إعـــــــلان

Collapse

.

,
See more
See less

تجربتي مع اليارس

Collapse
X
 
  • Filter
  • الوقت
  • Show
Clear All
new posts

  • تجربتي مع اليارس

    بسم الله الرحمن الرحيم
    النهرده ياشباب انا هكلمكم عن تجربتي الخاصة مع هذه العربية وسوف اتناول عربية عربية من يالي أشتريتهم عسى الله أن ينفعنا وأياكم بما فيه الصلاح .

    أجمالاً هي عربية كويسة جداً ... وقبل ما اشتريها سئلت واحد راكبها عنها فبص الراجل مستغرباً سئالي أيه رئيك في اليارس وكأني بسئلو سؤال غريب ؟


    وقال يبيه دي عربية تويوتا عارف يعني أيه تويوتا ... وسبني ومشي ، المهم سئلت واحد تاني راكبها أيه رئيك في اليارس فراح صاحب العربية ظحك وشكرلي فيها بكل هدوء وبرود بخلاف ملاك العربيات التانية الي تلاقيه بيدافع عن العربية بكل حرارة وحماسة ، وبعد ما أشترتها عرفت أن العربية بتتحدث عن نفسها وفعلاً سئالي كان سئال غبي شوية لأن بمنتهى البساطة دي تويوتا .

    الملاحظ عند قيادتها كأني بسوق عربية كامري صغيرة ... حتى سحبها كان ممتاز جداً لأن بمنتهى البساطة دواست البانزين لمس عليها أو حسس متضغطش جامد ... الفرامل كذالك الدريكسيون مش محتاج أكتر من صباعك علشان تلفو . قفلت وفتحت الابواب بتاعتها مستوى العزل الاتقان والجودة والتقفيل بتاعها شغل عالي وتديك أنطباع العربية المعمرة .

    لكن وحط تحت لكن دي ثلاث خطوط صادفتني بعض العيوب فيها وحابب أني أذكرهم :

    1- فلتر الزيت مكانو سيء للغاية ومزنوق .
    2- أسطوانت الدبرياج بتاعتها بتتقل بعد فترة بس طبعاً انا بفسر السبب أنو أحياناً كتيرة بكون حاطط العربية على الثالث ولأن العربية صوتها ناعم وهادي فأكون فاكر أنو الخامس وأمشي عليه لغاية 120 .
    3- زرار بتاع الفلشر الرباعي المفروض يكون أقوى من كده .
    4- الاكصدمات الخلفية هي مجرد حلية لها .
    بس عادي تمنها رخيص وبتستحمل .
    5- من ضمن عيوبها أنك لو أشتريتها وركبتها وسوقتها صعب جداً تركب عربية غيرها أو تغيرها لأنك هتتعلق بيها الا اذا كانت حاجة أعلى أما أقل هتتعب جداً نفسياً .

    دي أبرز عيوبها لكن أجمالاً أجمالاً هيا عربية ممتازة جداً وقوية جداً ... وحايزة على عدة جوائز عالمية في السلامة والبيئة والقيادة .

    حسيت بمتعه كبيرة في قيادتها ...
    وثبات عالي ... لأن كل العربيات بتجري ، بس مش كل العربيات تقدر تناور وتحاور بيها لكن ممتازة في المنوارت بالذات وقت الخطر وعلى سرعات عالية . شعورك بالرضا وأنتا سايقها ممتاز جداً .

    حتى قطع غيارها مبتستخسرش اي حاجه فيها لأن العربية بتديلك أكتر ما بتاخود منك
    وحتى لو العربية مستعملة أو قديمة توكل على الله أشتريها لأن تمن العربية فيها والي لا حظتو في العربية دي أن تصليحها في الخبطات سهل وبترجع العربية زي ماكانت ومبتحسش في اي أثر في الحوادث بتاعتها ... بخلاف الكوري اي الخبطة بتأثر فيه
    انا اتخبطت مرتين وكل خبطة ألعن من التانيه وحده من قدام ووحده من ورى والعربية وقفه فوق الرصيف وصلحتها بره التوكيل عادي جداً ورجعت أسوقها محستش بشعره فيها غلط . بسم الله مشاء الله عليها .
    أما من حيث أستهلاكلها للبانزين موفرة جداً جداً جداً ... بسم الله مشاء الله ولاحظة أن المتور بتاعها 1300 سي سي بكفائة متور 1600 سي سي بس كوري أو فرنساوي ... وعامة العربية اليارس عربية مش بتشتريها لكن بتقتنيها حاجه كده للعمر وللزمن .

