انسب طريقة لغسيل حوض الياريس

[asemx1]

يا بشمهندس عاصم
مسدس المية وضغطه اقوى انه يحصل اللي انت بتقول عليه ده

وماله اغسل براحتك اغسلوا براحتكم يا جماعه خلوا الميكانيكيه ياكلوا عيش

انا غلطان

[charming]

انا مهتم اعرف و عندى فضول عجيب انة اية الفائدة اللى هتعود عليك لما تغسل المتور و خصوصا احنا فى مصر و دة لية 100 دلالة
اداء العربية هيزيد ابدآ
العربية شكلها هيبقى افضل معتقدش
العربية لا قدر الله هيجيلها الحرحر من قلت نظافة الماتور

عايز شكل الماتور يكون كويس
كل غسلة فى كار كير او بنزينة خد الماتور هواء و بعدين قطعة قماش قطن مبلولة و معصورة كويس و نظف اللى ايدك تطولة غير كدة يبقى بتهين عربيتك

[caution]لو على الغسيل بمسدس المية يبقى تغسل رداتير العربية و التكيف فقط و فقط تحتها 1000 خط[/caution]

[charming]

يا بشمهندس عاصم
مسدس المية وضغطه اقوى انه يحصل اللي انت بتقول عليه ده

عشان قوتة الماتور بيحصلة خلل نتيجة للضغط العالى و قوة اندفاع المية اللى بتبوظ بعض انواع من الحساسات و اكيد عشان ضغط عالى هيحصل البوجيهات و الكنترول مهما اجتهدت و قمت بتغطيتهم بلاضافة للصداء بعض الاجزاء الميكانيكية

سوأل:
مش بتلاحظ ان فية كوتش عازل حول اطراف الكابوت عشان لما الكابوت يتقفل يقفل بأحكام عشان ميصربش مياة للماتور و انتى بتغسل عربيتك او فى حالة المطر افتكر مفهوم لية

[أبو عبدالله]

معلشي مع كامل احترامي للمعارضين لغسيل العربية
ايوه كلامكم صح غسيل الماتور بميه جامد مش صالح لكل العربيات وبيبوظ حاجات كتير مع استمرارية الغسيل بمية بصفه دورية
ولكن
زي ما المية بتيوظ ..... فالتراب ايضا بيبوظ اي حاجه
ومعروف ان عدو الألكترونيات والحساسات هو التراب

غسيل الماتور بمية له شروط
أولها عدم الأستمرارية بمواعيد متقاربة على هذا يعني اغسلها كل كام شهر مثلا او للضرورة غير كده انفخ هواء فقط

ثانيا ان العربية متكونش ذات تكنولوجي عالي يعني فيه شغل حساسات كتير في كل حته في الكابوت وده غالبا مش هتلاقيه الا في الألماني
ثالثا مكان كمبيوتر العربيه يعني اشهر عربيه في موضوع ان الكمبيوتر بيبوظ لو جه مية في الكابوت هيا الأوبل

رابعا ان بعد الغسيل من مسافة وليس عن قرب بمسدس المية الضغط العالي تنفخ هواء بخرطوم ضغط هواء عالي بحيث تزيل غالب المية اللي في الكابوت علشان الحاجات اللي هيا زي سير الكاتينة وبلية الدينامو والكمبروسور وغيره

على فكره انا بقالي حوالي 8 سنوات بغسل عربياتي بالمية في الكابوت وعمر ما حصل حاجه ولكن هما كانوا ياباني وكوري
بس بعمل بالشروط اللي فاتت دي بانتظام

دي مشاركتي في نفس الموضوع في الصفحة السابقة فقط وضحت فيها رايي وشروط غسيل الحوض بتاع الماتور
وبرضه الناس داخله بترد عليا بكلام انا وضحته في المشاركة الأولى ليا في نفس الموضوع
انا مش فاهم احنا بنرد من مبدأ الرد ولا بنرد علشان نفهم الناس

[charming]

