شدة بس Unfriendly خالص ... !

[Ahmod]

السلام عليكم ورحمة الله وبركاته

بقالي كتير ماكتبتش مواضيع في قسم تويوتا ,<< القسم وحشني يا اخونا

الواحد متعود انه يشارككم اي حاجة سواء حوادث خبطات شدات

ربنا يفيكنا بس شر الطريق وتبقى كل المشاركات بعيدة عن الحوادث والخبطات والتصليح

بقالي مدة بدور على فلتر K&N اوريجينال للياريس والمشكلة كلها في سينسور ال Air Mass هو اللى مخلي التركيب عويص شوية

كلمت عادل وجدي يوم الاربع اللى فات قالي ادخل على موقع K&N وابعتلي اسم الفلتر المناسب لعربيتك عشان معنديش نت قلتله تمام

دخلت وبعتله رقم الفلتر قالي اتصل بيا يوم الاتنين

كلمته امبارح قالي الفلتر ده مش موجود بس عندي فلاتر تانية تركب للياريس قلتله يعني نفس الاداء ؟

قالي اه واحنا مش اول مرة نركب لياريس وماتقلقش قلتله تمام انا جايلك

خدت الدايري من اوله لاخره مشوار ابن ناس بصراحة

وبعد نزلة دار السلام بشوية لقيت لانوس بيجري سخنت معاه بس كان الطريق زحمة شوية غرزة في التانية الطريق فتح عديته بسهولة كنت ماشي وقتها مابين 130-140

كان راكب جمبي واحد زميلي لسه شاري لانوس من قيمة اسبوع قلتله اتفرج ياعم على الانوس قالي ده ماكنش حارق قلتله ماشي حقك عليا

كملنا المشوار لحد ماوصلت لعادل وجدي وبعد ماوصلت واستنيييييت عنده كتير قالي مافيش ليها غير الفلتر ال Replacement وده اللى بيركب جوة العمة علطول قلتله هاته وامري لله مع اني كنت مكلمه على المخروطي بس قلت حرام اضرب كل المشوار ده على الفاضي

قعد يدور في المخازن عنده في الاخر قالي مش موجود

قلتله ماشي هجيلك وقت تاني ومشيت وانا حالف اني ماهرجعله

اتحركت من عنده على الساعة 10.30 تقريبا

الدايري وانا راجع فااااااااضي تماما يكاد يكون كل فين فين بلاقي عربية

وانا مضايق اني ضربت المشوار على الفاضي ومركبتش الفلتر

وفي اثناء مانا ماشي على سرعة 100-110 لقيت لانوس عدى مش بفرق سرعة كبير يمكن كان ماشي 120 ولا حاجة

شكل عربيته سخني لانه عامل فيها شغل حلو رحت دايس وراه

مافيش 120-130 كنت قربت منه اوي ويظهر انه اول مالاقني بجري وسمع صوت الماتور عندي راح هو كمان سخن ودايس لاني في الاول كنت بقرب منه بعد كدة مابقتش بقرب خالص

140- 150 بيني وبينه تقريبا متر او مترين ومش عارف اقلل الفرق عن كدة

وهو مش بيبعد عني يعني المسافة مابينا واحدة وثابتين مع بعض

وطبعا مابين ال 130 الى ال 150 وزميلي صاحب الانوس قاعد الفرحة مش سيعاه

وعمال يضحك ويقول شايف الانوس هي دي الانوس
وقمة في الانبساط

وانا بصراحة كنت في قمة الاستغراب مش عشان مش عارف اطلع من الانوس لاني عارف انها جراية

لاني كنت حاسس ان العربية مخنوقة او جابت ال 150 بالضالين مش ده السحب اللى انا متعود عليه العربية فعلا اخدت وقت لحد ماوصلت ل 150

او يمكن عشان فيه عربية جمبك ماشية بنفس سرعتك فانت حاسس انك مش بتسحب الله واعلم

بمجرد العداد عندي كسر ال 150 بدأت احس ان فيه فرق ملحوظ في التسارع لصالحي واني بدات اطلع منه

والمعلم صاحب الانوس اول ماحس اني بدات اطلع منه راح رمى عليا

انا كنت ماسك الحارة الشمال خالص وهو في الحارة اللى جمبي راح مدخل نص عربيته في الحارة بتاعتي مع ان الطريق قدامه فاضي تماما بس قفل عليا

