أسعار قطع غيار التويوتا يارس

[me_medoo]

بسم الله الرحمن الرحيم

حبيت اليوم أكتب عن أسعار قطع غيار اليارس بالتفصيل ... رغم أني عانيت في تجميع أسعارها لأن حلاوت العربية أن في قطع أصلية أصلية يباني مية مية وفي يباني تقليد وفي صيني وفي ماليزي وفي سنغفوري ده غير الاستيارد .

الاســــــــــــــــــعار :
النوع ........................سعر الاصلي.............سعر أخر :

أكصدام أمامي ..............800 ....................325 تيواني
رفرف يمين .................850 .......650.......300 تيواني
كشاف أمامي ...............600 ....................325 تيواني
باب أمامي .................2750.......1950.................. .
باب خلفي .................2750 ......1950 ..................
فانوس خلفي ..............475.....................225 تيواني
أكصدام خلفي ............................450 ..................
طقم مساعدين أمامي ...................1500 جنية ...........
طنابير فرامل ............................1250 جنية ...........
حامل أكصدام أمامي (القطعة) ...........85 جنية .............
جنط (الاسود /قطعة )....................450 جنية ............
جنوط اليارس الاصلية أسبور ..........3000 جنية ..........
فلتر تكيف ...........675 جنيه الاصلي ........110 الصيني ..
فردت كوتش برليجستون يباني ..................465 جنية ....
طقم مسحات (برازيلي )..........................75 جنية .....
فلتر زيت أصلي ...............55 جنية .
البرفريز الخلفي أصلي ......................5000 جنية .
بوجيهات التيوتا الاصلية ...................130 جنية .
مدفع شاسية أمامي .........................450 جنية .
طقم دبرياج أصلي بالتركيب ...............1500 جنية .

اسعار الاكسسوارات :

المسطرة الاستانليس الي في الشنطة فوق النمر............450
طقم دليات صيني .......................................110 جنية
دلاية أصلي أمامي (قطعة)..............................125 جنية
دلاية أصلي خلفي (قطعة) .............................145 جنية
طفاية سجاير أصلية (طقطوقة)........................265جنية
طفاية سجاير تقليد .....................................30 جنية .
كليبس تثبيت الاكصدام (أصلي قطعة )..................5 جنية
كليبس تثبيت قايم الفبر (أصلي قطعة )..................5 جنية
ولاعة سجاير سخان (أصلي ) ........................ 165جنية
قلب ولاعة السجاير (أصلي) ..........................370 جنية
طقم لمض شبورة .....400 ...........300.........200 جنية
أسبويلر خلفي ..........................400 ........300 جنية
طاسة يارس تقليد ......................................30 جنية
غطى للسيارة قماش ................من 85 جنيه الى 130 جنية
غطى العربية بالشعار خفيف ...........................220 جنية
غطى العربية بالشعار ثقيل .............................335جنية
مفتاح ريموت الاصلي ..................................350 جنية
جهاز أنذار يركب على الريموت الاصلي ..............650 جنية
جهاز أنذار wolf صيني ............................. 200 جنية
سينسور للركن خلفي ..................................200 جنية
طقم دوسات خلفي للشنطة.............................135 جنية
فرشة عربية بالشعار ...................من 400 الى 500 جنية
ستارة خلفية .................................من35 الى 65 جنية
لمض ليدات للصالون (قطعة 24 ليدة) .................25 جنية
جوز كلكسات يباني نص كوم ..........................80 جنية
كلكس يباني أصلي بالتوكيل ...........................188 جنية

أسعار الكاسيت :

سعر الكاسيت تويوتا أصلي (صناعة فلبيني) ....1500 جنية
وبيجي معاه ياسيدي كاسيت و سي دي ودي صورتو .

وفي كاسيت تاني بيجي مع وش التابلوة شيك جداً بيجي معاه أم بي ثري وأوديو وجي بي أر أس وفتحت أي باد وفتحت يو أس بي وحبت حاجات تحفه ب 3500 جنية ودي صورتو ...

وإن شاء الله يكون الموضوع حاذ على أعجابكم ورضاكم وسامحوني للأطالة ... لكن حبيت أضيف الموضوع رداً على الناس الي بتقول أسعار قطع غيار اليارس غالية ... لا مش غالية ولا حاجة ... ده قطع غيارها بحرررررررر ... وفي انواع كتيرة وانتا أختار ... ويمكن عقبال ما تفكر تروح تشتري قطعة من الي سعرها تكون مكتوبه هنا تكون رخصة كمان ... المهم دايماً حاول تفاصل مع البياع بس التوكيل مفهوش فصال هههههههههههههههه .

وبالتوفيق إن شاء الله ... ولو في حاجة جديدة إن شاء الله هضيفها .

