مشكلة فى دركسيون اليارس

[wesssal]

السلام عليكم ورحمة الله
اشتريت سيارة يارس مستعملة موديل 2006 من شهر تقريبا اوتوماتيك
العربية مش ماشية كتير و حالتها ممتازة و كشفت عليها فى مركز صيانة الحمد للة مكنش فيها حاجة
بعد لما اشتريت لاحظت ان فى حاجة غريبة بس اكمن العربية جديدة عليا مركزتش معاها
بس بعد فترة حسيت انها فعلا مشكلة ولازم اعرف حلها
بحس ان مشوار الدركسيون كبير بمعنى ان الدركسيون بيلف بزيادة سواء فى اللف يمين او شمال
و الدليل على كدة ان فى الملفات لما اكسر الدركسيون على الأخر الدركسيون مبيردش تانى سواء كان الملف يمين او شمال
خايف تكون المشكلة كبيرة وانا حاطت فلوسى كلها فى العربية
ربنا يستر
ارجو الرد السريع و ان كان لازم حد يشوفها ممكن حد يوصفلى حد اروحلة فى اسكندرية

[asemx1]

معتقدش ان دى مشكله لو الزوايا مظبوطه الدركسيون مش بيرد تانى

الى تقلق منه انك مثلا لو ماشى على سرعه هاديه وجبت يمين وشمال ( مسافه صغيره ) ماتلاقيش العربيه بتحود معاك ودا معناها ان فى بوش فى الاسكاترا او البيض

عد عدد اللفات هتلاقيها فى اليمين او الشمال حوالى لفتين ونص او 3 على حسب ما افتكر جرب كدا

بس هتلاقيك لسه ما اتعودتش على العربيه مش اكتر

[wesssal]

شكرا على الرد
بس اكيد الدركسيون لازم يرد تانى بعد اللف فى الملفات الكلام دة فى كل العربيات اللى ركبتها قبل كدة
موضوع ظبط الزوايا دة فى الطوالى معتقدش ان لة تأثير فى الملفات

[asemx1]

لا طبعا كلام 100% خاطىء الزوايا تشمل كله السواقه المستقيمه والملفات

هناك 3 زوايا للعجله الواحده
زاويه الانفراج هيا المسئوله عن الملفات لو امتداد محوري العجلتين لا يلتقون فى نقطه واحده على امتداد محورين العجلتين الخلفيتين فاذا العربيه دى تحدف فى المشى وتسمع صوت صرخه فى الملفات وكمان يكون فى حمل على الدركسيون اثناء اللف فبالتالى تلاقى الدريكسيون وانتا بتلف تلاقيه عايز يرجع ( دا لو انتا بتلف على سرعه بطيئه ومش بتعمل تسارع )
انما لو لفيت على سرعه او بتعمل تسارع فقوه الطرد المركزيه بترجع العجله تاانى للوضع المستقيم

الموضوع اعقد من الى قولته بكتيير بس دا شرح مبسط واتمنى لو اعرف ارسملك شكل الزوايا بتاعت العجل واعرفك ان كل العربيات الى حضرتك سوقتها زواياها مش مظبوطه نظرا لان مافيش حد فى البلد دى بيفهم فى ظبط الزوايا

فى طبعا زوايا مسئوله عن ثبات العربيه فى الملفات وفى الفرمله وفى الاحمال وفى ............ ويطول الحديث

تحياتى لك ...... م/ عاصم جاد

[M.Al-Hefnawy]

دي مشكلة زوايا يا باشا حضرتك بس روح لأي حد بتاع زوايا كويس وان شاء الله هتلاقيها تمام.

[wesssal]

شكرا جزيلا
ان شاء اللة أروح لحد بتاع زوايا كويس و ارد عليكم
لو بجد القصة طلعت زوايا بس يبقى وفرتم علي كتير عشان فى ناس قلقتنى و قالتلى ان ممكن تكون علبة الدركسيون عاوزة تتغير و قصص كتير كدة بس ربنا يستر و تبقى على قد الزوايا بس

[BLOODY_STONE]

لو عايز حد في اسكندرية ابعتلي عالخاص و انا حساعد حضرتك ان شاء الله

[asemx1]

ههههههههههه علبه دريكسيون لياريس ؟؟؟؟ حرام عليك كدا بتهزء العربيه دى بقت حته منى خلاص هههههه

[أبو عبدالله]

السلام عليكم ورحمة الله
اشتريت سيارة يارس مستعملة موديل 2006 من شهر تقريبا اوتوماتيك
العربية مش ماشية كتير و حالتها ممتازة و كشفت عليها فى مركز صيانة الحمد لله مكنش فيها حاجة
بعد لما اشتريت لاحظت ان فى حاجة غريبة بس اكمن العربية جديدة عليا مركزتش معاها
بس بعد فترة حسيت انها فعلا مشكلة ولازم اعرف حلها
بحس ان مشوار الدركسيون كبير بمعنى ان الدركسيون بيلف بزيادة سواء فى اللف يمين او شمال
و الدليل على كدة ان فى الملفات لما اكسر الدركسيون على الأخر الدركسيون مبيردش تانى سواء كان الملف يمين او شمال
خايف تكون المشكلة كبيرة وانا حاطت فلوسى كلها فى العربية
ربنا يستر
ارجو الرد السريع و ان كان لازم حد يشوفها ممكن حد يوصفلى حد اروحلة فى اسكندرية

علشان نعرف نحدد مشكلة حضرتك مظبوط ياريت بس تشرح بشوية تفصيل ايه اللي انت ملاحظة في الدركسيون بالظبط
انت ملاحظ ان فيه عدد لفات اكتر ولا وربع لفه مثلا في ناحية ومش موجوده في الأخرى ولا ايه بالظبط
انا رايي واحتمالاتي ان مفيش اي مشكلة عند حضرتك غير انك كنت متعود على دركسيون في عربيه اخرى فلما ركبت حاجه تانيه حسيت باختلاف في عدد لفات الدكسيون او زاوية وقوف الدكسيون في اخره مش اكتر ولا اقل
اما مسألة الدركسيون يرجع لمكانه في الملفات فده برضه بيعتمد على طريقة السواقة
يعني انا ممكن اخد ملف بس براحه لدرجة ان الدركسيون ميرجعشي لوحده عادي او كاوتش العربيه نفسه نايم ومحتاج هواء في حاجات زي كده

انا منتظر توضيح منك علشان نحدد المشكلة فين بالظبط بدل ما تخلي حد يلعب في العربيه واحنا مش محتاجين اي حاجه

[احمد فهمى]

اكشف على علبة الدركسيون دى الحاجه الوحيده اللى مترجعش الدركسيون لوحدو بعد الملف وهى على فكره كهرباء مش زيت