يا بشمهندس عاصم
مسدس المية وضغطه اقوى انه يحصل اللي انت بتقول عليه ده

الرد بأجابتين احداهما معارض و الثانى موافق يبقى كدة مكس فى الخلاط و انت قلت ان الغسيل لية اصول
با الله عليك تفتكر فى حد فى بنزينة هيعرف الاصول و دة بينطبق على جميع بنزينات مصر معتقدش عمال الغسيل عمللهوم دورة تدربية فى كوبنهاجن
و باعدين حاول تجيب مانيوال صيانة لاى عربية فية بند غسيل الماتور بكاتشر مسدس ضغط عالى او واطى
انا بقول وجهة نظر عن تجربة شخصية مريرة فى و احد من العربيات اللى ركبتها كلفتنى 5000 جنية بسبب غسيل الماتور

[أبو عبدالله]

الرد بأجابتين احداهما معارض و الثانى موافق يبقى كدة مكس فى الخلاط و انت قلت ان الغسيل لية اصول
با الله عليك تفتكر فى حد فى بنزينة هيعرف الاصول و دة بينطبق على جميع بنزينات مصر معتقدش عمال الغسيل عمللهوم دورة تدربية فى كوبنهاجن
و باعدين حاول تجيب مانيوال صيانة لاى عربية فية بند غسيل الماتور بكاتشر مسدس ضغط عالى او واطى
انا بقول وجهة نظر عن تجربة شخصية مريرة فى و احد من العربيات اللى ركبتها كلفتنى 5000 جنية بسبب غسيل الماتور

انا مش فاهم يعني ايه اجابتين واحد معارض والتاني موافق ؟؟؟؟
وبعدين انا مش هنكر غسيل العربية كليا علشان فيه عمال مش بيفهموا
ده مش موضوعي دلوقتي انا موضوعي هل الغسيل لا عالطول ولا ينفع ولكن بشروط زي ما وضحتها
هو يعني في ناس بتعمل غلط يبقى اقفل الباب كله ولا علشان حضرتك حصل معاك غلط يبقى خلاص نقفل الباب على كل الناس ........... بصراحه ده منطق الجيش

يا اخي الكريم انا قولت اربع شروط لو راجعتهم كويس وركزت فيهم هتعرف ان المسألة عادية ولو حضرتك تجربتك اللي كلفتك 5000 جنيه دي هتلاقي حضرتك فيه شرط من الشروط لم يتم
ودي مش مشكلتي دلوقتي لأن انا بوضح الموضوع كليا مش هقول بلا غسيل بلا بتاع
لأن اكيد اكيد فيه ناس عاوزه تغسل حوض عربيتها ........... وطبيعي برضه ان التراب بيأثر على حاجات كتير وهرد عليك بنفس المنطق اللي انت بتتكلم به لو الحوض مالوش لازمة ينظف مكنش اتعمله منتجات تنظفه !!!

بس ياريت تقولي العربيه اللي كلفتك 5000 جنيه دي كانت ايه لأني متأكد انها أوروبي ؟

[SonaSteel]

تصدقوا بالله انا كنت رايح اغسل الماتور النهارده
بس نفسي قفلت مع ان واحد صاحبي لسه مزعقلي امبارح وقالي حرام علك سايب الماتور كده
بس انا ممكن اعمله هو وخلاص ..... مش ناقصة حد يبوظلي حاجة في العربية
جزاكم الله خيرا
بس المعلومة الاخيرة
وغالبا للم/ عاصم .... اكيد هايجيلك يوم من الايام تغسل الماتور ... المدة ديه تبقي قد ايه مثلا ؟؟
مشكور

[mohammedabdallh]

انا مبحبش اغسل المتور نهائى ولو غسلته يبقى كل سنه مره وبخلى الميكانيكى هو الى يغسله مره الاول بالهوا والتنانيه بجبله جاز يغسله بيه والتالته ميه وبعد كدا هوا تانى بس كل فين وفين

[asemx1]

هههههههههههههه والله العظيم اشطه اوى الى يقول واحد صاحبه زاعقله حرام عليه الماتور عايز يتغسل هههههههههههههه يا شيخ والله ضحكتنى
ياشيخ عيب انا مش بغسل لحد طب على الاقل زوقيا بلاش تقول كدا

