الفرق مابين ياريس 2007 او 2008

[zekas2011]

السلام عليكم
يا جماعة عايز اشترى ياريس ومعروض عليا عربية 2007 وعربية 2008
الاثنين نفس الحالة فبريكا بالكامل والاثنين عاملين 40 الف بس الفرق فى السعر حوالى 7000 جنيه
السؤال هو فى فرق فى الامكانيات الفنية ما بين العربيتين ولا اشترى الارخص 2007 77 الف جنيه
ارجو الرد سريعا

[zekas2011]

يا خبراء الياريس

[bakroov]

الحالة اهم من الموديل لو الحالة هى هى انت اولى بال 7000 جم خصوصا ان الفرق فى الكاسيت والشبكة الامامية فقط

[zekas2011]

شكرا يا باشا وايه رأيك فى العربية بشكل عام اصل كنت عايز أجيب كورولا بس غليت اوى الايام دى فقالولى الياريس زى الكورولا

[ramy01011]

نصيحة حاول تدور علي اليارس الكاملة فل اوبشن علشان بتفرق جامد في الثبات

[zekas2011]

نصيحة حاول تدور علي اليارس الكاملة فل اوبشن علشان بتفرق جامد في الثبات

باشا المعروض عليا فول اوبشن اوتوماتيك ما عدا الجنوط دى كويسة موديل 2007 عاملة 39 الف
مع العلم ان طبيعية شغلى فى المقاولات وباسوق كتير حوالى 3 ساعات فى اليوم
كده يبقى الياريس مناسبة ليا ولا ايه من حيث الراحة فى السواقة والاستحمال

[bakroov]

الموتور هو هو بتاع الكرولا انما طبعا الكرولا فى الثبات احسن بكتير والصاج امتن شوية والياريس مناسبة جدا لشغلك و 39 الف مش استهلاك اتوكل على الله العربية دى ممتازة

[zekas2011]

شكرا يا باشا ربنا يكرمك

[zekas2011]

باشا العربية طلعت عاملة 60 الف مش 39 الف وممكن تخلص ب 75 الف دا كويس ولا كتير

[Ahmod]

نصيحة حاول تدور علي اليارس الكاملة فل اوبشن علشان بتفرق جامد في الثبات

قصدك عشان الجناح الخلفي ؟ الاسبولير ؟ ؟

الحالة اهم من الموديل لو الحالة هى هى انت اولى بال 7000 جم خصوصا ان الفرق فى الكاسيت والشبكة الامامية فقط

اعتقد تعديل الشبكة بدأ من موديل 2009

موديلات 2006 , 2007 , 2008 نفس الشبكة

باشا العربية طلعت عاملة 60 الف مش 39 الف وممكن تخلص ب 75 الف دا كويس ولا كتير

موديل 2007 فول اوبشن اتوماتيك لو فبريكة برة وجوة وحالتها العامة نضيفة ومش محتاجة مصاريف

75 سعر معقول ولو هتنزل ممكن تنزل الفين تلاتة مش اكتر من كدة

[Ahmod]

بالنسبة لسؤالك الاساسي

مافيش فروقات مابين موديلات 2007 و 2008

ولو فيه فهي حجات بسيطة جدا يمكن الشبكة (لاني مش متاكد التعديل بتاعها من 2009 ولا 2008) والكاسيت وحجات كماليات مش مؤثرة نهائيا

لكن لو الاتنين نفس الحالة تاخد الموديل الاحدث احسن احسبها ان دي بقالها 3 سنين على الطريق والتانية بقالها 4 سنين ! !

البطارية والكاوتش والتيل وبعض قطع الغيار اللى بتستهلك مع الوقت هتبقى اكيد افضل في الموديل الاحدث

[zekas2011]

جزاكم الله خيرا جميعا

[احمد فهمى]

توكل على الله عربيه فغلاً اتصممت للزحمه والتحمل بس لازم تكوت اوتوماتيك طبعاً

[bakroov]

احنا خلاص 2012 لو فابريكة برة وجوة 72 73 لو رشة برة 70 71 مش اكتر وده للاوتوماتيك كاملة

[dr_hady4447]

هوا اية عيوب الياريس ؟؟؟