ايه رأيكو في تويوتا أفانزا ؟ عندي لكم كام سؤال عليها ؟؟

[amaka]

عندي لكم كام سؤال عليها ؟

1- هل هي واسعة . وهل الوسع بتاعها على حساب الشنطة ؟

2- هل هي ثابتة ومريحة في السفر .

3- هي لسه بتنزل مصر ولا لأ . الشكل الجديد هينزل امتى ؟

4- اخبار اسعار قطع الغيار ايه مع بعض الامثلة ؟

[Ahmod]

والله يا باشا على حسب ماسمعت انه اتوقف انتاجها والله اعلم !

انا عموما الافنسيس شفتها مرة على الطريق وكان جاي من ورة مجمع وحارق

دوست وراه معرفتش اجيبه فواضح ان ماتورها قوي وسحبها ممتاز

كان بياخد غرز ماشاء الله يمين في شمال والعربية مش بتتحرك سنتي زيادة عن الغرزة وكان ماشي فوق ال 140

فواضح برضوا ان ثابتها كويس

ده اللى انا اعرفه عنها نتيجة عن مرة شفتها بتجري في شارع النصر غير كدة الله واعلم !

[YoussefMostafa]

والله يا باشا على حسب ماسمعت انه اتوقف انتاجها والله اعلم !

انا عموما الافنسيس شفتها مرة على الطريق وكان جاي من ورة مجمع وحارق

دوست وراه معرفتش اجيبه فواضح ان ماتورها قوي وسحبها ممتاز

كان بياخد غرز ماشاء الله يمين في شمال والعربية مش بتتحرك سنتي زيادة عن الغرزة وكان ماشي فوق ال 140

فواضح برضوا ان ثابتها كويس

ده اللى انا اعرفه عنها نتيجة عن مرة شفتها بتجري في شارع النصر غير كدة الله واعلم !

افانزا مش افنسيس

[Ahmod]

افانزا مش افنسيس

غلطة مطبعية

العتب عن النظر

[Veroman]

انا لسة كنت فى التوكيل من قريب و كانت معروض هناك هى واسعة بس الشنطة صغيرة جدا مش عارف لية على قد ما فيها وسع جامد جدا الصراحة الباقى معرفش عنو حاجة عشان مستخدمتهاش و مجبرتهاش انا شوفتها بس

[YoussefMostafa]

انا سوقتها كذا مرة وملاحظاتي كالتالي :

-اولا العربية 1500 سي سي دفع خلفي

-نقلات الفتيس الاوتو محسوسة مش ناعم اوي

-نسب تخفيض الفتيس قصيرة عشان يدي عزم لعربية 7 راكب يعني مثلا ال 100 كانت علي 3100 لفة تقريبا علي النقلة الرابعة

-العفشة بتهبد جامد

-العربية من جوا مش عريضة مقارنة بحجمها الخارجي

-خامات وتقفيل عادية

-استهلاك البنزبن كويس وكذلك السحب بالنسبة لعربية دفع خلفي ومحرك 1500 بس

-الباور مش ناعم بس معقول

-طبعا الشنطة مش كبيرة وده عشان الكرسيين الزياده اللي ورا

-الفرامل abs كويسة جدا وعن تجربة

-العربية موجودة 2012 ب 116.000

-لو ضروري بالنسبة لحضرتك موضوع ال 7 راكب ده يبقي الافانزا تفي بالغرض غير كده لأ