اجيب صيني ولا استيراد

[aboslma]

السلام عليكم لاحلي منتدي عندي مشاكل في المساعدين الخلفيين كرولا 94 محتار اجيب صيني سعرة ب 340 جنية وهل الصيني بيعيش ولا اتحاد اوروبي 750 ولا اجيب استيراد من بور سعيد وانا خايف من الاستيراد جبت فردة قبل كدة ورشح زيت
ومعلشي في سؤال ثاني
انا عليت العربية من ورا باثنين ياي علشان المطبات طيب العلو دة يؤثر علي عمر المساعد وشكرا لاحلي منتدى

[aboslma]

فين الردود يا اهل الخبرة

[mido51eg]

انا معنديش ثقة في قطع الغيار اللي بيتكتب عليها اتحاد اوروبي او حتى الماني او ايطالي. كله بينضرب وبيتكتب عليه بلد الصنع اللي نفسك فيها. فطالما مضروب بمضروب يبقى هات الصيني اوفر بمقدار 50%. وابعد خالص عن الأستيراد في الحاجات اللي زي دي لأن عمرها مش مضمون.
فيه اقتراح لو رافض فكرة الصيني ، انك تجيب مساعدين مونرو على الأقل هتجيبها من الوكيل بتاعها وهو اللي هيركبهالك وبيدي ضمان سنة عليها.
كنت قرأت من فترة ان فيه بلد في القليوبية اسمها باسوس ولقبها (تايوان مصر) لأن كل قطع الغيار اللي بتنضرب بيضربوها هناك. واللي كان كاتب المقال كان حاطط صورة لغلاف قطعة غيار مكتوب
Made in Bassous-Germany

[aboslma]

الاخ mido ياسيدى كتر خيرك فرحت لما شوفت مشاركتك
ايوة كدة انا حاسس ان اعضاء المنتدي الكريم اخوة قلبهم علي بعض

[aboslma]

الحمد لله رحت النهاردة بورسعيد
وجبت المساعدين باليايات بالبطاحة الاثنين ب 400 جنية بدون فصال
الراجل ماسك علي 400 وان شاء الله بكرة نركبهم

[egyptiandiver]

ابعد خالص عن الأستيراد

[hugan]

المونرو لو اتحاد اوروبي اشتريهم
وركبهم وانت مغمض
الاستيراد غير مضمون

[M.Al-Hefnawy]

موفق ان شاء الله