحالة بترجح لحضرتك الافيو الا لو كانت الياريس انت متاكد ان حالتها كويسة سعتها يبقى الياريس بدون تفكير

[BLOODY_STONE]

هو في حاجة اسمها راشة العربية كلها نضافة؟!
الحالة هنا الافيو احسن ....

[apoadel_vip]

هو في حاجة اسمها راشة العربية كلها نضافة؟!
الحالة هنا الافيو احسن ....

+11111111111

[memo823000]

طبعا اليارس بس بشرط
الكشف فى التوكيل وكويس جدا ولو حالتها نضيفه (لان 55 الف بالنسبه لليارس كانها زيرو) هخلص فى اليارس
لان انا ليا خالى معاه يارس وعاملة بسم الله ماشاء الله 100 الف كيلو ووالله ولا عملها اى حاجه خالص من ساعة ماشتراها زيرو غير تغيير الزيت وطبعا تفويل البنزين وشكرا

[shaddadfalcon1]

ازاي ياريس 2008 ورشه بالكامل نظافه؟
ده انا عربيتي لانوس طالع عينها من سنة 99 ومرشتش بالكامل نظافه
دي شكلها عامله حادثه محترمه ولا مقلوبه

[mando_07]

ازاي ياريس 2008 ورشه بالكامل نظافه؟
ده انا عربيتي لانوس طالع عينها من سنة 99 ومرشتش بالكامل نظافه
دي شكلها عامله حادثه محترمه ولا مقلوبه

لأ مش شرط خالص مانا عربيتي 2008 برضه وبفكر أرشها ومش عاملة حادثة أو أي حاجة في شوية خدوش بسيطة بس شوية على الكبود وشوية على الشنطة و طبعاً الابواب بس الفكرة أني بضايق لم ألاقي الحاجات دي في العربية فبفكر أرشها ولم أجي أبيعها ربنا يسهل وهو لو كشف في التوكيل هيفليله العربية

[flymido]

يا جماعه انا جبت الافيو
واللى ادخل فى الموضوع ده واحد صحبى كنت خلاص هخلص فى الياريس بس الصراحه مرحتش كشفت عليها
بس قبل ما اكشف قعد يقلى العربيه اليارس مصارفها وقطع غيارها خراب بيوت كمان هى كمان اقصدمها فبر اى خبطه بقيت فى الماتور
قلقت وكان فى واحد صحبه تانى كلمنى قلى كان عنده ياريس وبعها واكنه خلص منها
المهم جبت الافيو والحمد لله عربيه زى الفل بس مش هخبى عليكم كل ما اعدى على ياريس ادايق اليارس عربيه شيك جدا واحلى من الافيو فى كل حاجه بس فى الاخر نصيب الحمد لله على الافيو نصيبى

[Ahmod]

يا جماعه انا جبت الافيو
واللى ادخل فى الموضوع ده واحد صحبى كنت خلاص هخلص فى الياريس بس الصراحه مرحتش كشفت عليها
بس قبل ما اكشف قعد يقلى العربيه اليارس مصارفها وقطع غيارها خراب بيوت كمان هى كمان اقصدمها فبر اى خبطه بقيت فى الماتور
قلقت وكان فى واحد صحبه تانى كلمنى قلى كان عنده ياريس وبعها واكنه خلص منها
المهم جبت الافيو والحمد لله عربيه زى الفل بس مش هخبى عليكم كل ما اعدى على ياريس ادايق اليارس عربيه شيك جدا واحلى من الافيو فى كل حاجه بس فى الاخر نصيب الحمد لله على الافيو نصيبى

مش مشكلة والف الف مبروك عليك ربنا يكفيك شرها

والياريس اللى انت كنت ناوي عليها شكلها كانت حالتها صعبة وهتقرفك فكدة انت في السليم