نرفزني بصراحة على الرغم من انه قفل بحرفنة وبفن يعني مرماش بغشومية بس برضوا المفروض انا في حارتي وانت في حارتك والاحسن يكسب الى جانب ان سواء الانوس او الياريس على سرعة زي دي ثابتهم في التلاجة يعني لو انا اتغاشمت وقلت هعدي بالعافية كنا لبسنا احنا الاتنين في بعض

لما قفل عليا هديت شوية نزلت ل 140 وهو فرق ببتاع عربية ونص

دست تاني وسعتها كان الدايري مافيش عليه غيري انا وهو والخمس حارات فاضين تماما

برضوا لحد 150 الفرق ثابت وبعد ال 150 بدأت اطلع وسعتها الطريق فاضي فمافيش مجال للتقفيل

عند ال 160 كنت طلعت بالكامل

وعند ال 170 بقى في المرايا والفرق بتاع عربيتين تقريبا

ورحت باصص لزميلي وقلتله هيا دي الانوس

قالي بس عذبتك علما طلعت منها قلتله فعلا بس لاحظ انا ماكنتش بطلع وهو ماكنش بيبعد عني

وخد بالك اني انا اللى جاري وراه

قالي انت عارف هو قفل عليك ليه ؟ قلتله ليه ؟

قالي اصل كان قاعد جمبه واحدة وباين عليها كانت متابعة الموقف

قلتله تصدق ماختش بالي نهائيا << مش بحب ابص لاي حد وانا بشد معاه بفضل اكون مركز في الطريق

بعدها قلبت اشارات لصاحبنا اللى معاه الانوس وفرامل رحت مهدي سرعتي لان مافيش داعي اني امشي على السرعات دي

<< ملحوظة : انا عن نفسي مش من الناس اللى بتحب تمشي على سرعة عالية مدة طويلة بس لما بلاقي الطريق فاضي وفيه عربية بتجري بحب اختبر قوة عربيتي معاها مش اكتر من كدة

مافيش دقيقتين انتظارات وحادثة تقريبا واحد بيعدي السكة ترلا خبطته لان كان فيه ترلا واقفة في النص وواحد مرمي على الارض

قلت الحمد لله اني هديت

مافيش خمس دقائق نص نقل وعربية نقل داخلين في بعض وفي وسطهم عربية والله ماباين ملامحها يا اما فانتزيا يا اما لانسر شارك حاجة شنطتها كبيرة مركزتش اوي

رحت مهدي بزيادة وقلت ربنا يستر علينا

بعدها بحبة قابلت صاحبنا اللى معاه الانوس تاني اديتله تحية بالكلاكس ومشيت

ودي كانت نهاية القصة وادعولي الاقي الفلتر بتاعها

وربنا يسترها معانا ويكفينا شر الطريق

[minicooper20]

هههههههههههههههههههههههه هو علشان رمى عليك بقا unfrindly
اومال لو عايز يلبسك كنت عملت ايه
بس الواد بيتاع الانوس ده شكلو غشيم لان الانوس لحد 160 حلوه
بس نيس يا كبير

[Ahmod]

هههههههههههههههههههههههه هو علشان رمى عليك بقا unfrindly
اومال لو عايز يلبسك كنت عملت ايه
بس الواد بيتاع الانوس ده شكلو غشيم لان الانوس لحد 160 حلوه
بس نيس يا كبير

ماهو يا كبير تخيل ثبات الياريس والانوس على سرعة زي دي عامل ازاي ؟ ؟

اللى بيقفل على السرعات دي المفروض يكون راكب حاجة تقيلة عشان تسعفه لو اللى بيشد معاه اتغاشم ! !