--------------------------------------
ممنوع الكتابة باللون الأحمر لأنه مخصص للمداخلات الادارية
يرجي مراجعه قواعد المنتدي
مشرف م7
12:35
22-1-2012

[SonaSteel]

ماشاء الله ......... موضوع وتجميعه ممتازة
جزاك الله خيرا ...... هو الاصلي ده من التوكيل ولا قصدك ياباني درجة اولي؟
مشكوووووور واقعد بالعافية :))

[BLOODY_STONE]

موضوع راااائع فعلا ياريت التثبيت للافادة العامة

[me_medoo]

تسلمو يا شباب ...
لا هو الاصلي يعني من التوكيل ... تيوتا أيجبت .
وفيه حجات من شركة زي العالمية دي في شارع دمشق وليها فرع في الحرفيين ... وفيه كمان عرفة ده في شارع دمشق ... وفيه واحد في الحرفين عندو أسعار تحفة وجميلة لقطع غيار اليارس بس أبن اللزينة مدنيش فاتورة عليها اسمو اورقم تيلفونوا تقريباً اسمو الاندلس او حاجة زي كده كمان في الحرفيين .

[me_medoo]

ياباشا اللون الاحمر ده اللون الرسمي لشركة تويوتا هههههههههههه
عامة يالله انا اسف حصل خير .

[magedtiti]

بجد موضوع مميز جدا
انا شارى عربيه يارس من سبع شهور كتير من الناس كانت تقلى قطع غيرها غليه جدا
كده عرفت الاسعار
شكرا اخى العزيز

[me_medoo]

العفو ياسيدنا ... بس شفتو أزاي انها لا غالية ولا حاجة ... بس المشكلة الناس لسه عليشة في زمن الحب الجميل ايام مكان الفنوس ب 10 جنيه . بس نصيحة متسترخصوش في اليارس بالذات كل ما تبقى غالية كل ما يبقى تمنها فيها ... وده موجود وده موجود الرخيص والغالي والوسط ... وأسمك راكب يباني 100% ... وكفاية عنصر الجودة المفقود في كتير من العربياااااااااااات ... وبالمناسبة العربية صنع في اليابان لأن أكتشفت أن كتير من الناس فكرينها جنوب أفريقيا ودي معلومة خاطئة ... ومعلومة أخرى لا حظتها ، لأني كان عندي كورولا المتور هوا هوا وخمسين في المية من قطع غيرها هيا قطع غيار الكورولا 1300 سي سي .

وأنشاء الله لمن أنزل الحرفين هجبلكم تمن النص الخلفي وتمن النص القدامي وتمن الفتيس وتمن المتور أستيراد .

وفاضل كمان تمن سير المجموعة وفلتر الهوى بتاعها الاصلي .

[me_medoo]

لسه راجع من توكيل تيوتا أبو رواش ... واسعار القطع الغيار الي فيه الياباني الياباني تويوتا يارس ... وحتى يكون عندك بأسعار القطع الاصلية 100% ..

تويوتا أيجبت ... أبو رواش :

رفرف ............................1050 جنية
باب أمامي .......................2813 جنية
باب خلفي .......................2366 جنية
فانوس أمامي ..................1000 جنية
فانوس خلفي ....................888 جنية
شبكة أمامية......................900 جنية
مساعد (قطعة)...................1023 جنية
كبوت ............................1040 جنية
طنبورة فرامل (قطعة)..........660 جنية
أكصدام خلفي...................1085 جنية
أكصدام أمامي..................1245 جنية
دراع النور والشبورة..........550 جنية
طفاية سجاير ..................234 جنية
كليبسات ....................... 5 جنية
فلتر هوى .....................130 جنية
فلتر زيت .....................50 جنية
سير المجموعة...............245 جنية
بوجيهات..................... 72 جنية
وردة طبة الزيت............ 5 جنية
زيت موبيل 1 ..............252.34 جنية
زيت فتيس .................169.40 جنية
ولاعة سجاير سخان (أصلي ) .......... 165جنية
قلب ولاعة السجاير (أصلي) ............370 جنية

ملاحظة: تضاف 10% ضريبة مبيعات من قيمة كل قطعة .
وطبعاً بكده يكون عندك الاسعار برة التوكيل وجوا التوكيل وشكراً

[rompo10]

تسلم ايدك ياباشا بس في اسعار مبالغ فيها شويه

[rompo10]

وحضرتك نسيت اهم حاجه الناس بتحتاجها التيل الامامي والخلفي والمساعدين الخلفيه

[me_medoo]

ههههههههههههه

خلاص المره الجية هسئلك عليهم وأحطهم ، بس على فكرة المساعدين الي ورى انا سئلت في التوكيل وقلتلو بسم تزيقة كده بالذات وانا نازل من على المطب ... فرد عليا المهندس وقال عادي كل اليارس كده لأن العبشة بتاعتها اسبور ، ودي حتت جلدة الي بتزيق لا بتتشحم ولا بتتغير ...

بس كتير من الناس بتغير المساعدين الخلفين على الفاضي ...
أما بالنسبة لتيل الفرامل الاصلي هو حاجه و 300 جنية بس هتأكدلك منهم عنياااااا ... أنتا تأمر ياقمر ... بس الاسعار مبالغ فيها ههههههههههههه هو انا الي حاططها ... بس على فكرة برضو أسعار تعتبر رخيصة ، لو قلنا أنها قطع يباني أصلية في عربية يباني ... بالك أنتا شوف الجديد من الكوري او الفرنساوي بكام قطع غيارهم ... وياريت قطع غيارهم بتعمر ... ولا حتى العربية تعمر هههههههه .