I had an accident with Yaris

[Reem84]

Salamo Alikom
الحمد لله عملت حادثة من يومين بالياريس Air bags فتحوا , انا كنت عايزة أسال احسن طريقة اصلح التابلوه و فين لأني بصراحة مش ناوية أصلحهم تاني لأن لما سالت في التوكيل قالولي من ٢٥ ل ٣٠ الف
و سؤال تاني هو انا فعلا لو حبيت ابيعها بعد تصليحها تمنها بينزل ٥٠% علشان ال Air Bags حتي لو كانت الحادثة مش كبيرة أوي يعني جوانب العربية كلها سليمة من اول الرفرفين و الفوانيس سليمة و الخبطة موصلتش للماتور بس طبعا الاكصدام و الكبوت و الردياتير و سربنتينة و قنطرة هم اللي هيحتاجو يتغيروا

[Haitham10]

لو علي كلام حضرتك الخبطه دي هتأثر 30% عن سعر واحدة سليمة زيها مش اكتر من كدة ولو في صور هيكون افضل

بالنسبة للايرباج والتابلوه .. الحرفيين طبعا هي الحل

[Ahmod]

اولا الف سلامة على حضرتك والحمد لله انك طلعتي منها بخير

وطالما جت في الحديد يبقى فداكي

واكيد طبعا ان ال airbags لما بتفتح بتنزل من تمن العربية لانها مش بتفتح الا لما الحادثة بتوصل لصدر العربية والماتور

لكن موضوع عملية البيع ده هيتوقف على مدى الاضرار والحادثة وصلت لفين بالظبط فالاحسن ان حضرتك تنزلي صور للعربية عشان نقدر نفيدك

ولو ينفع تتصلح ده هيكون احسن لحضرتك من انك تبيعيها حوادث لان هتخسري فيها كتير اوي وممكن بعد ماتصلحيها تبيعيها والخسائر كدة هتبقى اقل شوية

[Reem84]

متشكرة جدا علي ردودكم و هحاول انزل الصورة اللي عندي و لونها مش واضحة أوي ..
ممكن بس لو حد يقدر يقوللي أرقام تيليفونات محلات قطع غيارأصلية برة التوكيل

[Ahmod]

متشكرة جدا علي ردودكم و هحاول انزل الصورة اللي عندي و لونها مش واضحة أوي ..
ممكن بس لو حد يقدر يقوللي أرقام تيليفونات محلات قطع غيارأصلية برة التوكيل

قطع الغيار الاصلية يبقى عند حضرتك حاجة من الاتنين

ياما فروع قطع غيار تويوتا الاصلية البرجسي ودي اسعارها غالية نفس اسعار التوكيل تقريبا بس بدون المصنعيات

فيه فرع في شارع مراد ده اللى اعرفه لكن فيه فروع تانية مش عارف هي فين بالظبط

بس دي اسعارها نااار عايز اقول لحضرتك اني سالت على المرايا هناك وكانت ب 960 جنيه تقريبا !

وممكن حضرتك تجيبي قطع الغيار استيراد وده هيبقى حل احسن وهتلاقيها موجودة في الحرفيين

او عليكي وعلى التوفيقية بس ماعتقدش ان فيها قطع غيار اصلية لكن هتلاقي حجات تيواني معقولة خاصا بالنسبة لسعرها

[Karim_Monir]

حضرتك ممكن تتعمل عندنا في الروشة بكل سهولة سواء كنا نشتري اير باج ليكي ونقفل التانية او نقفل الاتنين
ولو عايزة قطع غيار جديدة موجودة واستعمال موجودة واصلية برضه موجودة واحنا مابناخدش هامش ربح من اي مشتريات اطلاقا
وده جروب الورشة على الفيس بوك تشوفي صور شغلنا او تشوفي الصور في الموضوع في توقيعي
ومفيش حاجة ما بتتعملش بفضل الله
http://www.facebook.com/groups/295578580457513/
وانا على علاقة طيبة جدا بكل محلات تويوتا ف يالحرفين بحكم اني امتلك كرولا من 5 سنين
تحياتي

[Reem84]

Mr Karim,
thanks a lot for your reply, I will tell my brother then to contact you isA