وبعدين المفروض انا في حارتي وانت في حارتك والبقاء للاقوى

وبعدين ايه ده قصدك ايه بشكلو غشيم

ماتقولش ان الطبيعي انه ماكنش المفروض اطلع منه لان بعد مالعداد بيكسر عندي ال 150 كت بحس بفرق كبير لصالحي وقبل كدة ثابتين مافيش افضلية لحد على التاني

وغير كدة والله كنت حاسس العربية مخنوقة ومش في حالتها اللى متعود عليها

انا لو وريتك فلتر الهوا اللى راكب عندي حاليا الماتور هيصعب عليك

تخيل فلتر هوا الفبريكة بتاعها اللى جاية بيه من 5 سنين ماغيرتوش

[yoko]

هههههههههههههههههههههههه هو علشان رمى عليك بقا unfrindly
اومال لو عايز يلبسك كنت عملت ايه
بس الواد بيتاع الانوس ده شكلو غشيم لان الانوس لحد 160 حلوه
بس نيس يا كبير

فعلا فين الunfriendly الي فيها؟
لما واحد يدخلك في التراب ولا يخبط مراته في مرايتك ولا تيجي تاخد غرزة ويقوم قالفها عليك بغشوميه عشان تلبس يبقى إيه؟

[Ahmod]

فعلا فين الunfriendly الي فيها؟
لما واحد يدخلك في التراب ولا يخبط مراته في مرايتك ولا تيجي تاخد غرزة ويقوم قالفها عليك بغشوميه عشان تلبس يبقى إيه؟

والله يابوحميد الواحد متعود على الكلام اللى انت بتقوله ده بس بيبقى على سرعات حنينة فالواحد بيبقى متوقع وبيلم نفسه بستر ربنا

لكن الهزار على السرعات العالية بيستفزني بصراحة

[yoko]

والله يابوحميد الواحد متعود على الكلام اللى انت بتقوله ده بس بيبقى على سرعات حنينة فالواحد بيبقى متوقع وبيلم نفسه بستر ربنا

لكن الهزار على السرعات العالية بيستفزني بصراحة

على 160 وحياتك

[minicooper20]

ماهو يا كبير تخيل ثبات الياريس والانوس على سرعة زي دي عامل ازاي ؟ ؟

اللى بيقفل على السرعات دي المفروض يكون راكب حاجة تقيلة عشان تسعفه لو اللى بيشد معاه اتغاشم ! !

وبعدين المفروض انا في حارتي وانت في حارتك والبقاء للاقوى

وبعدين ايه ده قصدك ايه بشكلو غشيم

ماتقولش ان الطبيعي انه ماكنش المفروض اطلع منه لان بعد مالعداد بيكسر عندي ال 150 كت بحس بفرق كبير لصالحي وقبل كدة ثابتين مافيش افضلية لحد على التاني

وغير كدة والله كنت حاسس العربية مخنوقة ومش في حالتها اللى متعود عليها

انا لو وريتك فلتر الهوا اللى راكب عندي حاليا الماتور هيصعب عليك :o_stupid[1]:

تخيل فلتر هوا الفبريكة بتاعها اللى جاية بيه من 5 سنين ماغيرتوش

لا فهمتنى غلط انا بتريق على ان كل الناس دلوقتى بقت وحشه اوى و خصوصا فى الشد بقت حاجه زباله
و بالنسبه انو غشيم ده لانو معرفش يجرى الانوس لان عندى احساس بيقولان الانوس تطلع من الياريس لحد 150 ده مجرد احساس مش يقين
بس نيس يا كبيرنا

فعلا فين الunfriendly الي فيها؟
لما واحد يدخلك في التراب ولا يخبط مراته في مرايتك ولا تيجي تاخد غرزة ويقوم قالفها عليك بغشوميه عشان تلبس يبقى إيه؟

الغرض التريقه يا يكو بيه الشد اليويمن دول بقا بيصول للتلبيس اسالنى انا

والله يابوحميد الواحد متعود على الكلام اللى انت بتقوله ده بس بيبقى على سرعات حنينة فالواحد بيبقى متوقع وبيلم نفسه بستر ربنا

لكن الهزار على السرعات العالية بيستفزني بصراحة

هههههههههههههههههههههههه
الفلطه على سرعه عاليه بفوره
و الهزار يعتها بيكون اخرتو وحشه اوى

[M.Akef]

هههههههههههههه
ربنا يستر علينا جميعن يا ريس اظن انت شفت موضوعي في قسم كيا عشان عديته نزل يضربي مش حتي يقفل عليا بس :(

[MNabeih]

بالله عليك اهدي شوية انت كل مواضيعك شد و تلبيس و حواااادث

[bmya]