    ملاحظة : هذا الموضوع لا يعبر غير عن وجهة نظر الكاتب الشخصية وتجربته الشخصية ... ملكش دعوة بتجربتي عندك تجربة شخصية ليك اذكرها معندكش كتر خيرك ... وشكراً لسعة صدركم .
    me_medoo

  • #2
    العربية دي انا بحترمها جدا
    وركبتها مرة كمرافق مع واحد زميلي في الشغل

    لكن انا شايف فيها عيب تاني مهم جدا
    قطع غيار غالية ناااااااااااااااااااار

    كنت في مرة في الشرقاوي جسر السويس واحد دخل يسال غلى فلتر بنزين قاله 500ج
    وقعد يسال على شوية حاجات تانية اتصدمت وانا بسمع الاسعار صراحة

    Comment


    • #3
      واللهي يا أبو صلاح مش عارف أقولك أيه
      بس انا شفت فلتر البانزين في عربيات تانية ب 700 جنيه و800 وأنتا طالع وفلتر اليارس حاول دايماً تعتبر الربع الاخير من التنك زي ماهو وأعتبرها فاضية وروح مون على طول ... وأستخدم بنزينة موبيل وبعد 100.000 كيلو أنشاء الله يمكن يمكن تفكر تغيرو

      بس صدقني في التويوتا بالذات مش هتستخسر فيها أي حاجة حتى لو كان فلتر البانزين ب 1000 جنيه حلال فيها .
      me_medoo

      Comment


      • #4
        اليارس عربية كويسة كتسارع وسحب ولكن فيها شوية عيوب عن تجربة ابعاد العربية صعبة جدا وممكن تتخبط من قدام وورا كتير الدبرياج بتاعها واطى جدا قطع غيار غالية فعلا
        [SIGPIC]http://imageshack.us/photo/my-images/545/6c6d1551112s.gif/[/SIGPIC]

        Comment


        • #5
          لو على قطع الغيار الغالية ... انا معايا غير الياريس لانسر شارك ... البوجيهات بتاعتها ب 650 جنيه و من الحرفيين (تخيل توكيل مثلا حتبقى بكاااام) ههههههههههههه

          هي عربية ممتاز ما شاء الله بس بحس ان سواقتها مملة ... مفيش حاجات بتلعب قدامك في التابلوه كده ...
          [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]

          Comment


          • #6
            عربيه حلوه كعربية مدينه وتعتبر احسن عربيه 1300

            كانت مع واحد صاحبى وركبتها كتير وكانت اوتوماتيك

            مميزاتها ماشاء الله اكتر من عيوبها

            موتور حلو ك 1300 استهلاك بنزين رائع ثبات متوسط تقفيل حلو تكييف ممتاز عفشة متوسطه

            العيوب العداد فى النص الصالون ضيق بس مش اوى ومفيش اوبشنز

            بس العيب الاهم هو السعر

            الياريس كانت حلوه اوى لما كانت ب 90 الف

            لكن ب 133 الف اسف دى تبقى اخر عربيه فى مصر ممكن افكر اشتريها

            حتى لو خلوها 2000 سى سى مش 1500

            امال هاينزلوا الشكل الجديد بكام 140 !!!!
            [aldl]http://s17.postimg.org/ygne2hebj/F2000045710.jpg[/aldl]

            Comment


            • #7
              الياريس قعدت معايا 5 سنين كاملة عملت بيها 100 ألف كيلو. العربية إجمالا كويسة جدا لكن يعيبها جدا الثبات ودي تجربة 5 سنين مش تجربة مع واحد زميلي مثلا:) ممكن نقول عربية فوق الممتازة داخل المدينة تقدر تناور بيها بسهولة وتركنها بسهولة وكمان بجد سحبها تحفة بالتكييف أو من غير. إنما نيجي للثبات بصراحة فكانت معاناة لأني بحب أجري شوية فمع أي هواء شديد شوية أو عربية نقل بحس انها بتتهز جامد ودا طبعا لأن وزنها خفيف. فلو كنت بتدور على عربية داخل المدينة أو حتى تسافر بيها بس تاخد بنصيحة شادية "سوق على مهلك سوق" هتلاقي الدنيا حلوة أوي وبجد ممكن ما تلاقيش عربية تريحك زيها. إنما لو هتجري بيها وحركات على سرعات عالية يبقى this is not the one!

