الحقوني ارجوكم من الكورولا 2008 الافريقي؟؟؟؟؟؟

[anwer2010]

للاسف انا اشتريت كورلا 2008 اقريقي من اسبوع وهيا محتاجه حجات في العفشة ب 80 الف عامله 89 الف كيلو
بدور علي قطع غيار للعفشة بتاعتها مش لاقي؟
نفسي الاقي حد بيشتغل فيها وانا من القاهرة للعلم وكنت عايز اعرف فين حد بيبيع قطع غيار ليها في القاهرة ةهل التوكيل لو روحت هناك هيعمل الفتيس بتاعها ولا علشان ملهاش ضمان هدفع فلوس ويريت بكام

ويريت لو حد يعرف حد في التوكيل او تليفون ليهم

انا اسف بس بجد انا طلعت من هدومي بسبب العربية دي

[M.FOUAD]

حاجات زي اية اللي عايزها في العفشة

[anwer2010]

مساعدين طنابير تيش بيض تيل ويريت لو في مكانيكي او مركز كويس عنده الكمبيوتر بتاع الفتيس لاني عايز اشيك عليه لاني خايف منه

[minicooper20]

عفشه ايه ال بى 80 الف هى مارسيدس
انزل الحرفين

[Unendlich]

أنت اللي قلته على بعضه ده مياخدش 5000 جنيه
المشكلة إن كتير من اللي بيشتروا العربية دي بيفتكروها نصاحة لما ياخدوا عربية رخيصة و مش بيحبوا يدفعوا أكتر عشان ياخدوا عربية نضيفة

[Manchestrawy]

حضرتك تقصد اشتريت العربيه بـ 80 الف ولا محتاجه عفشه بـ 80 الف ؟
وعلى فكره الي حضرتك قلته كلو ميجيش 5000 بالكتير زي ما الراجل الطيب قالك فوق
ومش قاصدي اضايقك بس المفروض محدش بيشتري عربيه بالسعر ده
الا لما يكشف عليها مره واتنين عند اكتر من واحد .. الا اذا كنت واخدها على عيبوها
بالتوفيق

[Veroman]

ولو على الفتيس و موضوع الضمان خلص كدة ممكن بدفعوك فلوس عشان تعملة و هيبقى فى رنج 9500 على حسب مانا سالت ورقم التوكيل 16550 و احجز فى الحتة اللى انتا عاوزها

[Land_Cruiser]

عفشه ايه ال بى 80 الف هى مارسيدس
انزل الحرفين

فى سوء تفاهم يا بيه الراجل بيقول اشترى العربيه ب ٨٠ الف و عامله ٨٩ الف كيلو و هو بيدور على قطع غيار خاصه بالعفشه و عايز يعرف يجيبها منين

[Unendlich]

فى سوء تفاهم يا بيه الراجل بيقول اشترى العربيه ب ٨٠ الف و عامله ٨٩ الف كيلو و هو بيدور على قطع غيار خاصه بالعفشه و عايز يعرف يجيبها منين :copy of majd(4):

اللي اشتري عربية بالسعر ده هيجيب يا اما صيني أو بالكتير قوي استيراد

[anwer2010]

الف شكر علي الاراء الي ماستفتش منها بولا حاجه
حد يعرف مكان بيبيع قطع غيار ليها؟
رقم التليفون او العنوان وشكر للناس الي بتدخل تنتقد وخلاص

[Land_Cruiser]

الف شكر علي الاراء الي ماستفتش منها بولا حاجه
حد يعرف مكان بيبيع قطع غيار ليها؟
رقم التليفون او العنوان وشكر للناس الي بتدخل تنتقد وخلاص

حضرتك ممكن تكلم التوكيل على 16550 زى ما الاخ قاللك و تسال على تمن قطع الغيار اللى حضرتك عايزها تمنها كام و لو عايز نصيحتى انك تحجز ميعاد و تروح يعملولك كشف كامل على العربيه و تعرف بالضبط ايه اللى محتاج تغيير و تغيره علشان تحافظ على العربيه او على الاقل يعنى تعرف الحاجات اللى فعلا محتاجه تغيير و اسعارها فى التوكيل كام و ممكن كمان تعمل جوله فى التوفيقيه او شارع دمشق لو مش عايز التوكيل بس مش هتخسر حاجه لو عرفت اسعاره يعنى اهو على الاقل تقارنها باللى بره

[medo_msmsa]

اللي اشتري عربية بالسعر ده هيجيب يا اما صيني أو بالكتير قوي استيراد

وانت ايه اللي مزعلك حتى لو شاريها ببلاش ربنا يبارك له فيها ويكفيه شرها وياخد خيرها
بالنسبة لصاحب الموضوع تقدر تنزل الحرفيين هتلاقي كل حاجة لعربيتك من الابرة للصاروخ وان شاء الله تجيب كل اللي انت عايزة باسعار كويسة عندي وجهة نظر في موضوع الفتيس لو اوتو وفيه مشاكل وتصليحة زي ما قالو 9300 جنية حاول تغيره لمانوال وتريح دماغك لان للاسف حتى بعد ما تدفع 9300 ممكن يرجع تاني للمشاكل زي تجربة بعض الناس
ربنا يوفقك وتتمتع بيها

[wwaeel]

دى نمره عفشجى اسمه عيد مكانهفي اول الهرم عند قاعهسيد درويش هوبيشغل في عفشه التويوتا الجنوب افريقي وشاطر 01001542779

بالنسبه للفتيس متكشفش عليه ولا تلعب فيه في اي حته بره التوكيل لانهفيه عيوب صناعه اصلا واي حد بيلعب فيه بيخرب اكتر اكشف عليه في التوكيل ومش هيدفعوك حاجه لان الفتيس عليه ضمان اضافي وهما عارفين ان فيه عيوب فبيتساهلو مع العملاء انت لو بتشتكي من حاجه معينه فيه اكشف عليه لو ماشي كويس معاك خلاص واسئل في التوكيل علي العربيه مغيره الطقم المعدل في الفتيس ولا لا ولو مكنتش غيرته وماشيه كويس معاك نصيحه متغيرهوش الا لما تعمل عيب معاك

[wwaeel]

بالنسبه لقطع الغيار في المنير في اول فيصل عنده قطع الغيار اصلي وسعرها اقل من التوكيل بكتير وفي العالميه للتجاره في شارع دمشق بمصر الجديده