والله ياباشا انا حصلي كده ومن مين من صديقي الانتيخخخخخخ هههههههههههههههههه
هو معاه سيراتو 2008 ستيب ترونيك كان معه 2 وانا معايا سيريون 2008 اتوماتيك ومعايا 2 برده المهم انا شادد معاه قبل كده ومقطعه لحد 120 130 كده المهم الرمه دي بقه كان مستحلفلي كنا في فرح مسافرين في زفه وكده على الطريق وشادين مع بعض ماششين جمب بعض وفي غرزه قدامي هخودها منه مع عربيه ربع نقل
يعني هو ماشي شمال وانا ماشي جمبه يمين بس انا كنت بدأت افرق شويه عنه وفيه قدامي ربع نقل ايديته اشاره شمال اني هدخل قدامه غرزه وده حلف انه ما يدخلني يدوب دخلت راح دايس كيك داون وزنقني وزنقه نفسه صحبي اللي جمبي كان بيتشاهد خلاص !! واان لحقت دوس فرامل جامد وبعدين بنزين وحدفت شمال يعني كنيت على ما هو عدا وروحت داخل وره لزق وحمدت ربنا ان هو ما كبس فرامل هو كمان وزنقني اكتر كل ده ليه عشان ماعديهوش !!!!!!! وده صحبييييييييييييي صحبييييييييييييي يعني والله لما وصلنا مسكته انا و صحبنااللي كانو معايا ظبطناه وهو اعد يتأسف لي وكده قلتله ياعم خلاص فوكك مني خالص لا تشد معايا ولا اشد معاك
الخلاصه يعني ياباشا ان في ناس دماغها بتقفل فعلا في حوار الشد بغبااااااء وحصلي برده مع عربيه ديماكس على طريق اسكندريه قاهره الزراعي برده عديته ومكنتش بشد معاه اصلا لقيته سخن موت عداني في الزحمه بغباء وبعدين جاي بعديه عادي يعني لقيته قفل عليه وراح كاااااااااابس فامل عاوز يلبسني فيه من وره وهو طبعا مش هيتأثر اانا اللي هتبهدل طبعا كابست فرامل على الاخر لدرجه الكاوتشات صرخت جاامد لقيت اللي ماشيين ورايا كلهم شغلوا انتظار والحمد لله ماكانش حد لازق فيا كان لبس فيا
في ناس رخمه وبيكونوا مستكترين ان عربيه صغيره تعديه و بتوع النقل بيستكبروا اوي ان ملاكي يعلم ليه تخللللللف
ربنا يسترها

[Ahmod]

لا فهمتنى غلط انا بتريق على ان كل الناس دلوقتى بقت وحشه اوى و خصوصا فى الشد بقت حاجه زباله
و بالنسبه انو غشيم ده لانو معرفش يجرى الانوس لان عندى احساس بيقولان الانوس تطلع من الياريس لحد 150 ده مجرد احساس مش يقين
بس نيس يا كبيرنا

الغرض التريقه يا يكو بيه الشد اليويمن دول بقا بيصول للتلبيس اسالنى انا

هههههههههههههههههههههههه
الفلطه على سرعه عاليه بفوره
و الهزار يعتها بيكون اخرتو وحشه اوى

الناس فعلا مابقتش كويسة في الشد خالص واي حد بتطلع منه بيبقى عايز يلبسك

والياريس فيه ناس كتير خلي بالك بتتخدع فيها نظرا لانها 1300 فبالمنطق اي حد بيجي في باله انها على قدها في الجري وخاصا لو اتوماتيك

محدش بيكتشف الحقيقة الا في حالتين يااما ركبها مع واحد فاهمها ياما شد مع واحد راكبها وفاهمها برضوا وعارف يجريها

هههههههههههههه
ربنا يستر علينا جميعن يا ريس اظن انت شفت موضوعي في قسم كيا عشان عديته نزل يضربي مش حتي يقفل عليا بس :(

ربنا يسترها علينا يارب

على 160 وحياتك

لا ده اكيد بيهظر انا لو مكانك مش عارف مش بعيد اخبطه

[Ahmod]