              Comment


              • #8
                المشاركة الأصلية كتبت بواسطة hosam_optrawy مشاهدة المشاركة
                الياريس كانت حلوه اوى لما كانت ب 90 الف

                لكن ب 133 الف اسف دى تبقى اخر عربيه فى مصر ممكن افكر اشتريها

                حتى لو خلوها 2000 سى سى مش 1500

                امال هاينزلوا الشكل الجديد بكام 140 !!!!
                انا معاك قلباً وقالب في النقطة دي ...
                وحتى أخويا في أوربا جاب 2012 جبها ب9000 يورو بس يعني ب 72000 جنية .
                وقلي تحفه الشكل الجديد ... لكن في مصر هنا عيبنا بنجمرك اليباني والالماني بشكل تاني وبصورة مستفزة .
                ربنا يفك عننا الجمارك يارب او يجمركو المطور بس ويسيبو العربية في حالها

                شكراًٍ للمشاركة يا شباب وأحترم رأيكم بشدة
                me_medoo

                Comment


                • #9
                  انا متفق مع حضرتك في كل اللى قلته معدا نقطة الثبات !

                  فعلا العربية ثباتها محتاج تعديل كبير

                  انا قبل ماجنط العربية كانت مراجيح ودلوقتي بعد ماجنطت الموضوع اتظبط شوية

                  لكن بالكاوتش الاستوك والطاسات = مراجيح مولد النبي

                  بس في المقابل معاك نعومة غير عادية ! ارتفاع عن الارض وهتنسى الحك والمطبات

                  وفعلا قطع غيارها نار قبل كدة كنت محتاج اغير المقص الشمال ولقيته عامل 500 جنيه ! والمرايا اتكسرت رحت سالت في البرجسي لقيتها عاملة 1000 جنيه !

                  لكن قطع الغيار متوفرة ومعمرة لابعد الحدود

                  ودي حاجة ماحدش واخد باله منها ومحدش واخد باله ان قطع غيارها غالية لان ماحدش بيشتري

                  لان مكوناتها معمرة جدا انا عن نفسي العربية معايا بقالها خمس سنين ماشتريتش الا مرايا ولما لقيتها غالية في التوكيل جبتها تيواني ب 200 جنيه

                  والمقص لما لقيته غالي كبرت دماغي منه

                  وحتى صيانات العربية مكبر دماغي منها افتكر اخر مرة غيرت فلاتر او عملت صيانة للعربية كانت من حوالي تلت سنين او اكتر من سعتها مافيش حاجة في العربية اتغيرت غير فلتر الزيت مع كل تغيرة زيت

                  الياريس اكتر عربية ممكن تشتريها وتنساها وتنسى قطع الغيار بتاعتها

                  مع العلم اني مش بمون الا لما لمبة البنزين بتنور

                  والحمد لله العربية معايا زي الفل ومافيهاش اي مشاكل

                  وفعلا تمنها 133 الف كتير عليها لكن لو هتسحبها مقابل االاعتمادية العالية وطول عمر قطع الغيار ومكونات العربية هتلاقيها تستاهل

                  يعني احسبها معايا

                  بوجيهات الياريس بتتغير عند 60 الف

                  الماية الخضرا عند 100 الف

                  سير الكاتينة مش بيتغير

                  الكاوتش بتاعها البيرجيسدون ممكن يقعد معاك لحد 70 الف

                  التيل لو استخدامك حلو للفرامل اعتقد ممكن يقعد معاك لفوق ال 50 الف

                  كذلك الفلاتر هيبقى اخرك فلتر الزيت مع كل 10 الف كيلو

                  اما فلاتر الهوا والبنزين فلو حابب تعمل صيانتها وتغيرهم ماشي مش عايز هتلاقيهم شغالين معاك

                  اعتقد سعر العربية الغالي متعوض في طول عمر مكونات العربية
                  ..

                  Comment


                  • #10
                    طب صحيح يا بوحميد بالنسبة للجنوط معاك أخبارها أيه
                    ده أنا شوفت حبت جنوط على اليارس أنشاء الله أنشاء الله ناوي أرفعها على الموقع عنها بس مش عارف أزي أحط صورة جوا المنتدى ياريت حد يقولي الطريقة علشان أحط أخر تزبيطات اليارس

                    أما يا بوحميد ياريت تقولنا الجنوط مقاسها أيه وأيه أخبار الحكة مع المشي يعني بتخبط في الكرتيره ولا لأ لأني ناوي أنشاء الله أجنط
                    وانا معاك في كل الي قلتو وشكراً للمشاركة يا جميل
                    بس اليارس عندي انا داخل على 90.000 كيلو وبسم الله مشاء الله مفيش حتى صوت صفارة في الفرامل بفكر كده على 110 أغيرهم يعني من باب الصيانة .
                    me_medoo

