صيانة اليارس 80 الف

[Motaz.Habib]

انا معايا عربية يارس 2008 اوتوماتيك

الناس كانت بتؤلى ان فصيانة ال80 الف بغير فلتر الزيت بتاع الفتيس و لما روحت لامير و جوزيف قلولى روح التوكيل غيرة هناك احنا مشبنغيرة لما كلمت التوكيل الولى مفيش حاجة اسمها فلتر لزيت الفتيس

عندى سؤالين
1- فى حاجة اسمها كدة ولا لأ
2- الصاينة فالتوكيل هتخشلها 3500 و عندهم 2300 اصين عند مين
افيدونى افادكم الله

[Ahmod]

بص يا باشا الصيانات اللى زي 40 الف او 80 الف يفضل انها تكون في التوكيل

عشان بيتم فيها تغيير حجات معينة بتتغير كل 40 الف كيلو

هو مافيش حاجة اسمها فلتر لزيت الفتيس على حسب معلوماتي بس فيه زيت الفتيس لازم يتغير امتى بالظبط مش عارف

عموما لو الفرق بسيط مابين الصيانة برة وجوة التوكيل الاحسن توديها التوكيل عشان تبقى على الاقل مطمن

وانا برضوا فاضلي 3 الاف كيلو واتم ال 40 الف وهروح اعمل صيانتها في التوكيل ان شاء الله

[Motaz.Habib]

تسلم يباشا
فى اى حد يجماعة عن راى تانى

[me_medoo]

أه انا عندي رأي تاني ...
الاسعار الي بتقولها دي غير صحيحة ... بص ياباشا انا في العربية الاولانية رحت عملتلها صيانة 80.000 كيلو وقالولنا 1800 جنيه بس لمن رحنا دفعنا 1500 جنية بس

في العربية التاني برضو تويوتا يارس رحت اعمل صيانة 45.000 كيلو كمان قالولي 1800 جنيه بس برضو دفعت 1606 جنيه بالضبط والفاتورة عندي ...

غيرو سير المجموعه والبوجيهات وزيت المتور وفلتر وزيت الفتيس وجلدة الطبه وقلبولك الكوتشات الي قدام ورى والي ورى قدام ورصصوهم ... وغيرو زيت الفرامل وفلتر الهوى وغيرو مية الردتير ... ونضفو طنابير الفرامل ... وغسلو المتور بالفوم وزودو مية المسحات ... وصلحلوي ولاعة السجاير ... وكان في صوت صفارة كده كل مأحرك الفتيس قالولي دي محتاجة تشحيم سلك مش عارف ايه ... المهم شحموه وشحمو العربية ودفعت ال 1606 جنيه ولو غيرو لفتر البانزين على مأعتقد كانو دفعوني 1800 جنية او أكتر شويتين .

بس بصراحة الصيانة في التوكيل بتريحني عن الورش الي بره وتحياتي وبالتوفيق انشاء الله .

[Motaz.Habib]

يباشا ازكان فلتر البنزين بس ب 1200 ازاى الصيانة كلها تباى ب 1800 انا الارقام دى الراجل فى ابو رواش ايلهالى فالتليفون

[me_medoo]

واللهي مش عارف اقولك أيه ... لأن الاسعار في تويوتا متلخبطة شوية ... انا على التيلفون في صيانة 45.000 كيلو قالولي من 900 ل 1000 جنية ولمن رحت ابو رواش قالولي لأ الصيانة ب 1800 جنيه قلتلهم أخر كلالالالالالام ههههههههه خلاص ماشي بس المهم ترجعولي العربية زي الفل ... المهم وانا خارج ادوني فاتورة ب 1606 جنية شاملة الضريبة وقلولي روح ادفعها بالخزنة ... حتى ساعتها قعدت أفاصل معاه وقلتلو مبتعملوش تخفيض لشباب الثورة هههههههههههه قالي لأ قلتلو ولا تخفيض لقدامى المشرفين على اللجان الشعبية ههههههه قالي برضو لأ .

[me_medoo]

بس معقولة أنتا لحقت تغير فلتر بانزين ، حرام ... جرب تستخدم المنظف ده وهتلاقي عربيتك زي الفل

[ahmedbndk]

منعا للخلط موضوع ال 1200 جنيه فلتر بنزين هو الاتى
فى ال 80000 كم بيغيرو ال pump الخاصة بالبنزين بجميع الوصلات بالفلتر ما عدا القلب وده السبب فى ان السعر غالى كده مش الفلتر بس