بالله عليك اهدي شوية انت كل مواضيعك شد و تلبيس و حواااادث

والله حاولت كتير بس مافيش فايدة تقدر تقول كدة الجري ده ادمان بعيد عنك

والواحد مهما بيحصل مش بيتعظ

اخر مرة قبل وقفة رمضان اللى فات بيوم العربية عرضت مني في شارع الهرم ولفت حوالين نفسها نتيجة تلت غرز قطم ورا بعض ! وبستر ربنا ماتقلبتش وعدت على خير

تاني يوم علطول اللى هو يوم الوقفة طلعت مع واحد زميلي على الصحراوي بعربيته وعملنا حادثة على 240 تقريبا وربنا نجانا من الموت

قلت توبة وده انذار من عند ربنا وهمشي براحة مافيش يومين كنت معذوم على الفطار برة صحيت قبل المغرب بحوالي ربع ساعة نزلت مستعجل وانت طبعا عارف الطريق قبل الفطار بحجات بسيطة بيبقى كلو بيجري

ببص لقيت نفسي ماشي 140 على الدايري قلت معلش ده عشان بس مستعجل

مافيش اسبوع ولا عشر ايام كدمات الحادثة راحت ورجعت لحالتي الطبيعية ولقيت نفسي بجري انيل من الاول

وكل ماقول ابطل ارجع اجري تاني

ربك اللى بيسترها خليها على الله

والله ياباشا انا حصلي كده ومن مين من صديقي الانتيخخخخخخ هههههههههههههههههه
هو معاه سيراتو 2008 ستيب ترونيك كان معه 2 وانا معايا سيريون 2008 اتوماتيك ومعايا 2 برده المهم انا شادد معاه قبل كده ومقطعه لحد 120 130 كده المهم الرمه دي بقه كان مستحلفلي كنا في فرح مسافرين في زفه وكده على الطريق وشادين مع بعض ماششين جمب بعض وفي غرزه قدامي هخودها منه مع عربيه ربع نقل
يعني هو ماشي شمال وانا ماشي جمبه يمين بس انا كنت بدأت افرق شويه عنه وفيه قدامي ربع نقل ايديته اشاره شمال اني هدخل قدامه غرزه وده حلف انه ما يدخلني يدوب دخلت راح دايس كيك داون وزنقني وزنقه نفسه صحبي اللي جمبي كان بيتشاهد خلاص !! واان لحقت دوس فرامل جامد وبعدين بنزين وحدفت شمال يعني كنيت على ما هو عدا وروحت داخل وره لزق وحمدت ربنا ان هو ما كبس فرامل هو كمان وزنقني اكتر كل ده ليه عشان ماعديهوش !!!!!!! وده صحبييييييييييييي صحبييييييييييييي يعني والله لما وصلنا مسكته انا و صحبنااللي كانو معايا ظبطناه وهو اعد يتأسف لي وكده قلتله ياعم خلاص فوكك مني خالص لا تشد معايا ولا اشد معاك
الخلاصه يعني ياباشا ان في ناس دماغها بتقفل فعلا في حوار الشد بغبااااااء وحصلي برده مع عربيه ديماكس على طريق اسكندريه قاهره الزراعي برده عديته ومكنتش بشد معاه اصلا لقيته سخن موت عداني في الزحمه بغباء وبعدين جاي بعديه عادي يعني لقيته قفل عليه وراح كاااااااااابس فامل عاوز يلبسني فيه من وره وهو طبعا مش هيتأثر اانا اللي هتبهدل طبعا كابست فرامل على الاخر لدرجه الكاوتشات صرخت جاامد لقيت اللي ماشيين ورايا كلهم شغلوا انتظار والحمد لله ماكانش حد لازق فيا كان لبس فيا
في ناس رخمه وبيكونوا مستكترين ان عربيه صغيره تعديه و بتوع النقل بيستكبروا اوي ان ملاكي يعلم ليه تخللللللف
ربنا يسترها

اكنك بتحكي نفس الموقف اللى حصلي مع زميلي على الصحراوي بس سعتها ماكناش بقى ماشيين 120 ولا 130

كنا طالعين مرينا هو بعربيته الالنترا وانا بالياريس

وفجأة واحنا ماشيين في رنج 130 تقريبا سخنا على بعض وتقدر تقول كدة مجريه ورايا من 140 لحد 180 صدق او لا تصدق ده اللى حصل