والله يا جماعه اضرار غسيل الماتور لا تعد ولا تحصى كفايه ابسط حاجه صدا الفيش بس هل هتغطى بقى الفيش كمان ؟؟؟ هل هتغطى السلوك بتاعت الدبرياج او وحده الدبرياج مثلا او النقلات الى ممكن تلاقيك وانتا بتضغط على الدبرياج تلاقيه بيزيق معاك ويتقل ؟؟
انتوا مش عارفين ان الميه لما تنزل على جسم سخن بتعمل حاجه اسمها rapid cooling ودا معناها تبريد سريع يعنى معنى كدا تغيير فى خواص المعدن ؟؟
انتوا مش عارفين ان الجلب بتاعت وش التاكيهات او السلندر او الاويل سيلات لما بتتعرض للميه وبعدين الحراره هتنشف ؟

والله العظيم جميع المشاكل الى بتشوفوها فى المحركات دى 90% منه بسبب الميه

جالى النهارده زميل لينا لمبه الاتشك منوره طلع العيب سنسور عمره ما بيعطل عليه شويه صدا اتغسل بالجاز واشتغل تانى

طب الصدا دا جه منين ؟؟؟ مش من الميه ؟؟
انا حساس الايدل بتاع الانوس باظ بسبب الميه مره
وحساس الtps باظ فورا بعد الغسيل رغم عزله جيدا

دا اخر رد ليا فى االموضوع دا وكل واحد ربنا خلق ليه عقل يحكم بيه ويقرر بيه ايه الصح

تحياتى لكم ...... م/ عاصم جاد

[أبو عبدالله]

هههههههههههههه والله العظيم اشطه اوى الى يقول واحد صاحبه زاعقله حرام عليه الماتور عايز يتغسل هههههههههههههه يا شيخ والله ضحكتنى
ياشيخ عيب انا مش بغسل لحد طب على الاقل زوقيا بلاش تقول كدا

والله يا جماعه اضرار غسيل الماتور لا تعد ولا تحصى كفايه ابسط حاجه صدا الفيش بس هل هتغطى بقى الفيش كمان ؟؟؟ هل هتغطى السلوك بتاعت الدبرياج او وحده الدبرياج مثلا او النقلات الى ممكن تلاقيك وانتا بتضغط على الدبرياج تلاقيه بيزيق معاك ويتقل ؟؟
انتوا مش عارفين ان الميه لما تنزل على جسم سخن بتعمل حاجه اسمها rapid cooling ودا معناها تبريد سريع يعنى معنى كدا تغيير فى خواص المعدن ؟؟
انتوا مش عارفين ان الجلب بتاعت وش التاكيهات او السلندر او الاويل سيلات لما بتتعرض للميه وبعدين الحراره هتنشف ؟

والله العظيم جميع المشاكل الى بتشوفوها فى المحركات دى 90% منه بسبب الميه

جالى النهارده زميل لينا لمبه الاتشك منوره طلع العيب سنسور عمره ما بيعطل عليه شويه صدا اتغسل بالجاز واشتغل تانى

طب الصدا دا جه منين ؟؟؟ مش من الميه ؟؟
انا حساس الايدل بتاع الانوس باظ بسبب الميه مره
وحساس الtps باظ فورا بعد الغسيل رغم عزله جيدا

دا اخر رد ليا فى االموضوع دا وكل واحد ربنا خلق ليه عقل يحكم بيه ويقرر بيه ايه الصح

تحياتى لكم ...... م/ عاصم جاد

سؤال صغير بس هو فيه فيش بتصدي ؟؟؟؟
هو فيه سلك دبرياج مكشوف لدرجة ان المية هتبوظه
وبصراحة يا بشمهندس انا شايف ان 90 % دي نسبة كبير ة جدا جدا على كلام حضرتك خصوصا ان ركبت عربيات كتير وغسلتها وعمر ما حاجه واحده بس من اللي انت ذكرتهم دول حصلة معايا او مع غيري ممن اعلمهم