تويوتا سيليكا

[MOSHAKS]

كنت معدى بالصدفة من عند مجموعة ورش ولقيت العربية ديه بقالها فترة مركونة بتاعت ضابط شرطة
بيقولو انها تويوتا بس ميعرفوش ايه الباقى اعتقد انها تويوتا سيليكا موديل التسعينات بيقولو صاحبها عايز يبعها وماتورها تمام وعفشتها رياضية بس 2800 cc
ومحتاجة شوية شغل كهربا على شوية سمكرة خفيفة على وش دوكو وطالب 25 الف واخدها دايرة وشغالة ايه رايكم فى العربية ديه وتعمل كام لو واحده زى السودا ديه بتتباع؟؟؟؟


وديه صورة الجثة

[elgohary20012]

خليك فى المضمون سوق بلدنا للأسف مقرف لا يتقبل أى شيء جديد أو مش منتشر و طبعا عشان قطع الغيار و الذى منة و أستغلال التوكيل دة كمان أذا لقيت و دة رأيى و الله أعلم

[eng.m7md.ali]

الجثة طلعت هامدة جدا
الموضوع ده عايز مزاج يامعلم يعني تجيب العربية ومتستعجلش لانك مش هتعرف تجيب قطع غيارها بسهولة لانها مش منتشرة
يعني لو جبتها هتستنى بتاع 6 شهور علشان تخليها عربية تاني ... بس اهم حاجة الدواخل والاساسات تكون سليمة

[MOSHAKS]

هى فعلا مغامرة كبيرة بس الخوف منه لما اجى ابيعها بعد كده مش عارف هتعمل كام ولا مش هتجيب همها خالص

[Dr'AhmZZong]

بص يا باشا العربية ديه اعرف عنها حاجة واحدة بس .
إنها موجودة في need for speed underground2 هههههههههه ..
غير كده ميييييييح ..
يعني حرام عليك سايب عربيات الدنيا وجيلي تشوفلي عربية بصراحة متشجعش ابدا ...
عموما أنا مانصحكش عشان مش هتلاقي ليها أي حاجة .
تحياتي لحضرتك ..

[MOSHAKS]

بص يا باشا العربية ديه اعرف عنها حاجة واحدة بس .
إنها موجودة في need for speed underground2 هههههههههه ..
غير كده ميييييييح ..
يعني حرام عليك سايب عربيات الدنيا وجيلي تشوفلي عربية بصراحة متشجعش ابدا ...
عموما أنا مانصحكش عشان مش هتلاقي ليها أي حاجة .
تحياتي لحضرتك ..

هههههههههههههه الله يكرمك ضحكتنى هو بينى وبينك انا غاوى تعديل وحركات كده والعربية حستها مختلفة وهتبئا فريدة من نوعها نوعا ما فده اللى اللى شجعنى شوية انى اشوفها زى منت بتقول كده زى عربيات need for speed الواحد مخه هيضرب من العربيات ديه

[myself112]

حضرتك ممكن تنزل تسأل على قطع غيارها او تشوف على النت لو مشتركة مع عربيات تانية فى نفس قطع الغيار ولا لأ ...... او اسهل تكلم صاحبها اكيد هيبقى عارف معلومة تفيدك . العربية باين من الصور انها متبهدلة على الاخر , يعنى موضوع قطع الغيار هيبقى اهم نقطة , ده غير حالة الاساسات ............
لكن العربية دى انا لو رجعت تانى لاصلها هيبقى معاك وحش بمعنى الكلمة .......
ربنا يقدملك الى فيه الخير .

[myself112]

هى فعلا مغامرة كبيرة بس الخوف منه لما اجى ابيعها بعد كده مش عارف هتعمل كام ولا مش هتجيب همها خالص

من الناحية دى احب اطمن حضرتك , مش هتحيب همها خاااااااااااالص هتجيبها يبقى خليها معاك احسن , لان انت هتجيبها و هتصرف عليها كتير , و صعب اوى تلاقى حد يقدر العريية .

[mr_sameh]

اولا السعر اللي معروضه بيه غالي جدا وكمان لو كان فيا الخير مكنش رامها الطير

[molla]

كانت مع واحد صاحبى سنتين ركبها 5 شهور و الباقى بندور على حد يشترى مش لاقيين لحد ما اللى بعهلنا خدها تانى و برضو معرفش يبعها

[احمد فهمى]

ابعد عنها واشترى دماغك دى لو دايره وماشيه تمام ممكن تعمل ال25 الف ومش هتلاقى لها اى قطعة غيار

[MOSHAKS]

اشكركم يجماعة على متابعتكم معايا وانا كنت اعد مع صاحبها وبيقولى 25 الف وهى ساقطة شريبة من 3 سنين ومش عايز يرخص او مستخسر طبعا هى 2800 cc يعنى يعنى نفخ وبيقولى 2007 مش عارف ازاى
فصرفت نظر عنها والعاقبة عندكم فى المسرات شكرا ليكم جميعااااااااااا