                    Comment


                    • #11
                      فى المستقبل بالنسبالى هتبقى من اول اختياراتى
                      [SIZE=5][COLOR=darkred]M.El-NaHHal[/COLOR][/SIZE]
                      [SIZE=5][COLOR=#8b0000][/COLOR][/SIZE]
                      [SIZE=5][COLOR=#8b0000][/COLOR][/SIZE]
                      [url=http://www.nileup.com//uploads/images/sac6222655d.jpg][img]http://www.nileup.com//uploads/images/sac6222655d.jpg[/img][/url]

                      Comment


                      • #12
                        المشاركة الأصلية كتبت بواسطة me_medoo مشاهدة المشاركة
                        طب صحيح يا بوحميد بالنسبة للجنوط معاك أخبارها أيه
                        ده أنا شوفت حبت جنوط على اليارس إن شاء الله إن شاء الله ناوي أرفعها على الموقع عنها بس مش عارف أزي أحط صورة جوا المنتدى ياريت حد يقولي الطريقة علشان أحط أخر تزبيطات اليارس

                        أما يا بوحميد ياريت تقولنا الجنوط مقاسها أيه وأيه أخبار الحكة مع المشي يعني بتخبط في الكرتيره ولا لأ لأني ناوي إن شاء الله أجنط
                        وانا معاك في كل الي قلتو وشكراً للمشاركة يا جميل
                        بس اليارس عندي انا داخل على 90.000 كيلو وبسم الله مشاء الله مفيش حتى صوت صفارة في الفرامل بفكر كده على 110 أغيرهم يعني من باب الصيانة .
                        والله يا باشا الجنط الحمد لله مش عامل معايا اي مشاكل الحمد لله

                        بالعكس زود ثبات واستقرار العربية خاصا في المناورات وعلى السرعات العالية

                        مافيش اي حك في الكارتيرات ولا اي حاجة المهم ان انت تركب مقاس كاوتش مظبوط

                        انا مركب جنط 16 مع كاوتش مقاس 195/50 والعربية ممكن تشيل جنط 17 عادي بس بلاش خليك في ال 16 احسن وافضل

                        يمكن العيب الوحيد ان العربية بقت بتتهبد في الفحر والنقر اكتر من الاول بشوية
                        ..

                        Comment


                        • #13
                          يا شباب اليارس مفيش عليها كلام من اكثر العربيات اعتمادية فى مصر
                          بالنسبة لقطع الغيار انا هدى بعض امثلة
                          1. الكاوتش اتغير بعد 85000 وكنت مستحرم انى اغيرو
                          2. تيل الفرامل زى الفل بعد 85000 والفرامل تمام
                          3. فلتر البنزين مغيروا على 85000 وكان ب 700 جنية

                          من الاخر اليار عربية ملهاش حل

                          Comment


                          • #14
                            المشاركة الأصلية كتبت بواسطة el_nahal2004 مشاهدة المشاركة
                            فى المستقبل بالنسبالى هتبقى من اول اختياراتى
                            ياجدعان انا فوجئت ان سعر الياريس ب 133000
                            انا اخر مرة شايفها ب 112000
                            ازاى تنط كدة
                            دى كانت بادية 88000 للمانويال 96000 للاتوماتيك
                            ولما ماتورها باه 1500 بات ب 112000
                            دى دخلت فى فئة تانية كدة خالص ومتستحقهاش
                            [SIZE=5][COLOR=darkred]M.El-NaHHal[/COLOR][/SIZE]
                            [SIZE=5][COLOR=#8b0000][/COLOR][/SIZE]
                            [SIZE=5][COLOR=#8b0000][/COLOR][/SIZE]
                            [url=http://www.nileup.com//uploads/images/sac6222655d.jpg][img]http://www.nileup.com//uploads/images/sac6222655d.jpg[/img][/url]

                            Comment


                            • #15
                              أخويا أشتراها بره في أوروبا الهتش باك منها فل أوبشن ب 9000 يورو في 8 تبقى ب72000 جنيه

                              علشان كده انا نزلت موضوع في المنتدى العام اسمو صرخة مواطن ؟؟؟ أرفعو الجمارك نهائي ؟ حرام عليكووو دي بتمن فيرنا فول أوبشن
                              me_medoo

                              Comment

                              Working...
                              X