بعد كدة بدأ هو يطلع وانا كان قدامي ترلا بمقطورة وماشي 180 وهو ورايا على الشمال بفرق عربية تقريبا بس بدا يقرب مني

اديته اشارة شمال عشان يفهم وهو مافيش فايدة قلت مابدهاش ورحت رامي عليه مانا كدة ولا كدة ميت في الحالتين راح هو مفرمل حبة ولما وصلنا قعد يزعق وانت غشيم وانت مش عارف ايه وبترمي عليا وانا ماشي 190

قلتله طب مانا مديك اشارة وشايفيني ماشي بسرعة زيك وقدامي مقطورة هتفاداها ازاي يعني ؟ ؟ المفروض كنت تهديلي

بس عدت على خير الحمد لله

وماجبتش لحد سيرة عن الشدة دي نهائيا لاني بتشتم كل مابقول لحد عليها وبيقولي انت كداب محدش مصدق غير زمايلي اللى كانو موجودين معايا ومعاه (كنا 4 في كل عربية)

[bmya]

انا عمري ما بعمل كده والله لما بلاقي اللي معايا غبي وخطر على نفسه وعليه بنفض له ويقول اللي يقوله يعني صحبي بتاع السيراتو ده مخه جزمه بججد في اي حاجه مكنتش اعرف انه في العربيات كمان كده غير لما شدينا مع بعض المره دي طلع غشييييييييم المهم هو متأكد اصلا انه هيطلع مني واان كمان يعني هو لو كان استنا على الطريق ما يفتح كان هيطلع مني كده كده لان السيراتو القيدمه بصراحه طياره ماشاء الله على طول بيقفل عدادها عادي جدااا بس تقول بقه في الدماخ لما تبقى جزمه وقفل ومصدي
المهم انا بقيت بنفض بصراحه للشد دهلما بحب اجري بجري ومليش دعوه بحد لما محبش مبجريش بس في الاخر الحوادث دي قدر ونصيب لو راكن ومكتوبلك حادثه هتحصلك يبقى هتحصلك وربنا يستر

[haithamameen]

عايز تبطل شد بجد
الاستغفار والقران فى العربيه وتذكر لاقدر الله لو عملت حادثه جامده ومثلا لبست فى عربيه هل هتعرف تعوض العربيه تانى اللى ممتعاك واهميتها لحياتك تصل ل 50% بجد هتلاقى نفسك ماشى هادى جدا وهتتفرج على الناس اللى بتشد وتقول ربنا يهديهم وانت اعصابك قمت الهدؤ

والله انا لسه شايف يارس قدام جامعة 6 اكتوبر يادوب اخد المطب اللى قدام الجامعه ومتفهمش اتشغل فى التليفون ولا ايه المهم لبس فى عربيه نص نقل وبقولك يادوب طالعين من المطب الصناعى اللى قدام الجامعه مشقادر اقولك ايه اللى حصل طبعا اليارس الوش مع السلامه لحد الموتور وطبعا الزيت بينزل من العربيه والايرباج فتحو وطبعا الاسعاف جت واخدت الراجل والنص نقل كمل ومشى اقسم بالله بس كان فيه واحد كان مع اليارس مشى ورا النص نقل وجابو السواق واكل علقه محترمه والونش جه شال العربيه من قدام
طبعا احنا كلنا هنا اخوات وربنا يسترها عليك لان السواقه ملهاش كبير
فخلى العربيه للمتعه تخرج مع اصحابك تتمشو بيها تسافرو بيها ولجامعتك وانت مريح العربيه من غير متقرص ولا حاجه
انا ياجماعه بعامل عربيتى كانها واحده رقيقه بجد بعاملها بحنيه
وفى مقوله قالهالى سواق تاكسى قريبى الله يرحمه خبرة سواقه 40 سنه قالى (( احترم عربيتك تحترمك)) يعنى طول منت محافظ عليها وبتعاملها كويس تلاقيها دايما واقفه معاك ولا تعطل وتلاقيها شيلاك فى الزنقه
والله المستعان

[medo_msmsa]

هي اللانوس جراية؟؟؟؟ دي اكتر عربية بطة شفتها في حياتي